மரம் பேசுகிறது

மனிதா? மனிதா?

நான் பேசுவது கேட்கிறதா?

நான் தான் மரம் பேசுகிறேன்

எனக்கு ஓரறிவு என்கிறாய்.

உனக்கு ஆறறிவு என்கிறாய் !

என்னால் இடம்விட்டு இடம் நகரமுடியாது என நினைத்தா எனக்கு ஓரறிவு என்றாய்?

எனக்கு ஒரே ஒரு உணர்வு மட்டுமே உண்டு என்பதாலா எனக்கு ஓரறிவு என்கிறாய்?

எனக்கு ஏழு அறிவு இருக்கிறது.

சொல்லட்டுமா?

1. நான் விதையாக கரும்பாறையில் விழுந்தாலும், கலங்க மாட்டேன். பாறையைப் பிளந்து என் வேர்களை நுழைப்பேன்.

2. கடும்புயலிலும் மழையிலும் கலங்கமாட்டேன். மண்ணை இறுகப் பிடித்து மண்ணரிப்பைத் தடுப்பேன்.

3. எதிர்வரும் வறட்சியை முன்னரே கணித்து என் இலைகளை உதிர்ப்பேன்.

4. என் உடல் பொருள் ஆவி என அனைத்தையும் உனக்காக உணவாகத் தந்தேன்; தருவேன்.

5. மழையைத் தந்து உயிர்களை வாழ வைப்பேன். உன்னையும் வாழ வைப்பேன். உன்னால் மழைபெய்ய வைக்க முடியுமா?

6. நீ உயிர் வாழ ஆக்ஸிஜனை தந்தேன். உன்னால் ஆக்சிஜனை உருவாக்க முடியுமா?

7. நீ எத்தனை முறை என்னை வெட்டினாலும் வெட்ட வெட்ட உனக்காக முளைப்பேன். யாருக்கு ஏழு அறிவு என்று யோசி மனிதா!

நான் வருகிறேன், நன்றி!