இயல் 6

பத்தாம் வகுப்பு இயல் 6

பலவுள் தெரிக

1.குளிர்காலத்தைப் பொழுதாகக் கொண்ட நிலங்கள்______

குறிஞ்சி, மருதம், நெய்தல் நிலங்கள்

2.கூற்று 1: போராட்ட பண்புடனே வளர்ந்தவர் கலைஞர் கூற்று ரெண்டு அவருக்குள் இருந்த கலைத்தன்மை வளர அது உதவியது.

கூற்று 1 மற்றும் 2 சரி

3.மலர்கள் தரையில் நழுவும். எப்போது?

தளரப் பிணைத்தால்

4.தூக்குமேடை என்னும் நாடகத்தின் பாராட்டு விழாவில்தான், கலைஞர் என்ற சிறப்புப்பெயர் வழங்கப்பட்டது.- இத்தொடருக்கான வினா எது?

கலைஞர் என்ற சிறப்புப்பெயர் எப்போது வழங்கப்பட்டது?

5.கோசல நாட்டில் கொடை இல்லாத காரணம் என்ன?

அங்கு வறுமை இல்லாததால்

குறுவினா

1.காட்டில் விளைந்த வரகில் சமைத்த உணவு மழைக்கால மாலையில் சூடாக உண்ணச் சுவை மிகுந்திருக்கும். இத்தொடரில் அமைந்துள்ள முதற்பொருள் கருப்பொருள்களை வகைப்படுத்தி எழுதுக.

முதற்பொருள்

1.நிலம்-காடு (முல்லை)

2.பொழுது-

1. பெரும்பொழுது-மழைக்காலம்(கார்காலம்) 
2. சிறுபொழுது-மாலை

கருப்பொருள்: 

உணவு: வரகு

2.“கலைஞர், பழுமரக்கனி பயன்கொள்ளும் பேச்சாளர், படித்தவரைக் கவரும் ஆற்றல் கொண்ட எழுத்தாளர்”- பேராசிரியர் அன்பழகன். இக்கூற்றை அயற்கூற்றாக எழுதுக.

கலைஞர், பழுமரக்கனி பயன்கொள்ளும் பேச்சாளராகவும், படித்தவரைக் கவரும் ஆற்றல் கொண்ட எழுத்தாளராகவும் திகழ்ந்ததாகப் பேராசிரியர் அன்பழகன் பாராட்டியுள்ளார்.

3.உறங்குகின்ற கும்பகன்ன ‘எழுந்திராய் எழுந்திராய்’ காலதூதர் கையிலே ‘உறங்குவாய் உறங்குவாய்’ கும்பகன்னனை என்ன சொல்லி எழுப்புகிறார்கள்? எங்கு அவனை உறங்கச் சொல்கிறார்கள்?

1. உறங்குகின்ற “கும்பகருணனே! உம்முடைய பொய்யான வாழ்வு எல்லாம் இன்றிலிருந்து இறங்குவதற்குத் தொடங்கிவிட்டது. அதனைக் காண்பதற்காக எழுந்திடுவாய்! எழுந்திடுவாய்!” என்ற சொல்லி எழுப்புகிறார்கள். 
2. “காற்றாடி போல எல்லா இடங்களிலும் திரிகின்ற வில்லைப் பிடித்த காலனுக்குத் தூதரானவர் கையில் இனிப் படுத்து உறங்குவாயாக!” என்று அவனை உறங்கச் சொல்கிறார்கள்.

4.சாந்தமானதொரு பிரபஞ்சத்தைச் சுமக்கின்ற ஒல்லித்தண்டுகள். இக்கவிதை அடிகள் உணர்த்தும் உள்ளழகை எழுதுக.

1. ஒல்லித்தண்டுகளே பெரிய மலர்களைத் தாங்குகின்றன. 
2. அதுபோல, மென்மையான அன்பு என்னும் பண்பே அமைதியான பிரபஞ்சத்தைச் சுமக்கின்றது.

5.கீழ்வரும் தொடர்களில் பொருந்தாத கருப்பொருளைத் திருத்தி எழுதுக. 

உழவர்கள் மலையில் உழுதனர். 

முல்லை பூச்செடியைப் பார்த்தவாறே பரதவர் கடலுக்குச் சென்றனர்.

1. உழவர்கள் வயலில் உழுதனர். 
2. நெய்தல் பூச்செடியைப் பார்த்தவாறே பரதவர் கடலுக்குச் சென்றனர்.

சிறுவினா

1.வைத்தியநாதபுரி முருகன் குழந்தையாக அணிந்திருக்கும் அணிகலன்களுடன் செங்கீரை ஆடிய நயத்தை விளக்குக.

முத்துக்குமாரசாமி பிள்ளைத்தமிழ்

1. திருவடியில் அணிந்த சிறு செம்பொன் கிண்கிணிகளோடு சிலம்புகளும் சேர்ந்து ஆடட்டும். 
2. இடையில் அரைஞாண் மணியோடு ஒளி வீசுகின்ற அரைவடங்கள் ஆடட்டும். 
3. பசும்பொன் என ஒளிரும் தொந்தியுடன் சிறு வயறு சரிந்தாடட்டும். 
4. பட்டம் கட்டிய நெற்றியில் விளங்குகின்ற பொட்டுடன் வட்டவடிவான சுட்டி பதிந்தாடட்டும். 
5. கம்பிகளால் உருவான குண்டலங்களும் காதின் குழைகளும் அசைந்தாடட்டும். 
6. உச்சிக் கொண்டையும் அதில் சுற்றிக் கட்டப்பட்டுள்ள ஒளிமிக்க முத்துகளோடு ஆடட்டும். 
7. தொன்மையான வைத்தியநாதபுரியில் எழுந்தருளியுள்ள முருகனே! செங்கீரை அடி அருள்க! 
8. இவற்றுடன் அழகிய பவளம் போன்ற திருமேனியும் ஆட, செங்கீரை ஆடுக.

2.நவீன கவிதையில் வெளிப்படும் நுன்மை உள்ளம், பூத்தொடுக்கும் நாட்டுப்புறப் பாடலில் வெளிப்படுகிறது. ஒப்பிட்டு எழுதுக.

நவீன கவிதை

இறுக்கி முடிச்சிட்டால் 

காம்புகளின் கழுத்து முறியும் 

தளரப் பிணைத்தால் 

மலர்கள் தரையில் நழுவும் 

வாசலில் மரணம் நிற்பதறிந்தும் 

வருந்தாமல் சிரிக்கும் 

இந்தப் பூவை 

எப்படித் தொடுக்க நான்.

நாட்டுப்புறப் பாடல்

கையாலே பூவெடுத்தா - மாரிக்கு 

காம்பழுகிப் போகுமின்னு 

விரலாலே பூவெடுத்தா- மாரிக்கு 

வெம்பி விடுமென்று சொல்லி 

தங்கத் துரட்டி கொண்டு மாரிக்குத் 

தாங்கி மலரெடுத்தார்.

நாட்டுப்புறப் பாடலிலும் வெளிப்படும் நுண்மை உள்ளம்

1. மலர்கள் மென்மையானவை. மனமே நூலாகும் நுண்மையுற்றாலொழிய பூத்தொடுப்பது அரிது. மிகுந்த கவனத்தோடு பூத்தொடுக்க வேண்டும் என்ற நுட்பம், நாட்டுப்புறப் பாடலிலும் வெளிப்படுகிறது.
2. மலரைக் கையாலோ விரலாலோ பூத்தொடுத்தால் பாழாகிக் போய்விடும். அதனால் அழுக்குப் படாமல் மிகுந்த கவனத்தோடு, தங்கத் துரட்டி கொண்டு மாரியம்மனுக்கு மலர் பறித்தனர்.

3.‘கடற்கரையில் உப்புக் காய்ச்சுதல் நடைபெறுகிறது; மலைப்பகுதிகளில் மலைப் பயிர்களும் நிலப்பகுதிகளில் உழவுத் தொழிலும் நடைபெறுகின்றன’.- காலப்போக்கில் பல மாற்றங்கள் நிகழ்ந்த போதிலும், பண்டைத் தமிழரின் திணை நிலைத்தொழில்கள் இன்றளவும் தொடர்வதையும் அவற்றின் இன்றைய வளர்ச்சியையும் எழுதுக.

1. குறிஞ்சி: அன்று தேனெடுத்தல், கிழங்கு அகழ்தல். இன்று இவற்றுடன் சுற்றுலாவும் வளர்ச்சியடைந்துள்ளது. 
2. முல்லை: அன்று ஏறுதழுவுதல், நிரை மேய்த்தல். இன்று காடுகள் பாதுகாக்கப்பட்ட வனப்பகுதிகளாக அறிவிக்கப்பட்டுள்ளன. 
3. மருதம்: அன்று நெல்லரிதல், களைபறித்தல். இன்று இவற்றுடன் பலவகைத் தொழில்களும் பெருகியுள்ளன. 
4. நெய்தல்: அன்று மீன்பிடித்தல், உப்பு விளைத்தல். இன்று இவற்றுடன் பல்வகைப் தொழில்களும் நடைபெறுகின்றன.
5. பாலை: அன்று வழிப்பறி, நிரைகவர்தல். இன்று இத்தகைய தொழில்களுக்கு இடமில்லை.

4.தமிழ் மொழிக்காகக் கலைஞர் செய்த சிறப்புகளுள் நீங்கள் அறிந்து கொண்ட இரண்டினை எழுதுக.

1. மனோன்மணியம் சுந்தரனாரின் “நீராரும் கடலுடுத்த” என்னும் பாடலை அரசுவிழாக்கள் அனைத்தும் தொடக்கப் பாடலாக பாடுவதற்கு வழிவகுத்தார்.
2. அத்துடன், கல்வித்துறையைப் பள்ளிக்கல்வி, உயர்கல்வி என இரண்டாகப் பிரித்ததோடு தமிழ் வளர்ச்சித்துறை எனப் புதிதாக ஒரு துறையை உருவாக்கி அதற்குத் தமிழறிஞர் ஒருவரையே அமைச்சராக்கி அழகு பார்த்தார்.

நெடுவினா

1.நெகிழிப் பைகளின் தீமையைக் கூறும் பொம்மலாட்டம் உங்கள் பள்ளியின் ஆண்டு விழாவில் நிகழ்த்தப்படுகிறது. அதற்குப் பாராட்டுரை ஒன்றினை எழுதுக

பாராட்டுரை

பொம்மலாட்ட நிகழ்ச்சி நடத்துவது என்பது கத்திமேல் நடப்பது போன்றது. விரல் நுனியில் காட்சிகளை மாற்றி கண்முன்னே நிறுத்துவது இதன் சிறப்பம்சம். உயிருள்ள மனிதர்கள் பேசுவது போன்ற தோற்றத்தை ஏற்படுத்தி உள்ளுணர்வில் மாற்றத்தை ஏற்படுத்த வல்லது. 

நெகிழிப் பைகளின் தீமை

நமது பள்ளி ஆண்டு விழா என்பது ஒவ்வொரு மாணவருக்கும் மிகவும் மகிழ்ச்சியைத் தரக்கூடிய ஒரு நிகழ்வாகும். என்றும் பசுமையான நினைவுகளாக இருக்கக்கூடிய ஆண்டுவிழாவில், ஆண்டுதோறும் புதியபுதிய சிந்தனைகளை மாணவர்கள் மனத்தில் விதைப்பீர்கள். அந்த வகையில் இந்த ஆண்டு நெகிழிப்பைகளின் தீமையைக் கருவாகக் கொண்டமைக்கு எனது மனமார்ந்த பாராட்டுக்களைத் தெரிவித்துக்கொள்கிறேன். அதை விதைப்பதற்கு நமது பாரம்பரியக் கலையான பொம்மலாட்டக் கலையைத் தேர்வு செய்த பள்ளி ஆண்டுவிழா ஏற்பாட்டாளர்களுக்குத் தலை வணங்குகிறேன். 

பாலித்தீன் பைகள் கால்வாய்களில் அடைத்துக் கொள்வதால் நீர்வழிகள் அடைபட்டு மழைக் காலங்களில் வெள்ளப் பெருக்கு போன்ற அபாயங்கள் ஏற்படுகின்றன. நீர்தேங்கி கொசுக்கள் உற்பத்தியாகி டெங்கு, சிக்குன் குனியா போன்ற நோய்கள் பரவுகின்றன. நெகிழிப்பைகள் பல்லுயிர்பெருக்கச் சூழலைப் பெரிதும் பாதிக்கின்றன.

நிகழ்ச்சியின் தாக்கம்

 ‘ஒரே கல்லில் இரண்டு மாங்காய்’ என்பது போல இந்த நிகழ்ச்சியின் மூலம் பொம்மலாட்டக் கலையின் அருமை பெருமைகளை அறிந்து கொண்டதோடு நெகிழிப் பைகளின் தீமைகளையும் அறிந்துகொண்டோம். நெகிழிப் பைகளைத் தவிர்த்து, துணிப்பைகளைப் பயன்படுத்த வேண்டும் என்ற மனமாற்றத்தைப் பெற்றோம்.

நிறைவாக…

அழிவில் இருக்கும் பொம்மலாட்டக் கலையைக் காக்க மத்திய மாநில அரசுகள் பள்ளிப்பாடத்திட்டத்தில் செயல்முறைப்பயிற்சியாக பொம்மலாட்டத்தை வைக்க வேண்டும் என்று கூறி எனது பாராட்டுரையை நிறைவு செய்கிறேன்.

போராட்டக் கலைஞர்- பேச்சுக் 2.கலைஞர்- நாடகக் கலைஞர்- திரைக்கலைஞர்- இயற்றமிழ்க் கலைஞர் ஆகிய தலைப்புகளைக் கொண்டு கட்டுரை ஒன்று எழுதுக.

பன்முகக் கலைஞர்

முன்னுரை 

இயற்பெயர் மறைந்து இட்டபெயர் நிலைக்கும் அளவுக்குக் கலைஞர் மு.கருணாநிதி அவர்களை அடையாளப்படுத்தி தன்னைப் பெருமை படுத்திக் கொண்டது கலை! கலைஞர் பகுத்தறிவுக்கொள்கை பரப்பும் சிந்தனையாளர்; பழுமரக்கனி பயன்கொள்ளும் பேச்சாளர்; படித்தவரைக் கவரும் ஆற்றல் கொண்ட எழுத்தாளர்; கலைத்துறையில் வாகைசூடிய படைப்பாளர்; தொட்டது துலங்க துறைதோறும் தம் முத்திரை பதிக்கும் திறமையாளர்; முத்தமிழிலும் வல்ல வித்தகர்; செந்தமிழுக்கு ஒரு தீமையெனில் தம்முயிரும் தந்திடத் துணியும் தியாகத் திருவுருவம்!

போராட்டக் கலைஞர்

கலைஞர் திருவாரூரில் உள்ள உயர்நிலைப் பள்ளியில் படிக்கும்போது அரசியல் அரிச்சுவடியாய் அமைந்த ஒரு புத்தகத்தைத் துணைப்பாடமாகப் படித்தார். பள்ளி முடிந்த மாலை வேளைகளில் தாம் எழுதிய ‘வாருங்கள் எல்லோரும் போருக்குச்!’ என்று தொடங்கும் பாடலை முழங்கியபடி, இந்தித் திணிப்பை எதிர்த்துப் போராட மாணவர்களைத் திரட்டி திருவாரூர் வீதிகளில் ஊர்வலம் வந்தார். இப்படிப் போராட்டப் பண்புடனே வளர்ந்தவர் கலைஞர்.

பேச்சுக் கலைஞர்

பேச்சுக் கலையில் பெருவிருப்புக் கொண்ட கலைஞர் ‘நட்பு’ என்னும் தலைப்பில் ஆற்றிய சொற்பொழிவு பலராலும் பாராட்டப்பட்டது. சிறுவயதிலேயே ‘சிறுவர் சீர்திருத்தச் சங்கம்’, ‘தமிழ்நாடு மாணவர் மன்றம்’ ஆகிய அமைப்புகளைத் தொடங்கினார். தாம் சென்றவிடமெல்லாம் தெளிவாகத் தமிழ்பேசித் தன்மானத்தை, தமிழ் உணர்வை, தமிழ் இலக்கியத்தை, பகுத்தறிவை, மத ஒருமைப்பாட்டை, சமூக நல்லிணக்கத்தை நமக்கெல்லாம் ஊட்டினார்.

நாடகக் கலைஞர்

இவர் எழுதிய ‘பழனியப்பன்’ என்னும் நாடகம் 1944 ஆம் ஆண்டு அரங்கேற்றப்பட்டது. அதன் பின்னர் ‘சாம்ராட் அசோகன், மணிமகுடம், வெள்ளிக்கிழமை, காகிதப் பூ’ உட்பட பல நாடகங்களை எழுதினார். ‘தூக்குமேடை’ என்னும் நாடகத்திற்கான பாராட்டுவிழாவில்தான் அவருக்குக் ‘கலைஞர்’ என்னும் சிறப்புப்பெயர் வழங்கப்பட்டது.

திரைக்கலைஞர்

1947இல் இராஜகுமாரி என்னும் படத்துக்கான முழுவசனத்தையும் எழுதினார். அதன்பின்னர் மருதநாட்டு இளவரசி, மந்திரிகுமாரி, நாம், மலைக்கள்ளன், பராசக்தி, திரும்பிப்பார், ராஜாராணி, ரங்கோன் ராதா, ஆகியவற்றுக்கு வசனம் எழுதிப் புகழ் பெற்றார். இவரது வசனங்கள் பகுத்தறிவு, சமூகம், பெண்கள் முன்னேற்றம், அரசியல், இலக்கியம் ஆகியவற்றை உள்ளடக்கியது.

இயற்றமிழ்க் கலைஞர்

‘கயிற்றில் தொங்கிய கணபதி’ என்ற கட்டுரை நூலை எழுதினார். பின்னர் நளாயினி, சித்தார்த்தன் சிலை, சந்தனக்கிண்ணம், தாய்மை, புகழேந்தி, அணில் குஞ்சு ஆகிய சிறுகதைகளையும் ரோமாபுரிப் பாண்டியன், பொன்னர் சங்கர், தென்பாண்டிச் சிங்கம், ஒரே ரத்தம் ஆகிய புதினங்களையும் சங்கத்தமிழ், குறளோவியம், தொல்காப்பியப் பூங்கா ஆகிய உரைநூல்களையும் எழுதியுள்ளார். தம் வாழ்க்கை வரலாற்றை ‘நெஞ்சுக்கு நீதி’ எனும் தலைப்பில் எழுதியுள்ளார்.

முடிவுரை 

தமிழின் பெருமிதங்களையும் விழுமியங்களையும் மீட்டெடுக்க எண்ணிய கலைஞர் அதற்கான பணிகளை தம் வாழ்நாள் முழுவதும் தொடர்ந்தார். இலட்சக்கணக்கான பக்கங்கள் எழுதியதும் ஆயிரக்கணக்கான மேடைகளில் பேசியதும் அவர் அளவுக்குச் செயல்பட்டதுமான தலைவர்கள் மிகக் குறைவு. இவ்வாறு, ‘உடல் மண்ணுக்கு; உயிர் தமிழுக்கு’ என்னும் கூற்றுக்குச் சான்றாக வாழ்ந்த கலைஞர் 2018ஆம் ஆண்டு ஜூலை மாதம் ஏழாம் நாள் தமிழர் நெஞ்சில் என்றும் நிலைத்து நிற்கும் காவியமானார்.

3.சந்தக் கவிதையில் சிறக்கும் கம்பன் என்ற தலைப்பில் இலக்கிய உரை எழுதுக.

அன்பும் பண்பும் கொண்ட தலைவர் அவர்களே! தேர்ந்தெடுத்த பூக்களைப் போன்று வரிசை தொடுத்து அமர்ந்திருக்கும் ஆன்றோர்களே! அறிஞர் பெருமக்களே! வணக்கம். இயற்கை கொலு வீற்றிருக்கும் காட்சியைப் பெரிய கலை நிகழ்வே நடப்பதான தோற்றமாகக் கம்பன் காட்டும் கவி… தண்டலை மயில்கள் ஆட… இவ்வுரையைத் தொடர்க!

சந்தக் கவிதையில் சிறக்கும் கம்பன்

ஆன்றோர்களே, கல்வியில் சிறந்த சான்றோர்களே! உங்கள் அனைவருக்கும் என் முதற்கண் வணக்கத்தைத் தெரிவித்துக் கொள்கிறேன். 

மருத நிலக் காட்சி

வண்டுகள் பாட, மயில்கள் ஆட, மேகங்கள் மத்தளம் கொட்ட, தாமரை மலர்கள் விளக்குகளை ஏற்ற, குவளை மலர்கள் கண்விழித்துப் பார்க்கும் மருதநிலக் காட்சியை நீரலைகள் படம் பிடித்துக் காட்டுகின்றன. 

இராமனின் அழகுக் காட்சி

இராமனுடைய மேனியில் பகலவனின் ஒளி கரைகிறது. மையோ? மரகதமோ? மறிகடலோ? மழை முகிலோ? என்று உவமை சொன்ன கம்பர் இறுதியில் அழியாத அழகு உடையான் என்று முடிக்கிறார். 

குகனின் மனவோட்டம் 

பெரிய யானைப்படை கொண்ட பரதனை, கங்கை ஆற்றைக் கடந்து போகவிட்டால் வேடன் ஆகிய என்னை இறந்திருக்கலாமே என உலகத்தார் பழி சொல்ல மாட்டார்களா? என்று குகன் எண்ணுகிறான்.

கும்பகருணனை எழுப்புதல்

உறங்குகின்ற கும்பகருணனே, உம்முடைய பொய்யான வாழ்வு இறங்குவதற்குத் தொடங்கிவிட்டது. இனிக் காலதூதர் கையில் படுத்து உறங்குவாயாக என்று கும்பகருணனை எழுப்புகிறார்கள்.

இவையெல்லாம் இயற்கைக் காட்சிகளைச் சந்த நயத்தோடு வருணிப்பதில் கம்பர் சிறந்தவர் என்பதற்குச் சான்று பகர்கின்றன.

கலைத் திருவிழாவிற்குச் சென்று வந்த நிகழ்வு குறித்துக் கட்டுரை எழுதுக

கட்டுரை -கலைத்திருவிழா

முன்னுரை 

மனிதன் கொண்ட விழைவின் வெளிப்பாடே விழா. இவ்விழாவில் அவரவர் சார்ந்த சமூகத்தின் விழுமியங்கள் கலைகள் வடிவில் பொதுவில் நிகழ்த்தப்படும். சமூகத்தின் பன்முகத் தன்மையையும் பண்பாட்டையும் பறைசாற்றும் கலைகள் மனத்திற்கு மகிழ்ச்சியையும் புத்துணர்ச்சியையும் தருவதோடு வாழ்க்கை நெறிகளையும் வகுத்துக் கூறும்.  இத்தன்மை வாய்ந்த கலைத் திருவிழாவைக் காண மதுரைக்குச் சென்று வந்தேன். அதைப் பற்றிக் கூறுகிறேன், கேளுங்கள்.

கண்கவர் கலைத் திருவிழா 

மதுரை அரசுக் கலைக்கல்லூரியில் மாநில அளவிலான கலைத் திருவிழாவிற்கு ஏற்பாடு செய்யப்பட்டிருந்தது. "அருமை உடைத்தென்று அசாவாமை வேண்டும்" என்பதை மனத்தில் கொண்டு பள்ளி, வட்டார மற்றும் மாவட்ட அளவிலான போட்டிகளில் கலந்துகொண்டு வெற்றி பெற்ற மாணவர்கள் மாநில அளவிலான கலைத் திருவிழாவில் கலந்துகொள்ள மிகுந்த ஆர்வத்துடன் அதிகாலையிலேயே வந்திருந்தனர்.  "ஓவிய விதானத்து உரைபெறு நித்திலத்து மாலைத்தாமம் வளையுடன் நாற்றி, விருந்துபடக் கிடந்த அருந்தொழில் அரங்கம்" என்ற சிலப்பதிகார அரங்கம் போல் இக்கலைத் திருவிழா அரங்கம் விளங்கிற்று. வண்ணவண்ணத் தோரணங்களும் வரவேற்புப் பதாகைகளும் சிவப்புக்கம்பள விரிப்பும் விசாலமான பார்வையாளர் அரங்கும் கண்களைக் கவர்ந்தன!

நிகழ்ச்சித் தொடக்கம் 

மாநில அளவிலான கலைத் திருவிழா போட்டிகளைத் தமிழக முதல்வர் தொடங்கி வைத்தார். அமைச்சர் பெருமக்கள், பல்வேறு துறைகளின் உயர் அதிகாரிகள், கலைஞர்கள், கல்வியாளர்கள், பொதுமக்கள், பெற்றோர்கள், மாணவர்கள் எனப் பலரும் திரளாகக் கலந்து கொண்டு விழாவைச் சிறப்பித்தனர்.

நோக்கம் மற்றும் குறிக்கோள் 

அரசு மற்றும் அரசு உதவிபெறும் பள்ளி மாணவர்களின் உள்ளார்ந்த கலைத் திறன்களை வெளிக் கொணர்வதை நோக்கமாகக் கொண்டு இக்கலைத் திருவிழா 2022ஆம் ஆண்டு முதல் நடத்தப்பட்டு வருகிறது. இந்த ஆண்டு, "சூழல் பாதுகாப்பு அனைவரின் பொறுப்பு" என்ற குறிக்கோளில் நடத்தப்பட்டது.

பல்வேறு போட்டிகள் 

வகுப்புகள் 1-2, 3-5, 6-8, 9-10, 11-12 என ஐந்து பிரிவுகளில் கவின்கலை, இசை, நாடகம், நடனம் என்னும் வகைகளில் பல்வேறு போட்டிகள் நடத்தப்பட்டன.  மாணவர்களின் கைவண்ணத்தில் உருவான பல்வேறு செதுக்குச் சிற்பங்களிலும் வண்ண ஓவியங்களிலும் சூழல் பாதுகாப்பின் இன்றியமையாமை வெளிப்பட்டது.  இந்நிகழ்ச்சியில் சிறந்த சிற்பக் கலைஞர்களையும் ஓவியக் கலைஞர்களையும் அடையாளம் காண முடிந்தது.

கருவி இசையும் வாய்ப்பாட்டும் 

கருவி இசைக்கென்று தனியாக அரங்கம் அமைக்கப்பட்டிருந்தது. கருவி இசையில் தோற்கருவி, துளைக்கருவி, தந்திக்கருவி எனப் பலவகை இசைக்கருவிகளை இசைக்கும் போட்டிகள் நடத்தப்பட்டன. "மத்தளம் கொட்ட வரிசங்கம் நின்று ஊத" என்று ஆண்டாள் பாடியது போன்று மாணவர்கள் பம்பை, உறுமி, உடுக்கை, பறை, மிருதங்கம், தபேலா, டிரம்ஸ், நாதஸ்வரம், புல்லாங்குழல், வீணை, வயலின், கிட்டார் ஆகியவற்றை இசைத்தனர்; பார்வையாளர்கள்  மயங்கினர்.  மற்றொருபுறம் வாய்ப்பாட்டு இசையில் பங்கேற்ற மாணவர்கள்  நாட்டுப்புறப் பாடல்களையும் செவ்வியல் இசைப் பாடல்களையும் பாடி அசத்தினர்.

நடனமும் நாடகமும்

தனிநபர் நடனம் மற்றும் குழு நடனம் என்னும் இரண்டு பிரிவுகளாக நடனப் போட்டி நடத்தப்பட்டது. போட்டிகளில் கலந்து கொண்ட மாணவர்கள் பாடல்களுக்கு ஏற்ப வண்ண வண்ண ஆடை அலங்காரங்களுடன் பரதநாட்டியம், நாட்டுப்புற நடனம், மேற்கத்திய நடனம் எனப் பலவகை நடனங்களை ஆடி பார்வையாளர்களை மகிழ்வித்தனர்.  தனிநபர் நடிப்பு, பலகுரல் பேச்சு, நகைச்சுவை வழங்குதல், குழுநாடகம் என்னும் பிரிவுகளில் நாடகப் போட்டி நடத்தப்பட்டது. சூழல் பாதுகாப்பைக் கருப்பொருளாகக் கொண்ட நாடகங்கள் பார்வையாளர்கள் மனத்தில் பதிந்தன. மாணவர்களின் நடனமும் நடிப்பும் தேர்ந்த திரைக் கலைஞர்களைப் போலவே இருந்தது. இக்கலைத் திருவிழாக் காட்சிகளையெல்லாம்,"அருவிய முருகியம் ஆர்ப்பப் பைங்கிளி பருகிய தமிழிசை பாடப் பொன்மயில் அருகிய சிறை விரித்தாடப் பூஞ்சினை மருவிய குரக்கினம் மருண்டு நோக்குமால்" என்பது போல நாங்கள் நோக்கினோம்.

விருது வழங்கும் நிகழ்ச்சி

பல்வேறு போட்டிகளில் பங்கேற்று முதன்மை பெற்ற மாணவ மாணவிகளுக்கு கலையரசன் மற்றும் கலையரசி விருதுகள் வழங்கப்பட்டன. விருது பெற்ற மாணவர்கள் முகத்திலே மகிழ்ச்சி வெள்ளம் கரைபுரண்டு ஓடியது. "போட்டிகளில் கலந்துகொண்டு சிறப்பிடம் பெற்ற மாணவர்கள் வெளிநாட்டுச்சுற்றுலா அழைத்து செல்லப்படுவார்கள்" என்று பள்ளிக் கல்வித்துறை அமைச்சர் அறிவித்தார். அமைச்சர்கள், கல்வியாளர்கள் மற்றும் கலைஞர்களின் வாழ்த்துரையுடன் கலைத்திருவிழா இனிதே நிறைவடைந்தது. ஆயினும், கலைத்திருவிழாக்காட்சிகள் என் கண்களைவிட்டு அகலவே இல்லை!

முடிவுரை

நிகழ்ச்சியில் பங்கேற்ற மாணவர்கள் அனைவரின் நெஞ்சிலும் கலைத் திருவிழாவே குடிகொண்டிருந்தது. "நதியில் விளையாடி கொடியில் தலைசீவி நடந்த இளந்தென்றலாய்" மாணவர்கள் ஒவ்வொருவரும் கலைஞர்களாக மாறிக் கொண்டிருந்தார்கள். மாணவர்களின் திறன்கள் மெருகூட்டப்பட்டிருந்தன. எதிர்காலத்தில் மாணவர்கள் மிகப்பெரிய சாதனையைப் படைக்க இக்கலைத் திருவிழா நிச்சயம் தூண்டுகோலாக அமையும் என உறுதியாக நம்பலாம்.

மொழிபெயர்க்க

Kalaignar Karunanidhi is known for his contributions to Tamil literature. His contributions covers a wide range; poems, letters, screenplays, novels, biograpies, historical novels, stage-plays, dialogues and movie songs. Written kuralovium for thirukkural, tholkappiya poonga, poompukar, as well as many poems, essays and books. Apart from literature, Karunanidhi has also contributed to the Tamil language through art and architecture.. Like the kuralovium in which kalaignar Wrote about thirukural, through the construction of valluvar kottam he have an architectural presence to thiruvalluvar, in Chennai. At kanyakumari, karunanidhi constructed a 133-foot-high statue of thiruvalluvar in honour of the scholar. 

கலைஞர் கருணாநிதி தமிழ் இலக்கியத்திற்குத் தனது பங்களிப்பிற்காக அறியப்பட்டவர். அவரது பங்களிப்புகள் பரந்த அளவிலானவை; அவை கவிதைகள், கடிதங்கள், திரைக்கதைகள், நாவல்கள், சுயசரிதைகள், வரலாற்று நாவல்கள், மேடை நாடகங்கள், உரையாடல்கள் மற்றும் திரைப்படப் பாடல்கள் ஆகியனவாகும். குறளோவியம், தொல்காப்பியப் பூங்கா, பூம்புகார் முதலிய நூல்களையும் மற்றும் பல கவிதை நூல்களையும் கட்டுரைகளையும் எழுதியுள்ளார். இலக்கியம் மட்டுமின்றிக் கலை, கட்டிடக்கலை மூலமும் தமிழ்மொழிக்குக் கருணாநிதி பங்களித்துள்ளார். திருவள்ளுவருக்குச் சிறப்புச் சேர்க்கும் வகையில் சென்னையில் வள்ளுவர் கோட்டத்தை நிறுவியுள்ளார். கன்னியாகுமரியில் 133 அடி உயரமுடைய திருவள்ளுவர் சிலையைக் கருணாநிதி நிர்மாணித்துள்ளார்.

தொடர்களை அடைப்புக்குறிக்குள் குறிப்பிட்டுள்ளவாறு மாற்றுக. 

1.அழைப்புமணி ஒலித்தது. கயல்விழி கதவைத் திறந்தார்.(தனிச்சொற்றொடர்களை கலவைச் சொற்றொடராக மாற்றுக)

அழைப்பு மணி ஒலித்ததால், கயல்விழி கதவைத் திறந்தார்.

2.இன்னாசியார் புத்தகங்களை வரிசைப்படுத்தினார். அவற்றைப் புத்தக அடுக்ககங்களில் அடுக்கி வைத்தார். புத்தகங்களைக் கேட்டவர்களுக்கு எடுத்துக் கொடுத்தார் (தொடர் சொற்றொடராக மாற்றுக)

இன்னாசியார் புத்தகங்களை வரிசைப்படுத்தினார்; அடுக்கி வைத்தார்; எடுத்துக் கொடுத்தார்.

3.கலைஞர் எழுத்தைத் தமது ஆயுதமாகக் கொண்டு வாழ்ந்தார். கலைஞர் எழுத்து வழியாக தமது எண்ணங்களைக் கடைக்கோடித் தமிழனுக்கும் கொண்டு சென்றார். (கலவைச் சொற்றொடராக மாற்றுக)

கலைஞர் எழுத்தைத் தமது ஆயுதமாகக் கொண்டு வாழ்ந்து, தமது எண்ணங்களைக் கடைக்கோடித் தமிழனுக்கும் கொண்டு சென்றார்.

4.முரசொலி ஏட்டைக் கையெழுத்து இதழாகத் தொடங்கி வார இதழாக்கி, நாளேடாக்கினார் கலைஞர். (தனிச்சொற்றொடர்களாக மாற்றுக)

கலைஞர் முரசொலி ஏட்டைக் கையெழுத்து இதழாகத் தொடங்கினார். பின்னர் அதனை வார இதழாக்கினார். பின்னர் அதனை நாளேடாக்கினார்

5.ஓடிக்கொண்டிருந்த மின்விசிறி சட்டென நின்றவுடன், அறையில் உள்ளவர்கள் பேச்சு தடைபட்டது. (தனிச் சொற்றொடர்களாக மாற்றுக)

ஓடிக்கொண்டிருந்த மின்விசிறி சட்டென நின்றது. அதனால், அறையில் உள்ளவர்களின் பேச்சு தடைப்பட்டது.

தொடரில் விடுபட்ட வண்ணங்களை உங்களின் எண்ணங்களால் நிரப்புக

1.வானம் கருக்கத் தொடங்கியது. மழை வரும் போலிருக்கிறது. 

2.அனைவரின் பாராட்டுக்களால், வெட்கத்தில் பாடகரின் முகம் சிவந்தது 

3.வெள்ளை மனம் உள்ளவரை அப்பாவி என்கிறோம்.

4.கண்ணுக்குக் குளுமையாக இருக்கும் பசுமையான புல்வெளிகளில் கதிரவனின் மஞ்சள் வெயில் பரவிக்கிடக்கிறது 

5.வெயிலில் அலையாதே; உடல் கருக்கும் 

பொருத்தமானவற்றைச் சொற்பெட்டியில் கண்டு எழுதுக 

(தங்கும், மரம் வீடு, அவிழும், தயங்கும், மரவீடு, தோற்பாவை, விருது, தோற்பவை, கவிழும், விருந்து).

1.விரட்டாதீர்கள்- பறவைக்கு மரம் வீடு. வெட்டாதீர்கள் -மனிதருக்கு அவை தரும் மரவீடு.

2.காலை ஒளியினில் மலரிதழ் அவிழும். சோலைப்பூவினில் வண்டினம் கவிழும்.

3.மலைமுகட்டில் மேகம் தங்கும்- அதைப் பார்க்கும் மனங்கள் செல்லத் தயங்கும்.

4.வாழ்க்கையில் தோற்பவை மீண்டும் வெல்லும்-இதைத் தத்துவமாய்த் தோற்பாவைக்கூத்து சொல்லும்.

5.தெருக்கூத்தில் நடிகருக்குக் கைதட்டலே விருது.- அதில் வரும் காசு குறைந்தாலும் அதுவேயவர் விருந்து.

அகராதியில் காண்க

1.தால்- நாக்கு

2.அகவுதல்- அழைத்தல், ஒலித்தல், பாடுதல்

3.அணிமை- அண்மை, அருகு, பக்கம்

4.உழுவை- புலி 

5.ஏந்தொழில்- மிகுந்த அழகு

கலைச்சொல் அறிவோம் 

1.Playwrite -நாடக ஆசிரியர்

2.storyteller -கதை சொல்லி 

3.screenplay -திரைக்கதை

4.Asthetics-அழகியல், முருகியல்

பிறமொழிச் சொற்களைத் தமிழ்ச் சொற்களாக மாற்றி எழுதுக

பிறமொழிச் சொல் -தமிழ்ச்சொல்

1. கோல்ட் பிஸ்கட்- தங்கக் கட்டி 
2. யூஸ் பண்ணி- பயன்படுத்தி 
3. ஈக்வலாக- சமமாக 
4. வெயிட்- எடை 
5. பட்- ஆனால் 
6. எக்ஸ்பெரிமெண்ட் -பரிசோதனை 
7. ரிப்பீட்- மீண்டும் 
8. ஆன்சர் -விடை 
9. ஆல் தி பெஸ்ட் -வாழ்த்துக்கள்

நிற்க அதற்குத் தக

நீங்கள் படித்து முடித்த பின் உங்கள் துறையின் அறிவைக் கொண்டு தமிழுக்குச் செய்யக்கூடிய தொண்டுகளை வரிசைப்படுத்துக.

1. என் துறையில் வல்லுநரானபின் அத்துறையினைப் பற்றிய நூல்களைத் தமிழாக்கம் செய்வேன் 
2. என் துறையில் இருக்கும் கலைச்சொற்களைத் தமிழில் மாற்றி மக்களின் பயன்பாட்டிற்கு கொண்டு வருவேன்.
3. என் துறையைத் தமிழோடு தொடர்புபடுத்துவேன். 
4. என் துறையின் சிறப்புக் கூறுகளைத் தமிழ்ப் படுத்துவேன்.
5. என் துறையைத் தமிழர் வாழ்வுக்காக மேம்படுத்துவேன்.

திருக்குறள் குறுவினா

1.கரப்பிடும்பை இல்லார்’ இத்தொடரின் பொருள் கூறுக.

கரப்பிடும்பை இல்லார்: 

‘தம்மிடமுள்ள பொருளை மறைத்து வைத்தல் என்னும் துன்பத்தைத் தராத நல்லார்’ என்பது இதன் பொருளாகும்.

2.தஞ்சம் எளியர் பகைக்கு – இவ்வடிக்குரிய அசைகளையும் வாய்ப்பாடுகளையும் எழுதுக.

1. தஞ்/சம் – நேர் நேர் – தேமா
2. எளி/யர் – நிரை நேர் – புளிமா
3. பகைக்/கு – (நிரை நேர்) – நிரைபு - பிறப்பு (வெண்பாவின் ஈற்றடி ஈற்றுச் சீராகக் கருதி)

3.வறுமையின் காரணமாக உதவி கேட்டு வருபவரின் தன்மானத்தை எள்ளி நகையாடுவது குறித்துக் குறளின் கருத்து என்ன?

குறளின் கருத்து:

இகழ்ந்து ஏளனம் செய்யாமல் பொருள் கொடுப்பவரைக் கண்டால், இரப்பவரின் உள்ளத்தின் உள்ளே மகிழ்ச்சி பொங்கும்.

4.பின்வருவனவற்றுள் கூரான ஆயுதம் எது என்று செந்நாப்போதார் கூறுகிறார்? ஏன் என்பதை எழுதுக.

பெரிய கத்தி, இரும்பு, ஈட்டி, உழைத்ததால் கிடைத்த ஊதியம், வில்லும் அம்பும்.

1. செந்நாப்போதார், உழைத்ததால் கிடைத்த ஊதியத்தைக் கூரான ஆயுதம் என்கிறார்.
2. ஏனெனில், உழைத்ததால் கிடைத்த ஊதியமே, பகைவரை வெல்லும் கூர்மையான ஆயுதமாகும்.

சிறுவினா

1.வள்ளுவம் , சிறந்த அமைச்சருக்குக் கூறிய இலக்கணங்கள் நமக்கும் பொருந்துவதைக் குறள் வழி விளக்குக.

அமைச்சு 

1. ஒரு செயலைச் செய்வதற்குத் தேவையான கருவி, அதற்கு ஏற்ற காலம், செயலின் தன்மை, செய்யும் முறை ஆகியவற்றை அறிந்து செய்பவரே அமைச்சர் ஆவார். 
2. மனவலிமை, குடிகளைக் காத்தல், ஆட்சிமுறைகளைக் கற்றல், நூல்களைக் கற்றல், விடாமுயற்சி ஆகிய ஐந்தும் சிறப்பாக அமைந்தவரே அமைச்சர் ஆவார்.
3. இயற்கையான நுண்ணறிவும் நூலறிவும் பெற்றிருப்பவரே அமைச்சர் ஆவார்.
4. ஒரு செயலைச் செய்வதற்குரிய முறைகளை அறிந்திருப்பினும் உலகியல் நடைமுறைகளை அறிந்து செய்பவரே அமைச்சர் ஆவார். 
5. இவ்வாறாக வள்ளுவம், சிறந்த அமைச்சருக்குக் கூறிய இலக்கணங்கள் நமக்கும் பொருந்துகின்றன.

2.பலரிடம் உதவி பெற்றுக் கடின உழைப்பால் முன்னேறிய ஒருவர், அவருக்கு உதவிய நல்ல உள்ளங்களையும் சுற்றங்களையும் அருகில் சேர்க்கவில்லை. அவருக்கு உணர்த்தும் நோக்கில் வள்ளுவர் குறிப்பிடும் கருத்துகள் யாவை?

தமக்கு உதவிய நல்ல உள்ளங்களையும் சுற்றங்களையும் அருகில் சேர்க்காதவருக்கு வள்ளுவர் கூறும் அறிவுரை:

1. சுற்றத்தாருடன் ஒருவர், அன்பு இல்லாமலும், பொருந்திய துணை இல்லாமலும், வலிமை இல்லாமலும், இருந்தால் அவர் எப்படிப் பகைவரின் வலிமையை எதிர்கொள்வார்?
2. மனத்தில் துணிவு இல்லாதவராய், அறிய வேண்டியவற்றை அறியாதவராய், பொருந்தும் அன்பு இல்லாதவராய், பிறர்க்குக் கொடுத்து உதவாதவராய் இருந்தால் எளிதில் பகைக்கு ஆட்பட நேரிடும்.

மொழியோடு விளையாடு 152

மொழியோடு விளையாடு

தொடரில் விடுபட்ட வண்ணங்களை உங்களின் எண்ணங்களால் நிரப்புக

1. வானம் கருக்கத் தொடங்கியது. மழை வரும் போலிருக்கிறது. 
2. அனைவரின் பாராட்டுக்களால், வெட்கத்தில் பாடகரின் முகம் சிவந்தது 
3. வெள்ளை மனம் உள்ளவரை அப்பாவி என்கிறோம்.
4. கண்ணுக்குக் குளுமையாக இருக்கும் பசுமையான புல்வெளிகளில் கதிரவனின் மஞ்சள் வெயில் பரவிக்கிடக்கிறது 
5. வெயிலில் அலையாதே; உடல் கருக்கும் 

பொருத்தமானவற்றைச் சொற்பெட்டியில் கண்டு எழுதுக 

(தங்கும், மரம் வீடு, அவிழும், தயங்கும், மரவீடு, தோற்பாவை, விருது, தோற்பவை, கவிழும், விருந்து).

1. விரட்டாதீர்கள்- பறவைக்கு மரம் வீடு. வெட்டாதீர்கள் -மனிதருக்கு அவை தரும் மர வீடு.
2. காலை ஒளியினில் மலரிதழ் அவிழும். சோலைப்பூவினில் வண்டினம் கவிழும்.
3. மலைமுகட்டில் மேகம் தங்கும்- அதைப் பார்க்கும் மனங்கள் செல்லத் தயங்கும்.
4. வாழ்க்கையில் தோற்பவை மீண்டும் வெல்லும்-இதைத் தத்துவமாய்த் தோற்பாவைக்கூத்து சொல்லும்.
5. தெருக்கூத்தில் நடிகருக்குக் கைதட்டலே விருது.- அதில் வரும் காசு குறைந்தாலும் அதுவேயவர் விருந்து.

மொழியை ஆள்வோம் இயல் 6 பக்கம் 150,151

 மொழியை ஆள்வோம்

தொடர்களை அடைப்புக்குறிக்குள் குறிப்பிட்டுள்ளவாறு மாற்றுக 

எ.கா.

அழைப்பு மணி ஒலித்தது. கயல்விழி கதவைத் திறந்தார்.

(தனிச் சொற்றொடர்களை கலவைச் சொற்றொடர்களாக மாற்றுக)

அழைப்பு மணி ஒலித்ததால், கயல்விழி கதவைத் திறந்தார்.

1) இன்னாசியார் புத்தகங்களை வரிசைப்படுத்தினார். அவற்றைப் புத்தக அடுக்ககங்களில் அடுக்கி வைத்தார். புத்தகங்களைக் கேட்டவர்களுக்கு எடுத்துக் கொடுத்தார்.

(தொடர் சொற்றொடராக மாற்றுக)

இன்னாசியார் புத்தகங்களை வரிசைப்படுத்தி, புத்தகங்களில் அடுக்கி, கேட்டவர்களுக்கு எடுத்துக் கொடுத்தார்.

2) ஒயிலாட்டத்தில் குழுவினர் ஒரே நிறத் துணியை முண்டாசு போலக் கட்டிக்கொண்டு, காலில் சலங்கை அணிந்து கொண்டு, கையில் ஒரு சிறு துணியை இசைக்கேற்ப வீசியும் ஆடுவர்.

(தனிச் சொற்றொடர்களாக மாற்றுக)

ஒயிலாட்டத்தில் குழுவினர் ஒரே நிறத் துணியை முண்டாசு போலக் கட்டிக் கொண்டனர். அவர்கள் காலில் சலங்கை அணிந்து கொண்டனர். அவர்கள் கையில் ஒரு சிறு துணியை இசைக்கேற்ப வீசி ஆடுவர்.

3) கூத்துக்கலைஞர் பாடத் தொடங்கினார். கூடியிருந்த மக்கள் அமைதியாயினர்.

(கலவைச் சொற்றொடராக மாற்றுக)

கூத்துக்கலைஞர் பாடத் தொடங்கியதும் கூடியிருந்த மக்கள் அமைதியாயினர்.

4) ஓடிக் கொண்டிருந்த மின்விசிறி சட்டென நின்றவுடன் அறையில் உள்ளவர்கள் பேச்சு தடைபட்டது. 

(தனிச் சொற்றொடர்களாக மாற்றுக)

ஓடிக் கொண்டிருந்த மின்விசிறியை சட்டென நின்றது. அதனால் அறையில் உள்ளவர்களின் பேச்சு தடைபட்டது.

பிறமொழிச் சொற்களைத் தமிழ்ச் சொற்களாக மாற்றி எழுதுக

புதிர்

உங்களிடம் ஏழு கோல்டு பிஸ்கட் உள்ளது. அதில் ஒன்று மட்டும் எடை குறைவானது. உங்களிடம் உள்ள ஒரு தராசை இரு முறைகள் மட்டுமே யூஸ் பண்ணி வெயிட் குறைந்த கோல்ட் பிஸ்கட்டைக் கண்டுபிடிக்கவும்.

விடை

 தராசின் இரண்டு தட்டுகளிலு மூன்று மூன்று கோல்டு பிஸ்கட்டுகளை வையுங்கள். இரண்டு தட்டுகளும் ஈக்வலாக இருந்தால் கையில் மிச்சம் உள்ள பிஸ்கட்டே வெயிட் குறைவானது. பட் ஆனால் ஒரு பக்கத் தராசுத் தட்டு உயர்ந்தால் அதில் உள்ள மூன்று பிஸ்கட்களில் ஒன்று வெயிட் குறைவானது. அந்த மூன்று பிஸ்கட்டுகளை மட்டும் எடுத்து வைத்துக்கொள்ளுங்கள். இரண்டு தட்டுகளிலும் ஒரு ஒரு பிஸ்கட்டை போட்டு இதே எக்ஸ்பெரிமெண்ட்டை ரிப்பீட் செய்து ஆன்சரைக் கண்டுபிடியுங்கள்! ஆல் தி பெஸ்ட்!

பக்கம் 151

நாட்டுப்புறப் பாடலுக்கேற்ற சூழலை எழுதுக.

பாடல்

ஆத்துக்கு அந்தண்டையே அண்ணன் வச்ச தென்னம்புள்ளே!

அண்ணன் புள்ள வாடினாலும் யம்மாடி! யம்மாடி!

தென்னம்புள்ளை வாடலாமோ? யம்மாடி! யம்மாடி!

வாய்க்காலுக்கு மேற்குப்புறம் வஞ்சி வெச்ச வாழைமரம் 

வஞ்சி மனம் வாடினாலும் யம்மாடி! யம்மாடி!

வாழைமரம் வாடலாமோ யம்மாடி! யம்மாடி!

பாடல் எழுந்த சூழல்

அண்ணன் நட்டுவைத்த தென்னம்பிள்ளைக்கு நீர் பாய்ச்ச, தோப்புக்கு வரும் பெண்ணொருத்தி குழந்தையை இடுப்பில் இருந்து இறக்கி விடுகிறாள். தென்னம்பிள்ளைக்கு நீரூற்றுகிறாள்; குழந்தை அழுகிறது; பாடலைப் பாடியவாறே குழந்தையின் அழுகையை நிறுத்தி நீரூற்றுதலைத் தொடர்கிறாள். 

பாடல் 

பாடறியேன் படிப்பறியேன் -நான்தான்

பள்ளிக்கூடம் தானறியேன் 

ஏடறியேன் எழுத்தறியேன்- நான்தான்

எழுத்துவகை தானறியேன் 

படிக்க நல்லா தெரிஞ்சிருந்தா-நான்தான்

பங்காளிய ஏன் தேடுறேன் 

எழுத நல்லா தெரிஞ்சிருந்தா- நான் தான்

எதிராளிய ஏன் தேடுறேன்.

நாலெழுத்து படிச்சிருந்தா- நான்தான்

நாலு தேசம் போய் வருவேன்

நாலு பக்கம் வரப்புக்குள்ளே தெனமும் 

நான் பாடுறேன் தெம்மாங்கு தான்.

பாடல் எழுந்த சூழல்

படிக்காத ஒருவன், தான் படிக்காத நிலையை எண்ணி வருந்துகிறான். தனக்கு எழுத்துக்கள் தெரியாததனால் உதவிக்குப் பங்காளியைத் தேட வேண்டிய நிலை வந்ததையும் எண்ணுகிறான். படிப்பறிவு இல்லாததால் எதிரியிடமும் உதவி கேட்க வேண்டிய இழிநிலை வந்ததையும் எண்ணி வருந்துகிறான். படித்திருந்தால் நான்கு நாடுகளுக்குச் சென்று பணம் சம்பாதித்து வந்திருக்கலாம் என்று நினைத்துப் பார்க்கிறான். படிப்பறிவு இல்லாததால் வயல்வெளியில் நான்கு வரப்புக்குள்ளே தினமும் தெம்மாங்குப் பாடல் பாடுகிறான்.

மனிதனுக்கும் மலருக்குமான மணம் வீசும் இந்த நயவுரையைத் தொடர்க.

வண்டுகளை ஈர்க்கும் வாசனையில்

பூக்களிடம் வசப்படுவது மனிதர்களே!

பூச்சியைக் கவரும் வண்ணங்களில் 

பூக்களிடம் விழுவது மனிதர்களே!

மாலையில் மாலைசூடும் மங்கையரே!

மலர்தூவி இறைதொழுது மனம்குளிர்வீர்!.

மொழியை ஆள்வோம் இயல் 6 பக்கம் 149

 மொழியை ஆள்வோம்!

தொடர்களை அறிவோம், தொடர்ந்து செய்வோம்

தனிச் சொற்றொடர் : (தனி வாக்கியம்)

ஒரு தொடரில் ஓர் எழுவாயோ பல எழுவாய்களோ இருந்து ஒரு பயனிலையைக் கொண்டு அமைவது தனிச் சொற்றொடர் எனப்படும.

எ.கா. 

1. மேரி பேருந்திற்காகக் காத்திருந்தார்.
2. மேரியும் கனகாவும் பேருந்தில் ஏறினர்.

தொடர் சொற்றொடர்:(தொடர் வாக்கியம்)

ஒன்றுக்கும் மேற்பட்ட பயனிலைகளைக் கொண்டிருக்கும் தொடர் 

எ.கா. 

1. இனிய நிலா பேச்சுப் போட்டியில் பங்கேற்றார்; வெற்றி பெற்றார்; பரிசைத் தட்டிச் சென்றார்.
2. அன்வர் அரங்கத்திற்கு வந்து, நாடகம் பார்த்து, மகிழ்ச்சி அடைந்தார்.

கலவைச் சொற்றொடர்: (கலவை வாக்கியம்)

கலவைத் தொடரில் கருத்து முழுமை பெற்ற ஒரு முதன்மைத் தொடரும் கருத்து முழுமை பெறாத துணைத் தொடர்களும் கலந்து வரும்.

எ.கா.

மழை கொட்டிக் கொண்டிருந்தாலும் பகலவன் பள்ளிக்கு நடந்து வந்தான்.

• பள்ளிக்கு நடந்து வந்தான் -முதன்மைத் தொடர்
• மழை கொட்டிக் கொண்டிருந்தாலும்-துணைத் தொடர்

.

கம்பராமாயணம் மனப்பாடப் பாடல் 1, இயல் 6

 கம்பராமாயணம் மனப்பாடப் பாடல் இயல் 6 Click here

திருக்குறள் மனப்பாடப் பாடல்கள் இயல் 6

 திருக்குறள் மனப்பாடப் பாடல்கள் இயல் 6 Click here 

இயல் 6, படித்துச் சுவைக்க

சிறு நண்டு 🦀 மணல் மீது படமொன்று கீறும் ... ஈழத்து மகாகவி ருத்ர மூர்த்தி பாடல்... கேட்டு ரசிக்க இணைப்பைத் தொடுக.  https://youtu.be/LCJQ5a5f6_s

இயல் 6, மொழிபெயர்ப்பு

 இயல் 6

ஆங்கிலப் பகுதி

Therukoothu is as, its name indicates a popular form of theatre performed in the streets. It is performed by rural artists. The stories are derived from ethics like Ramayana, Mahabharata and other ancient puranas. There are more songs in the Play with dialogues improvised by the artists on the spot. 15 to 20 actors with a small orchestra forms koothu troupe. Though the orchestra singer the artist sing in their own voices. Artist dress themselves with heavy costumes and bright makeup. Koothu is very popular among rural areas.

மொழியாக்கம்:

  (1) Therukoothu is as, its name indicates a popular form of theatre performed in the streets. 

Therukoothu is - தெருக்கூத்து

 as its name indicates - அதன் பெயருக்கேற்ப

performed in the streets - தெருக்களில் நடத்தப்படும்

a popular form of theatre - ஒரு பிரபலமான மேடை நாடகக் கலையாகும்.

  (2) It is performed by rural artists. 

இது, கிராமியக் கலைஞர்களால் நடத்தப்படுகிறது

  (3) The stories are derived from ethics like Ramayana, Mahabharata and other ancient puranas. 

இதற்குரிய கதைகள் இராமாயணம், மகாபாரதம் மற்றும் புராணங்களில் இருந்து தேர்வு செய்யப்படுகின்றன.

  (4) There are more songs in the Play with dialogues improvised by the artists on the spot. 

in the Play -தெருக்கூத்தில்

There are more songs - அதிகமான பாடல்களும்

with dialogues - உரையாடல்களும்

on the spot -உடனுக்குடன்

 improvised by the artists -கலைஞர்களால் உருவாக்கப்படுகின்றன

 (5) Fifteen to twenty actors -15 முதல் 20 கலைஞர்களுடன்

with a small orchestra - சிறு இசைக் குழுவினரும் சேர்ந்து

forms koothu troupe. - தெருக்கூத்து குழு அமையும்

(6) the orchestra has a singer - இசைக் குழுவில் ஒரு பாடகர்

Though - இருந்தபோதிலும்

  

In their own voices. - அவர்களுடைய சொந்த குரலில்

the artists- கூத்துக்கலைஞர்கள் 

 

Sing - பாடுவர்

    

 (7) Artists - கலைஞர்கள்

themselves - அவர்களாகவே

dress with heavy costumes -கனமான ஆடைகளை அணிவதுடன்

 and bright makeup. - பிரகாசமாக ஒப்பனை செய்து கொள்கிறார்கள்.

  (8) Koothu - தெருக்கூத்து

among rural areas. -கிராம மக்களிடையே

Is very popular - மிகவும் பிரபலம்

திருத்தப்பட்ட மொழியாக்கம்

தெருக்கூத்து என்பது அதன் பெயருக்கேற்ப தெருக்களில் நடத்தப்படும் ஒரு பிரபலமான மேடை நாடகக் கலை ஆகும்.  

 இது கிராமிய கலைஞர்களால் நடத்தப்படுகிறது.   

இதன் கதைகள் இராமாயணம், மகாபாரதம் மற்றும் புராணங்களில் இருந்து தேர்வு செய்யப்படுகிறது.  

தெருக்கூத்துகளில் அதிகமான பாடல்களும் உரையாடல்களும் கூத்துக் கலைஞர்களால் உடனுக்குடன் உருவாக்கப்படுகின்றன.

15 முதல் 20 கலைஞர்களுடன் ஒரு சிறு இசைக்குழுவும் சேர்ந்து தெருக்கூத்துக்குழு அமையும்.  

இசைக்குழுவில் ஒரு பாடகர் இருந்தாலும் கூத்துக் கலைஞர்கள் தங்களுடைய சொந்த குரலிலேயே பாடுகிறார்கள்.   

கூத்துக் கலைஞர்கள் தாங்களாகவே, கனமான ஆடைகளை அணிவதுடன் பிரகாசமாக ஒப்பனை செய்து கொள்கிறார்கள். தெருக்கூத்து கிராமங்களில் மிகவும் பிரபலமாக இருக்கிறது.

3 மதிப்பெண் வினாக்கள், இயல் 6

 இயல் 6

3 மதிப்பெண் வினாக்கள்

1). படங்கள் வெளிப்படுத்தும் நிகழ்த்துகலை குறித்து இரண்டு வினாக்களையும் அவற்றுக்கான விடைகளையும் எழுதுக.

அ). தேவராட்டம் - குறிப்பு வரைக.

தேவராட்டம்

தேவராட்டம், வானத்துத் தேவர்கள் ஆடிய ஆட்டம் எனப் பொருள் கொள்ளப்படுகிறது. இது ஆண்கள் மட்டுமே ஆடும் ஆட்டம். 'உருமி' எனப் பொதுவாக அழைக்கப்படும் 'தேவதுந்துபி' தேவராட்டத்திற்கான இசைக்கருவி ஆகும். இந்தக் கலை, வேட்டி கட்டியும் தலையிலும் இடையிலும் சிறிய துணி கட்டியும் காலில் சலங்கை அணிந்தும் எளிய ஒப்பனையுடன் நிகழ்த்தப்படுகிறது. இவ்வாட்டத்தில் பெரும்பான்மையாக எட்டு முதல் பதின்மூன்று கலைஞர்கள் கலந்துகொள்ள வேண்டும் என்பது பொதுமரபாக உள்ளது.  தேவராட்டம் குறிப்பாகச் சடங்கு சார்பாக ஆடப்படுகிறது.

ஆ). கரகாட்டம் குறித்து எழுதுக.

கரகாட்டம்

பன்னெடுங்காலமாக மக்களால் விரும்பப்படும் மரபார்ந்த கலைகளில் ஒன்று கரகாட்டம். 'கரகம்' என்பது பித்தளைச் செம்பையோ, சிறிய குடத்தையோ தலையில் வைத்துத் தாளத்திற்கு ஏற்ப ஆடுவது, கரகாட்டம்.

கரகச் செம்பின் அடிப்பாகத்தை உட்புறமாகத் தட்டி, ஆடுபவரின் தலையில் நன்கு படியும்படி செய்கின்றனர். தலையில் செம்பு நிற்கும் அளவு எடையை ஏற்றுவதற்குச் செம்பில் மணலையோ பச்சரிசியையோ நிரப்புகின்றனர். கண்ணாடியாலும் பூக்களாலும் அழகுபடுத்திய கரகச் கூட்டின் நடுவில் கிளி பொம்மையை பொருத்திய மூங்கில் குச்சியைச் செருகி வைத்து ஆடுகின்றனர். நையாண்டி மேள இசையும் நாகசுரம், தவில், பம்பை போன்ற இசைக்கருவிகளும் இசைக்கப்படுகின்றன.  ஆணும் பெண்ணும் சேர்ந்து நிகழ்த்தும் கரகாட்டத்தில் சில நேரங்களில் ஆண், பெண் வேடமிட்டு ஆடுவதுண்டு. கரகாட்டம் நிகழ்த்துதலில் இத்தனை பேர்தான் நிகழ்த்த வேண்டும் என்ற வரையறை இல்லை.

2). நவீன கவிதையில் வெளிப்படும் நுண்மை உள்ளம், பூத்தொடுக்கும் நாட்டுப்புறப் பாடலில் வெளிப்படுகிறது. ஒப்பிட்டு எழுதுக.

Pdf வடிவில் பெற இங்கே தொடவும்

3). வைத்தியநாதபுரி முருகன் குழந்தையாக அணிந்திருக்கும் அணிகலன்களுடன் செங்கீரை ஆடிய நயத்தை விளக்குக.

முத்துக்குமாரசாமி பிள்ளைத்தமிழ்

1. திருவடியில் அணிந்த சிறு செம்பொன் கிண்கிணிகளோடு சிலம்புகளும் சேர்ந்து ஆடின. 
2. இடையில் அரைஞாண் மணியோடு ஒளி வீசுகின்ற அரைவடங்கள் ஆடின. 
3. பசும்பொன் என ஒளிரும் தொந்தியுடன் சிறு வயிறு சரிந்து ஆடியது.  
4. பட்டம் கட்டிய நெற்றியில் விளங்குகின்ற பொட்டுடன் வட்டவடிவமான சுட்டி பதிந்தாடியது. 
5. கம்பிகளால் உருவான குண்டலங்களும் காதின் குலைகளும் அசைந்தாடின. 
6. உச்சிக் கொண்டையும் அதைச்சுற்றிக் கட்டப்பட்டுள்ள ஒளிமிக்க முத்துக்களோடு ஆடியது. 
7. தொன்மையான வைத்தியநாதபுரியில் எழுந்தருளியுள்ள முருகனின் அழகிய பவளம் போன்ற திருமேனியும் ஆடியது.

4). 'கடற்கரையில் உப்புக் காய்ச்சுதல் நடைபெறுகிறது. மலைப் பகுதிகளில் மலைப் பயிர்களும் நிலப்பகுதிகளில் உழவுத் தொழிலும் நடைபெறுகின்றன'. - காலப் போக்கில் பல மாற்றங்கள் நிகழ்ந்த போதிலும், பண்டைத் தமிழரின் திணைநிலைத் தொழில்கள் இன்றளவும் தொடர்வதையும் அவற்றின் இன்றைய வளர்ச்சியையும் எழுதுக.

திணைத்தொழில்கள்- அன்றும் இன்றும்

1. குறிஞ்சி நிலத்தில், அன்று வேட்டையாடுதல், கிழங்கு அகழ்தல், தேன் எடுத்தல் போன்றவை நடைபெற்றன. இன்று குறிஞ்சி நிலம், வனத்துறையின் கட்டுப்பாட்டில் இருப்பதால், மலைவாழ் இன மக்கள் தேன் எடுத்தல், மூலிகைகள் சேகரித்தல், கைவினைப் பொருள்கள் தயாரித்தல் போன்ற தொழில்களில் ஈடுபட்டு வருகின்றனர்.  
2. முல்லை நிலத்தில் அன்று முதல் இன்று வரை கால்நடைகளை மேய்க்கும் தொழில் நடைபெற்று வருகிறது.  சிற்றூர்களில் மிகுதியான கால்நடைகள் வளர்க்கப்பட்டு வருகின்றன. பெரும் பண்ணைகளும் உருவாகியுள்ளன. தயிர், நெய் போன்றவற்றை உற்பத்தி செய்யும் பணியை இன்று பெருந்தொழிற்சாலைகள் செய்கின்றன.
3. மருதநிலத்தில் அன்று இயற்கை வேளாண்மையும், இன்று நவீனத் தொழில்நுட்பங்களுடன் கூடிய வேளாண்மையும் நடைபெற்று வருகிறது.
4. நெய்தல் நிலத்தில் அன்று முதல் இன்று வரை மீன்பிடித்தலும் உப்பு தயாரித்தலும் நடைபெற்று வருகிறது.  எனினும், இன்று இயந்திரப் படகுகளில் ஆழ்கடலுக்குச் சென்று நவீன வலைகளைப் பயன்படுத்தி மீன் பிடிக்கிறார்கள்.  மீன்களைப் பதப்படுத்துகிறார்கள். வெளிநாடுகளுக்கு ஏற்றுமதி செய்கிறார்கள்.
5. பாலை நிலத்தில் அன்று வழிப்பறி நடைபெற்றது. வழிப்பறி, இன்று சில இடங்களில் பரவலாக நடைபெறுகிறது.

5). வள்ளுவம் , சிறந்த அமைச்சருக்குக் கூறிய இலக்கணங்கள் நமக்கும் பொருந்துவதைக் குறள் வழி விளக்குக.

அமைச்சு 

1. ஒரு செயலைச் செய்வதற்குத் தேவையான கருவி, அதற்கு ஏற்ற காலம், செயலின் தன்மை, செய்யும் முறை ஆகியவற்றை அறிந்து செய்பவரே அமைச்சர் ஆவார். 
2. மனவலிமை, குடிகளைக் காத்தல், ஆட்சிமுறைகளைக் கற்றல், நூல்களைக் கற்றல், விடாமுயற்சி ஆகிய ஐந்தும் சிறப்பாக அமைந்தவரே அமைச்சர் ஆவார்.
3. இயற்கையான நுண்ணறிவும் நூலறிவும் பெற்றிருப்பவரே அமைச்சர் ஆவார்.
4. ஒரு செயலைச் செய்வதற்குரிய முறைகளை அறிந்திருப்பினும் உலகியல் நடைமுறைகளை அறிந்து செய்பவரே அமைச்சர் ஆவார். 

நாமும் ஒரு செயலைச் செய்வதற்கு முன், அச்செயலைச் செய்வதற்கான கருவி, அதற்கு ஏற்ற காலம், அச்செயலின் தன்மை, அச்செயலைச் செய்யும் முறை ஆகியவற்றை அறிந்து செய்ய வேண்டும்.  நமக்கும் மனவலிமை, குடிமக்களைக் காத்தல், ஆட்சி முறைகளைக் கற்றல், நூல்களைக் கற்றல், விடாமுயற்சி ஆகிய இயல்புகள்  தேவை. நாமும் ஒரு செயலைச் செய்யும் போது, உலகியல் நடைமுறைகளை அறிந்து செய்ய வேண்டும். இயற்கையான நுண்ணறிவுடன் நூலறிவையும் வளர்த்துக் கொண்டால் வாழ்வில் சிறக்கலாம். இவ்வாறாக வள்ளுவம், சிறந்த அமைச்சருக்குக் கூறிய இலக்கணங்கள் நமக்கும் பொருந்துவதை அறியலாம்.

6). பலரிடம் உதவி பெற்றுக் கடின உழைப்பால் முன்னேறிய ஒருவர், அவருக்கு உதவிய நல்ல உள்ளங்களையும் சுற்றங்களையும் அருகில் சேர்க்கவில்லை. அவருக்கு உணர்த்தும் நோக்கில் வள்ளுவர் குறிப்பிடும் கருத்துகள் யாவை?

தமக்கு உதவிய நல்ல உள்ளங்களையும் சுற்றங்களையும் அருகில் சேர்க்காதவருக்கு வள்ளுவர் கூறும் அறிவுரை:

1. சுற்றத்தாருடன் ஒருவர், அன்பு இல்லாமலும், பொருந்திய துணை இல்லாமலும், வலிமை இல்லாமலும், இருந்தால் அவர் எப்படிப் பகைவரின் வலிமையை எதிர்கொள்வார்?
2. மனத்தில் துணிவு இல்லாதவராய், அறிய வேண்டியவற்றை அறியாதவராய், பொருந்தும் அன்பு இல்லாதவராய், பிறர்க்குக் கொடுத்து உதவாதவராய் இருந்தால் எளிதில் பகைக்கு ஆட்பட நேரிடும்.

2 மதிப்பெண் வினாக்கள், இயல் 6

இயல் 6

2 மதிப்பெண் வினாக்கள்

1). "நேற்று நான் பார்த்த 'அருச்சுனன் தபசு' என்ற கூத்தில் அழகிய ஒப்பனையையும் சிறந்த நடிப்பையும் இனிய பாடல்களையும் நுகர்ந்து மிக மகிழ்ந்தேன்!" என்று சேகர் என்னிடம் கூறினான். இக்கூற்றை அயற் கூற்றாக எழுதுக.

அயற்கூற்று:

முன்தினம் அவன் பார்த்த 'அருச்சுனன் தபசு' என்ற கூத்தில் அழகிய ஒப்பனையையும் சிறந்த நடிப்பையும் இனிய பாடல்களையும் நுகர்ந்து மிக மகிழ்ந்ததாகச் சேகர் என்னிடம் கூறினான்.

2). சாந்தமானதொரு பிரபஞ்சத்தைச் சுமக்கின்ற ஒல்லித் தண்டுகள் - இக்கவிதை அடிகள் உணர்த்தும் உள்ளழகை எழுதுக.

சாந்தமானதொரு பிரபஞ்சத்தைச் சுமக்கின்ற ஒல்லித் தண்டுகள்

பொருள்: ஒல்லியான தண்டுகளே மென்மையான பெரிய மலர்களைத் தாங்குகின்றன.  அதுபோல, மென்மையான அன்பே பெரிய உலகத்தைத் தாங்குகின்றது.

3). உறங்குகின்ற கும்பகன்ன 'எழுந்திராய் எழுந்திராய்' 

காலதூதர் கையில் 'உறங்குவாய் உறங்குவாய்'

 கும்பகன்னனை என்ன சொல்லி எழுப்புகிறார்கள்? எங்கு அவனை உறங்கச் சொல்கிறார்கள்?

அ) "உறங்குகின்ற கும்பகருணனே! உம்முடைய பொய்யான வாழ்வு இன்றிலிருந்து இறங்குவதற்குத் தொடங்கிவிட்டது.  அதனைக் காண்பதற்காக எழுந்திடுவாய்! எழுந்திடுவாய்!" என்று சொல்லி எழுப்புகிறார்கள்.

ஆ) "காற்றாடி போல எல்லா இடங்களிலும் திரிகின்ற வில்லை பிடித்து, காலனுக்குத் தூதரானவர் கையில் இனிப் படுத்து உறங்குவாயாக" என்று உறங்கச் சொல்கிறார்கள்.

4). காட்டில் விளைந்த வரகில் சமைத்த உணவு மழைக்கால மாலையில் சூடாக உண்ணச் சுவை மிகுந்திருக்கும்.  இத்தொடரில் அமைந்துள்ள முதற்பொருள், கருப்பொருள்களை வகைப்படுத்தி எழுதுக.

முதற்பொருள்:

நிலம்: முல்லை (காடு)

பெரும்பொழுது: கார்காலம் (மழைக்காலம்)

சிறுபொழுது: மாலை

கருப்பொருள்:

உணவு: வரகு

5). கீழ்வரும் தொடர்களில் பொருந்தாத கருப்பொருளைத் திருத்தி எழுதுக.

உழவர்கள் மழையின் உழுதனர்.

முல்லைப்பூச் செடியைப் பார்த்தவாறே பரதவர் கடலுக்குச் சென்றனர்.

அ) உழவர்கள் வயலில் உழுதனர்.

ஆ) நெய்தல் பூச்செடிகளைப் பார்த்தவாறே பரதவர் கடலுக்குச் சென்றனர்.

6). 'கரப்பிடும்பை இல்லார்' இத்தொடரின் பொருள் கூறுக.

கரப்பிடும்பை இல்லார்: 

'தம்மிடமுள்ள பொருளை மறைத்து வைத்தல் என்னும் துன்பத்தைத் தராத நல்லார்' என்பது இதன் பொருளாகும்.

7). தஞ்சம் எளியர் பகைக்கு - இவ்வடிக்குரிய அசைகளையும் வாய்ப்பாடுகளையும் எழுதுக.

தஞ்/சம் - நேர் நேர் - தேமா

எளி/யர் - நிரை நேர் - புளிமா

பகைக்/கு - (நிரை நேர்) - நிரைபு -  பிறப்பு (வெண்பாவின் ஈற்றடி ஈற்றுச் சீராகக் கருதி)

8). வறுமையின் காரணமாக உதவி கேட்டு வருபவரின் தன்மானத்தை எள்ளி நகையாடுவது குறித்துக் குறளின் கருத்து என்ன?

குறளின் கருத்து:

இகழ்ந்து ஏளனம் செய்யாமல் பொருள் கொடுப்பவரைக் கண்டால், இரப்பவரின் உள்ளத்தின் உள்ளே மகிழ்ச்சி பொங்கும்.

8). பின்வருவனவற்றுள் கூரான ஆயுதம் எது என்று செந்நாப்போதார் கூறுகிறார்? ஏன் என்பதை எழுதுக.

 பெரிய கத்தி, இரும்பு, ஈட்டி, உழைத்ததால் கிடைத்த ஊதியம், வில்லும் அம்பும்.

அ). செந்நாப்போதார், உழைத்ததால் கிடைத்த ஊதியத்தைக் கூரான ஆயுதம் என்கிறார்.

ஆ). ஏனெனில், உழைத்ததால் கிடைத்த ஊதியமே, பகைவரை வெல்லும் கூர்மையான ஆயுதமாகும்.

5 மதிப்பெண் வினா, சந்தக் கவிதையில் சிறக்கும் கம்பன், இலக்கிய உரை

'சந்தக் கவிதையில் சிறக்கும் கம்பன்' என்ற தலைப்பில் இலக்கிய உரை எழுதுக. அன்பும் பண்பும் குணச்சித்திரம் கொண்ட தலைவர் அவர்களே! தேர்ந்தெடுத்த பூக்கடை போன்று வரிசை தொடுத்து அமர்ந்திருக்கும் சான்றோர்களே! அறிஞர் பெருமக்களே! வணக்கம். இயற்கை கொலுவீற்றிருக்கும் காட்சியைப் பெரிய கலை நிகழ்வே நடப்பதான தோற்றமாகக் கம்பன் கவி காட்டுகிறது. தண்டலை மயில்கள் ஆட....

இவ்வுரையைத் தொடர்க!

இலக்கிய உரை

சந்தக் கவிதையில் சிறக்கும் கம்பன்

ஆன்றோர்களே, கல்வியில் சிறந்த சான்றோர்களே! உங்கள் அனைவருக்கும் என் முதற்கண் வணக்கத்தைத் தெரிவித்துக் கொள்கிறேன். ஓர் இலக்கியம் காலத்தை வென்று வாழ்வதற்குக் காரணம் அதன் கவிதைப் பண்பு என்று கூறுவர். இலக்கியத்தின் பாடு பொருளும் நோக்கமும் காரணங்கள்தாம். என்றாலும் இவற்றையும் தாண்டிக் கவிதைப் பண்புகள் தலைமைக் காரணங்கள் ஆகின்றன. கம்பராமாயணம் காலம் கடந்து வாழ்வதற்குக் கதை மட்டுமே காரணம் அன்று. அக்கதையைச் சொன்ன விதமும் காரணம் ஆகும். கவிதைப் பண்பு சிறக்க அமைவதற்குத் தேர்ந்த சொல்லாட்சி ஒரு காரணம். இனிய ஓசை நயம் இன்னொரு காரணம். வளமான கற்பனை பிறிதொரு காரணம். கற்பனை விரியும் வருணனைகள், உவமைகள், உணர்ச்சிகள் கவிதையைச் சிறக்கச் செய்யும். செய்யுளுக்கு உரிய அணிநலன்கள் கவிதைக்கு மெருகு சேர்க்கும். இவை யாவும் கம்பரின் கவிதையில் உண்டு. எனவே தான் கம்பர் கவித்திறன் கற்றவரால் பாராட்டப் பெறுகிறது. கம்பரின் கவிப்பண்பை விளக்குவதே இப்பகுதியின் நோக்கம். 

"தண்டலை மயில்கள் ஆட ...

தாமரை விளக்கம் தாங்க..."

கார்மேகம் கண்ட மயில்கள் ஆடுவது இயற்கை. ஆனால் தாமரை மலர்கள் விளக்காக மாறியதை நீங்கள் கேள்விப்பட்டதுண்டா? செந்தாமரை மலர்களைச் சுடர்விடும் விளக்காகக் கற்பனை செய்ததோடு மட்டுமன்றி, 'மயில்களின் ஆட்டத்தை விளக்கமாகக் காண்பதற்காகவே விளக்காக மாறின' எனக் கற்பனைசெய்து கவிபாடியுள்ளார்.

'கொண்டல்கள் முழவினேங்க'

மேகங்கள் ஒன்றோடு ஒன்று மோதினால் அச்சந்தரும் இடியோசை உண்டாகும். ஆனால், மேகங்கள் மத்தளம் வாசித்தது உண்டா? அதுவும் மயில்களின் ஆட்டத்திற்கு ஏற்ப மத்தளம் வாசித்தது உண்டா? இதுவும் கற்பனையே!

'தேம்பிழி மகரயாழின் வண்டுகள் இனிது பாட'

வண்டுகள் தம் சிறகுகளை விரைவாக அடிப்பதன் மூலம் ஒருவித ரீங்கார இரைச்சல் ஏற்படும். இது இயற்கை. ஆனால், வண்டுகள் பாடியதை நீங்கள் கேட்டதுண்டா? அதுவும் இனிமையான மகரயாழினை விடவும் இனிமையாகப் பாடியது உண்டா? உண்மையில் இல்லை. ஆனால், வண்டுகள் பாடியதாக, அதுவும் மயில்களின் ஆட்டத்திற்கு ஏற்பப் பாடியதாகக் கற்பனைசெய்து கம்பர் கவி பாடியுள்ளார்.

'குவளை கண்விழித்து நோக்க'

அத்துடன் நிற்கவில்லை கம்பர். "வண்டுகள் பாட, மயில்கள் ஆட, மேகங்கள் மத்தளம் இசைக்க" என்றவர், இந்தக் காட்சியை அங்கு மலர்ந்திருக்கும் குவளை மலர்கள் கண்விழித்துப் பார்த்து ரசிப்பதாகக் கற்பனை செய்துள்ளார்.  அதனோடும் நிறுத்திக் கொள்ளவில்லை கம்பர். மேலும் தொடர்கிறார்...

'தெண் திரை எழினி காட்ட'

தெளிந்த நீர்நிலை, அருகில் உள்ள பொருட்களைத் தன்னுள் தெளிவாகக் காட்டும். இதுவும் இயற்கை.  ஆனால், மேலே நடக்கும் காட்சிகளையெல்லாம் தெளிந்த நீரலைகள் திரைச்சீலையாய் விரிந்து காட்சிகளைக் காட்டுவதாகக் கற்பனை செய்துள்ளார்.

மற்றுமொரு பாடலில்,

'வெய்யோன் ஒளி தன் மேனியில் விரி சோதியில் மறைய'

இராமன் அழகான மேனியை உடையவன் என்பது அனைவரும் அறிந்த ஒன்று.  ஆனால், இராமனின் மேனியில் இருந்து வரும் பிரகாசமான ஒளியினால், உலகுக்கெல்லாம் ஒளியூட்டும் கதிரவனின் ஒளியே கரைந்து காணாமல் போவதாகக் கற்பனை செய்து பாடியுள்ளார். 

'பொய்யோ எனும் இடையாளொடும்'

பெண்களுக்கு அழகே இடைதான். அந்த இடை, அளவில் சிறியதாக இருக்க வேண்டும்.  சீதைக்கு, 'இடையே இல்லை' என்னும் அளவிற்கு இடை சிறுத்து இருந்ததாகக் கவி பாடியுள்ளார்.

'மையோ மரகதமோ மறிகடலோ மழை முகிலோ'

இராமனின் மேனி அழகை வருணிக்க வந்த கம்பர், முதலில் 'மை' என்றார்.  'மை' என்றால் 'நீல வண்ண மேனி' என்று பொருள். 'மை நிறம்' பார்க்கப் பார்க்க ஒரு கட்டத்தில் சலிப்பைத் தந்துவிடுமோ எனக் கருதியவர், பின்னர் மரகதம் என்றார்.  மரகதம் ஒளியை உள்வாங்கி பிரதிபலிக்கத்தான் செய்கிறது.  அது மட்டுமல்லாமல் மரகதத்தை மலையில் இருந்துதான் வெட்டி எடுக்க வேண்டும். அதனால், மரகதத்தை விட மேலான 'நீலக்கடலே' என்றார். அதிலும் திருப்தி ஏற்படாததால், உலகோர்க்கு வாழ்வளிக்கும் 'மழைமேகம்' என்றார். அதிலும் திருப்தி ஏற்படாததால், "ஐயோ, இவன் அழகு என்பது ஓர் அழியாத அழகு" என்றார்.  இவ்வாறு, கீழிருந்து வரிசைப்படுத்தி வருணித்து, மேலும் வருணிக்க வார்த்தைகளே இல்லை என்று கூறி முடிப்பதாக அமையும் கவிநயம் இன்பமூட்டுகிறது.

இன்னொரு பாடலில், "உறங்குகின்ற கும்பகன்ன உங்கள் மாய வாழ்வெலாம் இறங்குகின்றது.  இன்றுகாண். எழுந்திராய் எழுந்திராய்.  கறங்குபோல வில்பிடித்த காலதூதர் கையில் உறங்குவாய் உறங்குவாய். இனிக்கிடந்து உறங்குவாய்" என்று உறங்குகின்ற கும்பகருணனை எழுப்பும் காட்சியைக் கண்முன் கொண்டு வந்து நிறுத்துகிறார்.

மற்றுமொரு பாடலில், "கோசல நாட்டில் கொடைவள்ளல்களே இல்லை. ஏனென்றால், அங்கு வறுமை என்பதே இல்லை.  படை வீரர்களின் வலிமையை அறிய முடியவில்லை. ஏனென்றால், அவர்களுக்குப் பகைவர்களே இல்லை.  இவர் சொல்வது உண்மை என்று கூறுவதற்கு யாருமே இல்லை. ஏனென்றால், யாரும் பொய் சொல்வதே இல்லை. அங்கு அறியாமை என்பதே இல்லை. ஏனென்றால் மக்கள் யாவரும் கேள்வியறிவு பெற்றவர்களாக இருக்கின்றனர்" என்கிறார். எங்கள் நாட்டில் அது இருக்கிறது, இது இருக்கிறது என்று கூறி புலவர்கள் கவி பாடுவார்கள். ஆனால், கம்பரோ, "எங்கள் நாட்டில் அது இல்லாததால் இது இல்லை, இது இல்லாததால் அது இல்லை" என்று கூறுவதன் மூலமாக எல்லாம் இருக்கிறது என்று பொருள்படும்படி கவி பாடியமை ஈண்டு இன்புறத்தக்கது.

இயற்கையின் தோற்றத்தைக் காட்சிப்படுத்த விளைந்த கம்பன்

"தாதுகு சோலைதோறும் சண்பகக்காடு தோறும்

போதுஅவிழ் பொய்கை தோறும் புதுமணல் தடங்கள்தோறும்

மாதவிவேலிப் பூகவனந்தோறும் வயல்கள் தோறும்

ஓதிய உடம்புதோறும் உயிரென உலாயது அன்றே" 

என்று பாடுகிறார்.  சரயு ஆறானது சோலைகளிலும் சண்பக் காடுகளிலும் பொய்கைகளிலும் பாக்குத்தோப்புகளிலும் புதுமணல்தடங்களிலும் வயல்வெளிகளிலும் பாய்ந்து ஓடுவது, உடம்பில் உயிர் ஓடுவதை ஒத்திருக்கிறது என்று உணர்ச்சியுடன் பாடியிருக்கிறார்.

வனவாசம் வந்த இராமன், சீதை, இலக்குவனோடு கங்கை ஆற்றைக் கடந்து செல்லும் சூழலில் அமைந்த பாடல் இது. 

"ஆழ நெடுந்திரை ஆறு கடந்திவர் போவாரோ?

வேழ நெடும்படை கண்டு விலங்கிடும் வில்லாளோ?

தோழமை என்றவர் சொல்லிய சொல்ஒரு சொல்லன்றோ?

ஏழமை வேடன் இறந்திலன் என்றெனை ஏசாரோ?" 

என்று குகனின் மனவோட்டத்தைப் படம் பிடித்துக் காட்டுகிறார், கம்பர்.  இவ்வாறு, கம்பர் பல்வேறு பாடல்களை ஓசை நயம் தோன்றப் படைத்துள்ளதைப் படித்து மகிழ முடியும். இதுவரை எனது உரையைக் கேட்டு மகிழ்ந்த உங்கள் அனைவருக்கும் எனது நன்றியைத் தெரிவித்துக் கொள்கிறேன்.

-மலர் மகேந்திரன்

8 மதிப்பெண் வினா நிகழ்கலை தலையங்கம்

 நிகழ்கலை வடிவங்கள்- அவை நிகழும் இடங்கள் - அவற்றின் ஒப்பனைகள் - சிறப்பும் பழைமையும் - இத்தகைய மக்கள் கலைகள் அருகி வருவதற்கான காரணங்கள் - அவற்றை வளர்த்தெடுக்க நாம் செய்ய வேண்டுவன - இவை குறித்து நாளிதழுக்கான தலையங்கம் எழுதுக.

தலையங்கம்

தலைப்பு : நிகழ்த்துக் கலைகள்

மனிதனின் அழகியல் வெளிப்பாடு கலையாகும். கலை என்பது பார்ப்போர் கேட்போர் மனத்தில் அழகியல் உணர்வைத் தோற்றுவிக்கும் வகையில் அந்தந்தப் பண்பாட்டுச் சூழலோடு வெளிப்படுத்தப்படுவது என்று தற்காலத் தமிழகராதி விளக்கமளிக்கிறது. இந்த அழகியல் உணர்வு வாழ்க்கை அனுபவத்திலிருந்து பெறப்பட்டுக் கலைத் தன்மையோடு நிகழ்த்திக் காட்டப்படுகிறது.

நிகழ்கலை வடிவங்கள்

மக்களின் முன் நிகழ்த்திக் காட்டும் வகையிலான கலைகளே நிகழ்த்துக் கலைகள் ஆகும்.  அவை ஆடலாகவோ, பாடலாகவோ, ஆடலும் பாடலும் இணைந்தோ, ஆடல் பாடல் உரையாடலுடன் கலந்தோ, ஒரு கலைஞராலோ, கலைஞர்கள் பலர் இணைந்தோ, ஒரு நிகழ்ச்சியையோ, கருத்தையோ, கதையையோ பார்வையாளர்கள் முன் நிகழ்த்திக் காட்டுவதாக அமையும்.  தமிழர்களின் பண்பாட்டுக் கூறுகளின் அடிப்படையில் நிகழ்த்துக் கலைகள் தெருக்கூத்து, தோற்பாவைக் கூத்து, பொம்மலாட்டம், பகல் வேடம், சேவையாட்டம், உடுக்கைப் பாட்டு, ஒயிலாட்டம், கணியான் கூத்து, வில்லுப்பாட்டு, கரகாட்டம், காவடியாட்டம், குதிரை ஆட்டம், தேவராட்டம், கோலாட்டம், மயிலாட்டம், காளையாட்டம், குறவன் குறத்தி ஆட்டம், சிலம்பாட்டம், புலி ஆட்டம் எனப் பல வடிவங்களில் நிகழ்த்தப்படுகின்றது.

நிகழ்விடங்கள்

நாட்டுப்புற நிகழ்த்துக் கலைகளை நிகழ்த்துவதற்கென்று குறிப்பிட்ட இடமோ, களமோ, அரங்கமோ கிடையாது. எங்கு வேண்டுமானாலும் எந்த இடத்தில் வேண்டுமானாலும் (கோயில், ஊர்மந்தை, தெருக்கள்) நிகழ்த்திக் கொள்ளும் சுதந்திரப் போக்கைக் கொண்டவையாகும். சிறுதெய்வ வழிபாடுகளின் போது எங்கெல்லாம் சடங்கு நிகழ்ச்சிகள் நடைபெறுகின்றனவோ அங்கெல்லாம் கலைஞர்களும் சென்று ஆடுவார்கள். தெய்வங்களை அலங்கரித்து ஊர்வலம் வரும்போது, அதன் முன்னால் கலைஞர்கள் ஆடிச் செல்வர்.  நாட்டுப்புற நிகழ்த்துக் கலைகளுக்கான ஆடுகளம் விரிந்த பரப்பைக் கொண்டது.

ஒப்பனைகள்

நிகழ்த்துக் கலைகளில் இசையும் ஒப்பனையும் இருகண்களாக விளங்குகின்றன. கரகாட்டத்தை இசையின்றி இரசிக்க இயலாது; அதேபோல், தெருக்கூத்தை ஒப்பனையின்றிப் பார்க்க இயலாது.  'ஆள்பாதி ஆடைபாதி' என்ற பழமொழி நாட்டுப்புற நிகழ்த்துக் கலைகளுக்கே பொருத்தமானதாகும். நிகழ்த்துக் கலைகளின் வடிவங்களுக்கு ஏற்பவும், கதாபாத்திரத்திற்கு ஏற்பவும் கலைஞர்கள் தங்களைத் தாங்களே ஒப்பனை செய்து கொள்கின்றனர். ஒரு கலைஞர் தமது குழுவினருக்கு ஒப்பனை செய்வதும் உண்டு. கலைஞர்களின் உடையலங்காரமும் முகப் பூச்சுமே பார்வையாளர்களிடமிருந்து அவர்களை வேறுபடுத்திக் காட்டுகிறது. அதிகமான முகப் பூச்சு, பளபளப்பான ஜிகினா உடை, கதாநாயகர்கள் போன்ற தோற்றம் ஆகியவை நாட்டுப்புற நிகழ்த்துக் கலைஞர்களுக்கான பொது உடை ஒப்பனை முறையாகக் காணப்படுகிறது.

தெருக்கூத்து, கரகாட்டம், கணியான் கூத்து, குறவன் குறத்தி ஆட்டம், சேவையாட்டம், காளியாட்டம், பகல் வேடம் போன்ற நிகழ்த்துக் கலைகளின் உடை ஒப்பனை முறைகள் ஏனைய கலைகளிலிருந்து மாறுபட்டதாகவும் கூடுதல் தன்மை உடையவையாகவும் அமைந்துள்ளன.

நிகழ்த்துக் கலைகளின் சிறப்பு 

நிகழ்கலைகள் ஊரக மக்களின் வாழ்வில் இரண்டறக் கலந்திருக்கின்றன. இவை கற்றோராலும் மற்றோராலும் விரும்பப்படும் கலைகளாக உள்ளன; உழைப்பாளர்களின் உணர்வுகளாக உள்ளன; மக்களுக்கு மகிழ்ச்சி என்னும் கனி கொடுத்து கவலையைப் போக்குகின்றன. பழந்தமிழ் மக்களின் கலை, அழகியல், புதுமை ஆகியவற்றின் எச்சங்களை அறிவதற்குத் துணை செய்கின்றன;  எண்ண வெளிப்பாடாக, வாழ்க்கையைக் காட்டும் கண்ணாடியாக, மக்களின் சமய வழிபாட்டிலும் வாழ்வியல் நிகழ்வுகளிலும் பிரிக்கமுடியாத பண்பாட்டுக் கூறுகளாக விளங்குகின்றன.

நிகழ்த்துக் கலைகளின் பழமை

நிகழ்த்துக்கலைகள் தோன்றிய காலத்தை அறுதியிட்டுக் கூறுவது எளிதன்று.  அவை மக்களின் வாழ்க்கைச் செயல்பாடுகளின் ஒரு பகுதியாகவே இருந்து வந்துள்ளது.  மக்களின் மத வழிபாடு மற்றும் சடங்குகளின் நீட்சியாக இக்கலைகள் வளர்ச்சி பெற்றன.  தொடக்கக் கால மனிதன் தான் கண்டவற்றைப் போலச்செய்தலாய் நிகழ்த்திக் காட்டி அதனை முறைப்படுத்திக் கலைவடிவம் ஆக்கினான். அக்கலைகளில் ஆடலும் பாடலும் சிறப்பிடம் பெற்றன. பின்னாளில் கதைக் கூறுகள் சேர்க்கப்பட்டு உரையாடல் இடம் பெற்றது. இந்நிலையில் கலைகளின் தன்மைக்கேற்ப, அவை பெயர் சூட்டப்பட்டு, நிலைத்த கலை வடிவங்களாய் உலா வந்தன. ஒவ்வொரு நிகழ்த்து கலையும் தனக்குள் பல்வேறு சிறப்புக் கூறுகளைக் கொண்டமைந்தது.

மக்கள் கலைகள் அருகி வருவதற்கான காரணங்கள்

1. இன்றைய காலகட்டத்தில் தொழில்நுட்பங்கள் அசுர வளர்ச்சி அடைந்து கொண்டு இருக்கின்றன.  இதனால், தகவல் தொடர்பிற்கும், பொழுது போக்கிற்கும் பல்வேறு ஊடகங்கள் உருவாகி வருகின்றன. 
2. பொருளாதார வளர்ச்சி கோவில் சடங்குகளின் போக்கை மாற்றி இருக்கின்றது.
3. கலைஞர்கள் மதுவுக்கு அடிமையாதல், சேமிப்புப் பழக்கமின்மை, அரசுச் சலுகைகள் பற்றிய அறியாமை, கலைகளுக்கான விருதுகளில் பாரபட்சம், நிகழ்த்துக்கலைகளுக்கான கருவிகள் மற்றும் உபகரணங்களின் விலை உயர்வு, இடைத்தரகர்களின் ஆதிக்கம், சாதி இறுக்கம், சமூக முன்னேற்றம் போன்றவையும் முக்கியப்பங்கு வகிக்கின்றன.
4. போதிய அளவில் நிகழ்ச்சிகளும் வருமானமும் இல்லை என்பதால் கலைஞர்களும் வேறு தொழில்களுக்குச் செல்ல வேண்டிய கட்டாயத்துக்கு ஆளாக்கப்பட்டுவிட்டனர்.

நிகழ்த்துக் கலைகளை வளர்த்தெடுக்க நாம் செய்ய வேண்டுவன:

1. 'நிகழ்த்துக் கலைகள் - நமது பண்பாட்டின் விழுமியங்கள்' என்ற உணர்வை இளைஞர்களிடம் விதைக்க வேண்டும்.
2. நிகழ்த்துக் கலைகளுக்கு முறையான அங்கீகாரமும் திறமைக்கேற்ற ஊதியமும் கிடைப்பதை உறுதி செய்ய வேண்டும்.
3. வழிபாடுகளில் நிகழ்த்துக் கலைகளுக்கு முன்னுரிமை அளிக்க வேண்டும்.
4. நிகழ்த்துக் கலைஞர்களின் மீதான சாதிய இறுக்கத்தைத் தவிர்க்க வேண்டும்.
5. மற்ற கலைஞர்களுக்கு வழங்கப்படுவது போலவே நிகழ்த்துக் கலைஞர்களுக்கும் விருதுகளும் ஊக்கத்தொகையும் வழங்கப்பட வேண்டும்.

 தமிழரின் நீண்ட நெடிய வரலாற்றையும் பண்பாட்டுப்பெருமையையும் ஒருங்கே காட்டும் நிகழ்த்துக்கலைகளைப் பாதுகாத்து வளர்த்தெடுப்பது நமது கடமையாகும். இதனை உணர்ந்து நிகழ்த்துக் கலைகளை மீட்டெடுக்கும் பணியில் நாம் அனைவரும் கைகோர்க்க வேண்டும்.

- மலர் மகேந்திரன்

8 மதிப்பெண் வினா பொம்மலாட்டக் கலை பாராட்டுரை

 நெகிழிப் பைகளின் தீமையைக் கூறும் பொம்மலாட்டம் உங்கள் பள்ளியின் ஆண்டு விழாவில் நிகழ்த்தப்படுகிறது.  அதற்குப் பாராட்டுரை ஒன்றினை எழுதுக.

பாராட்டுரை

முன்னுரை

ஆதி கலைகளான இயல், இசை, நாடகம் ஆகிய முக்கலைகளின் சங்கமமே பொம்மலாட்டக் கலை. இவை மூன்றும் தெரிந்திருந்தால் மட்டுமே பொம்மலாட்டத்தை நிகழ்த்த முடியும்.  சினிமா உள்ளிட்ட பொழுதுபோக்கு அம்சங்கள் இல்லாத அக்காலத்தில் பல்வேறு கடவுள்களின் அருட்பெருமைகளைக் கூறவும், போரில் வெற்றி பெற்ற மன்னர்களின் புகழ் பாடவும், அரசனின் ஆணைகளை மக்களுக்குத் தெரிவிக்கவும், சிறந்த பொழுதுபோக்கு அம்சமாகப் பொம்மலாட்டக் கலை விளங்கியது. இந்திய சுதந்திரப் போராட்டத்தின்போது, விடுதலைப் போராட்டச் செய்திகளைப் பொதுமக்களுக்குக் கொண்டு செல்லவும் கூட பொம்மலாட்டம் பயன்படுத்தப்பட்டது.

பொம்மலாட்டம் என்னும் நுட்பக்கலை

  பொம்மலாட்ட நிகழ்ச்சி நடத்துவது என்பது கத்திமேல் நடப்பது போன்றது.  விரல் நுனியில் காட்சிகளை மாற்றி கண்முன்னே நிறுத்துவது வியப்பிற்குரியது.

தலை, கைகளில் கயிறுகட்டி கால்கள் இல்லாமல் துணிகளால் நீளமாக உடை கொடுத்து, பொம்மைகளைத் திரைக்குப் பின்னால் இருந்து கொண்டு ஆட்டி வைக்கும் அற்புதமான கலை. கயிற்றை நுட்பமாக ஆட்டி, அதன் அசைவுக்குத் தக்கவாறு பாடி, இசைக்கருவிகளை இசைத்து பிரமிப்பான உணர்வை ஏற்படுத்துவது இதன் சிறப்பு.  

பொம்மைகளின் முகம், கை, கால், உடல் அசைவுகளுடன் பின்னணிக் குரலும் ஒலிக்க, விழிப்புணர்வு நிகழ்ச்சிகள் நடத்துவதற்கு மிகச் சிறந்த கலையாக இது திகழ்கிறது. உயிருள்ள மனிதர்கள் பேசுவது போன்ற தோற்றத்தை ஏற்படுத்தி உள்ளுணர்வில் மாற்றத்தை ஏற்படுத்த வல்லது.  இத்தகைய பொம்மலாட்டக் கலை மூலம் நெகிழிப்பைகளின் தீமை குறித்து விழிப்புணர்வு ஏற்படுத்தியமை பாராட்டுதலுக்கு உரியது.

நாங்கள் அடைந்த விழிப்புணர்வு

எங்கள் பள்ளியின் ஆண்டுவிழாவில் நடைபெற்ற பொம்மலாட்ட நிகழ்ச்சியின் மூலம் நெகிழிப் பைகளின் தீமைகளை அறிந்து கொண்டோம். அவை,

• நெகிழிப் பொருள்கள் எளிதில் அழிவதில்லை. சராசரியாக ஒரு பாலித்தீன் பையின் பயன்பாட்டுக் காலம் 12 முதல் 20 நிமிடங்களே என்றும் அவை அழிய 1000 ஆண்டுகளுக்கும் அதிக காலம் பிடிக்கும் என்றும் ஒரு ஆய்வு கூறுகிறது. பயன்பாடற்ற ஒரு நச்சுவேதிப் பொருளின் நெடிய ஆயுட்காலம் என்பது இயற்கையின் நியதிக்கு மிகமிக ஆபத்தான முரண்பாடாகும். அதிலும் நெகிழியின் அதிகப்படியான பயன்பாட்டின் காரணமாக இவை கற்பனைக்கெட்டாத அளவில் உற்பத்தி செய்யப்படுகின்றன. எதிர்கால சந்ததிகளையும், மானுடரல்லாத பிற உயிர்களையும், இயற்கைச் சூழலையும் பற்றிய அக்கறையற்ற சுயநலமே இன்றைய நிலையாக இருக்கின்றது. மறுசுழற்சி என்பதும் பெரிதும் பயன்தரப் போவதில்லை. ஏனென்றால் நெகிழிப் பொருட்களில் 10 சதவீதப் பொருள்களே மீண்டும் பயன்படுத்தத் தக்கவையாக இருக்கின்றன. மற்ற 90 சதவீதப் பொருட்களும் வீணே எரிக்கப்பட்டுவிடுகின்றன. ‘இன்சினரேசன்’ என்னும் கருவி இப்போது நெகிழிக் குப்பைகளை எரிக்கப் பயன்படுகிறது. அவையும் டையாக்சின் என்ற நச்சுப் புகையைத்தான் கூடுதல் தீமையாகத் தருகின்றன. மறுசுழற்சி, கழிவு மேலாண்மை போன்றவை பயனற்றவையாகவே கருதப்படுகின்றன.
• தொழிற்சாலைகளில் இவை மறு சுழற்சி செய்யப்படும் போதும், எரிக்கப்படும் போதும் வெளியேறும் வாயுக்கள் நச்சுத் தன்மை உடையதாக இருப்பதால், அருகிலுள்ள மக்களின் உடல்நலனாது பெரிதும் பாதிப்புக்குள்ளாகிறது. தோல்நோய், புற்று நோய், ஒவ்வாமை, மூச்சுக் குழாய் பாதிப்பு, குடல் புண், செரிமானமின்மை, நரம்புத்தளர்ச்சி, ரத்த, சிறுநீரகச் செயல் குறைபாடு, நோய் எதிர்ப்பு ஆற்றல் குறைவு போன்றவை ஏற்படக் கூடும் என ஆய்வுகள் கூறுகின்றன.
• பாலித்தீன் பைகள் கால்வாய்களில் அடைத்துக் கொள்வதால் நீர் வழிகள் அடைபட்டு மழைக் காலங்களில் வெள்ளப் பெருக்கு போன்ற அபாயங்கள் ஏற்படுகின்றன. நீர் தேங்கி கொசுக்கள் உற்பத்தியாகி டெங்கு, சிக்குன் குனியா போன்ற நோய்கள் பரவுகின்றன. நிலத்தடி நீர் பெருகுவதைத் தடுக்கின்றன.
• மனிதர் உண்டுவிட்டு கீழே போடும் நெகிழிப் பைகளைத் தின்னும் விலங்குகளின் உணவுக் குழாய்கள் பாதிக்கப்பட்டு அவைகள் இறக்க நேரிடுகின்றன.
• மட்காத நெகிழிப் பொருள்கள் வேளாண் நிலங்களில் தங்கி அதன் வளத்தைக் குறைத்து நஞ்சாக்குகிறது. பயிர் வளர்ச்சியையும் பாதிக்கிறது.
• கடலில் எறியப்படும் நெகிழிப் பொருள்கள் கடல்வாழ் உயிரினங்களுக்கும், வனப்பகுதியில் எறியப்படுபவை வனவாழ் உயிரினங்களுக்கும் தீங்கு விளைவித்து பல்லுயிர் பெருக்கச் சூழலைப் பெரிதும்பாதிக்கின்றன.

பாராட்டுரை

நமது பள்ளி ஆண்டு விழா என்பது ஒவ்வொரு மாணவருக்கும் மிகவும் மகிழ்ச்சியைத் தரக்கூடிய ஒரு நிகழ்வாகும்.  என்றும் பசுமையான நினைவுகளாக இருக்கக்கூடிய ஆண்டுவிழாவில், ஆண்டுதோறும் புதியபுதிய சிந்தனைகளை மாணவர்கள் மனத்தில் விதைப்பீர்கள்.  அந்த வகையில் இந்த ஆண்டு நெகிழிப்பைகளின் தீமையைக் கருவாகக் கொண்டமைக்கு எனது மனமார்ந்த பாராட்டுக்களைத் தெரிவித்துக்கொள்கிறேன்.  அதை விதைப்பதற்கு நமது பாரம்பரியக் கலையான பொம்மலாட்டக் கலையைத் தேர்வு செய்த பள்ளி ஆண்டுவிழா ஏற்பாட்டாளர்களுக்குத் தலை வணங்குகிறேன்.  'ஒரே கல்லில் இரண்டு மாங்காய்' என்பது போல இந்த நிகழ்ச்சியின் மூலம் பொம்மலாட்டக் கலையின் அருமை பெருமைகளை அறிந்து கொண்டதோடு நெகிழிப் பைகளின் தீமைகளையும் அறிந்துகொண்டோம்.  நெகிழிப் பைகளைத் தவிர்த்து, துணிப்பைகளைப் பயன்படுத்த வேண்டும் என்ற மனமாற்றம் ஏற்பட இந்த நிகழ்ச்சியே காரணமாக அமைந்தது.

முடிவுரை

திரைப்படத் துறையின் அதீத வளர்ச்சியால், தமிழகத்தில் தொன்மையான பாரம்பரியக் கலையான பொம்மலாட்டம் படிப்படியாக அழிந்து வருகிறது. அழிவில் இருக்கும் பழைமை வாய்ந்த பொம்மலாட்டக் கலையைக் காக்க மத்திய, மாநில அரசுகள் பள்ளி, கல்லூரி பாடத் திட்டத்தில் செயல்முறைப்பயிற்சியாக பொம்மலாட்டத்தை வைத்து, இளைய தலைமுறையினரிடம் இக்கலையைக் கொண்டு செல்லும் சீரிய முயற்சிகளை மேற்கொள்ள வேண்டும். மேலும், இந்தக் கலைஞர்களுக்கு உலகப் பொம்மலாட்ட தினமான மார்ச் 21 அன்று விருதுகள் வழங்கி ஊக்குவிக்க வேண்டும் என்று கூறி, எனது பாராட்டு உரையை நிறைவு செய்கிறேன். நன்றி, வணக்கம்!

கட்டுரை-அரசுப் பொருட்காட்சிக்கு சென்று வந்த நிகழ்வு

 உங்கள் பகுதியில் நடைபெற்ற அரசுப் பொருட்காட்சிக்குச் சென்று வந்த நிகழ்வை கட்டுரையாக்குக.

அரசுப்பொருட்காட்சி

முன்னுரை

     கண்ணால் காண்பவை மனத்தில் ஆழமாகப் பதிந்து, நெடுங்காலம் நிலைத்திருக்கும்.   அதனால்தான், பள்ளிகளில் சில இடங்களைக் குறிப்பிட்டு சுற்றுலாவாக அழைத்துச் செல்கின்றனர்.  அந்த வகையில் பொருட்காட்சிகள் கூட மக்கள் அறிவை வளர்க்க பெருந்துணை புரிகின்றன.  நான் அண்மையில் என் நண்பர்களுடன் மதுரையில் உள்ள தமுக்கம் மைதானத்தில் நடைபெற்ற அரசுப் பொருட்காட்சிக்குச்  சென்று வந்தேன். அது குறித்துச் சில செய்திகளைக் கூறுகிறேன், கேளுங்கள்.

தமுக்கம் மைதானம்

     தமுக்கம் மைதானம் மதுரையின் வரலாற்றுச் சிறப்பு மிக்க மைதானமாக பதினான்காம் நூற்றாண்டில் மன்னர் விஸ்வநாத நாயக்கரால் கட்டப்பட்டு, மதுரை நாயக்கர் வம்சத்தால் பராமரிக்கப்பட்டு வந்தது.  அக்காலத்தில் குதிரைப் பந்தயம், யானைப் பந்தயம், மாட்டு சண்டைகள் போன்ற விளையாட்டுகளும் சிலம்பு சண்டை, கத்திச் சண்டை போன்ற கலைகளும் இங்கு நடத்தப்பட்டன.

அரசுப் பொருட்காட்சி

      சித்திரைத் திருவிழாவை முன்னிட்டு ஆண்டுதோறும் மதுரைத் தமுக்கம் மைதானத்தில் அரசு சார்பில் பொருட்காட்சி நடைபெறும்.  மாலை வேளையில் பல வண்ண விளக்குகளால் மைதானமே ஜொலிக்கும். பல்வேறு அரசுத் துறைகளின் சார்பில் அரசின் சாதனைகளை விளக்கும் வகையில் அரங்குகள் அமைக்கப்பட்டு இருக்கும்.

பல்துறை அரங்குகள்

     அரசு ஏற்பாடு செய்திருந்த பொருட்காட்சி ஆதலால், உள்ளே நுழைந்ததும் அரசு சார்புடைய காவல்துறை, சுற்றுலாத் துறை, பொதுப்பணித் துறை, அற நிலையத் துறை, வனத் துறை, தீயணைப்புத் துறை, விளம்பரத் துறை, போக்குவரத்துத் துறை, மின்துறை, அறிவியல் துறை எனப் பல்வேறு துறைசார்ந்த அரங்குகள் அமைக்கப்பட்டிருந்தன.  விவசாயம், கைத்தறி, மீன் வளர்ப்பு முதலான துறை சார்ந்த அரங்குகளும் இருந்தன.  அவற்றில் நமக்குத் தேவையான விளக்கமளிக்கப் பொறுப்புடைய பலர் காத்திருந்தது சிறப்பாக இருந்தது.  நான் பல வினாக்களை வினவி, என் ஐயங்களைப் போக்கிக் கொண்டேன்.

பல்வேறு கடைகள்

     சிறுவர்களுக்கான பொம்மைகள் விற்கும் கடைகள், புத்தகக் கடைகள், ஆயத்த ஆடைகள் விற்கும் கடைகள், வீட்டுப் பயன்பாட்டுப் பொருட்கள் விற்கும் கடைகள், கைவினைப் பொருட்கள் விற்கும் கடைகள் எனப் பல்வேறு கடைகள் அங்கே காணப்பட்டன.

கேளிக்கை அரங்குகள்

       பல்வேறு கலை நிகழ்ச்சிகள், சாகச நிகழ்ச்சிகள் போன்றவை நடத்தப்பட்டன.  மீன் கண்காட்சிக் கூடம் கண்களைக் கவர்வதாக இருந்தது.  பல்வேறு வகையான இராட்டினங்களில் குழந்தைகள், சிறியவர், பெரியவர் என அனைவரும் சுற்றி மகிழ்ந்தனர்.

உணவு அரங்குகள்

     குடும்பம் குடும்பமாக வந்திருந்த சிலர், அங்கு அமைக்கப்பட்டிருந்த பல்வேறு உணவு அரங்கங்களில் கூடிநின்று, பல்வேறு வகையான தின்பண்டங்களை வாங்கி உண்டு மகிழ்ந்தனர்.  அங்குக் குடிப்பதற்குப் பல்வேறு வகையான சாறுகள் வழங்கப்பட்டன.  பனிக்கூழ் வகைகள் எல்லோரையும் கவர்ந்தன.  'ஆவின்' பால் நிறுவனம் அமைத்திருந்த அரங்கில் எண்ணற்ற மக்கள் அவரவர் விருப்பத்திற்கு ஏற்ப சுவையுடைய பண்டங்களை வாங்கிச் சுவைத்தனர்.

முடிவுரை

     பொருட்காட்சி என்பது வெறும் பொருள்களை மட்டும் காண உதவவில்லை.  அது பல்வேறு துறை அறிவையும் பெற உதவுவதாக அமைந்துள்ளது.  எனவே, அடுத்த முறை நண்பர்களை எல்லாம் அழைத்துக் கொண்டு செல்ல வேண்டும் என்ற முடிவுடன் வீடு திரும்பினேன்.

காட்சியைக் கண்டு கவினுற எழுதுக

 இயல் 6

தலைப்பு: ஒயிலாட்டம்

காலின் சலங்கையில் கனவுகள் நில்லும்!

கைச்சிறு துணியில் காரியம் செல்லும்!

இடுப்பின் கச்சையில் ஈரம் சிந்தும்!

உருமியின் ஓசையில் உணர்ச்சிகள் உந்தும்!

ஒய்யார ஆட்டத்தில் வீரமே முந்தும்!

தாளத்தின் நீளத்தில் தாவலும் இருக்கும்!

ஒத்த அசைவில் ஓர்மை ஒளிரும்!

கலையின் நிறைவில் கண்கள் மிளிரும்!

விளக்கம்: 

காலின் சலங்கையில் கனவுகள் நில்லும் - ஒயிலாட்டம் ஆடுபவர், காலில் சலங்கை கட்டி ஆடுவர்.  எதிர்காலத்தில் என்னவாக இருக்க வேண்டும் என்ற கனவு ஒவ்வொருவருக்கும் உண்டு. அத்தகைய கனவுகளை ஒவ்வொருவரும் சுமப்பர்.  இங்கு, ஒயிலாட்டம் ஆடுபவர் தங்களுடைய கனவுகளை தம்முடைய காலின் சலங்கையில் சுமப்பதாக உருப்படுத்தப்பட்டுள்ளது.

கைச்சிறு துணியில் காரியம் செல்லும் - ஆண்கள் அனைவரும் கையில் சிறு துணியை பிடித்துக்கொண்டு ஒரே மாதிரியாக அசைத்து ஆடுவர். யாருடைய தவறும் அங்கு இருக்காது. காரியம் சிறப்பாக இருக்கும்.

இடுப்பின் கச்சையில் ஈரம் ஒழுகும் - ஆண்கள் வேகமாக காலை எடுத்து வைத்து ஆடும் போது உண்டாகும் வியர்வைத் துளிகளால், இடுப்பில் கட்டியிருக்கும் கச்சையானது நனைந்து வியர்வைத்துளிகள் ஒழுகும். ஆட்டத்தின் கடினத்தன்மை இங்கு கூறப்பட்டுள்ளது.

உருமியின் ஓசையில் உணர்ச்சிகள் உந்தும் - ஒயிலாட்ட த்தின் போது இசைக்கப்படும் உருமியின் ஓசையானது, ஆடுபவர், பார்ப்பவர் ஆகியோர் அனைவரது உணர்ச்சிகளையும் உந்தித் தள்ளும்.

ஒய்யார ஆட்டத்தில் வீரமே முந்தும் - ஒரே மாதிரியான இடைவெளியில், ஒரே மாதிரியாக ஆடும் ஆட்டத்தில் ஆண்களின் வீரம் புலப்படும்.

தாளத்தின் நீளத்தில் தாவலும் இருக்கும் - இசைக்கப்படும் காலத்திற்கு ஏற்றார் போல, ஆண்கள் தாவி ஆடுவர்.

ஒத்த அசைவில் ஓர்மை ஒளிரும் - ஒரே மாதிரியான சலங்கை.  ஒரே மாதிரியான கச்சை.  ஒரே மாதிரியான கைக்குட்டை அல்லது துணி.  ஒரே மாதிரியான நடனம்.  ஒரே மாதிரியான பாவனை.  இவற்றையெல்லாம் பார்க்கும்போது ஓர்மை புலப்படும்; ஒற்றுமையை வெளிப்படும்.

கலையின் நிறைவில் கண்கள் மிளிரும் - ஒயிலாட்டம் முடிந்தபின்பு ஆடிய ஆடவர் கண்களில் ஒரு நிறைவு வெளிப்படும்.  அந்த நிறைவில் அவர்களது கண்கள் ஒளிரும்.  

- மலர் மகேந்திரன்.