சிலப்பதிகாரம் 2 மதிப்பெண் வினாக்கள்

1. கோவலனும் கண்ணகியும் மதுரைக்கு எவ்வழியாகச் சென்றனர்?
   1. காவிரிப்பூம்பட்டினத்தில் இருந்து உறையூர் மற்றும் திருவரங்கம் வழியாகக் கொடும்பாளூர் எனும் இடத்தை அடைந்தனர்
   2. அங்கிருந்து தென்னவன் சிறுமலையின் வலப்பக்கம் வழியாகச் சென்றால் மதுரையை அடையலாம்
   3. அல்லது அங்கிருந்து சிறுமலையின் இடப்பக்கம் வழியாகச் சென்றால் திருமால் குன்றம் வழியாக மதுரையை அடையலாம்
   4. இவ்விரண்டிற்கும் இடையில் சோலைகள் மிகுந்த ஊர்களும் காடுகளும் உள்ளன
   5. அந்த இடைப்பட்ட வழியிலேயே கவுந்தியடிகள் கோவலனையும் கண்ணகியையும் அழைத்துச் சென்றார்.

மங்கையராய்ப் பிறப்பதற்கே 2 மதிப்பெண் வினாக்கள்

1. எம் எஸ் சுப்புலட்சுமி பெற்ற விருதுகள் யாவை?
   1. தாமரையணி விருது-1954
   2. மகசேசே விருது-1974
   3. இந்திய மாமணி விருது-1998
2. எம் எஸ் சுப்புலட்சுமி தாம் மறக்கமுடியாத நிகழ்வாக எதைக் குறிப்பிடுகிறார்?
   • 1954இல் தாமரையணி விருது பெற்றபோது, பார்வையற்ற ஹெலன் கெல்லர் தன்னைத் தொட்டுப்பார்த்துப் பாராட்டியதை மறக்க முடியாது என்கிறார்
3. 'ஹரி தும் ஹரோ' என்னும் பாடலை எம்எஸ் சுப்புலட்சுமி பாடக் காரணமாக அமைந்த நிகழ்வு எது?
   1. ஒருமுறை எம்எஸ் சுப்புலட்சுமி, காந்தியடிகளைத் தில்லியில் சந்தித்தபோது 'ரகுபதி ராகவ ராஜா ராம்' என்ற பாடலைப் பாடினார்
   2. மிகவும் பாராட்டிய காந்தியடிகள், மீரா எழுதிய பாடல் ஒன்றைக் குறிப்பிட்டுப் பாடச் சொன்னார்
   3. பின் சிறிது நாள்களில் எம்எஸ் சுப்புலட்சுமி, முனைந்து அந்தப்பாடலைக் கற்றுப் பயிற்சி செய்தார்
   4. சென்னை வானொலியில் 1947இல் காந்தியடிகளின் பிறந்த நாளன்று 'ஹரி தும் ஹரோ' என்னும் 'மீரா பஜன்' பாடல் ஒளிபரப்பானது.
4. எம் எஸ் சுப்புலட்சுமி அவர்களின் இசைச் சூழல் பற்றி எழுதுக
   1. மதுரை சண்முகவடிவு சுப்புலட்சுமியின் தாயார் வீணைக் கலைஞர் ஆவார். அவரே எம் எஸ் சுப்புலட்சுமியின் முதல் குரு.
   2. எம் எஸ் சுப்புலட்சுமி, இசைத்தட்டுக்காகப் பாடலைப் பாடிப் பதிவு செய்தார்
   3. இசை மேதைகளின் வழிகாட்டுதல்களில் தன்னை வளர்த்துக்கொண்டார்
5. எம் எஸ் சுப்புலட்சுமி எந்தெந்த மொழிகளில் பாடியுள்ளார்?
   1. தமிழ்
   2. தெலுங்கு
   3. கன்னடம்
   4. சமஸ்கிருதம்
   5. மலையாளம்
   6. இந்தி
   7. மராத்தி
   8. குஜராத்தி
   9. ஆங்கிலம்
6. எம் எஸ் சுப்புலட்சுமியின் இசைக்கு கிடைத்த மகுடம் எது?
   1. 1974இல் நோபல் பரிசுக்கு இணையான மகசேசே விருது பெற்றார்
   2. இவ்விருது பெறும் முதல் இசைக்கலைஞர் எம் எஸ் சுப்புலட்சுமி ஆவார்.
7. மீரா திரைப்படம் குறித்து எம் எஸ் சுப்புலட்சுமி கூறுவது என்ன?
   1. மீரா திரைப்படம் மிகப்பெரிய வெற்றியை தந்தது.
   2. அது எனது கடைசித் திரைப்படமாகவும் அமைந்தது.
8. மிகப்பெரிய வரவேற்பு கிடைத்த பாடல்களாக எம் எஸ் சுப்புலட்சுமி கூறுவது யாது?
   1. காற்றினிலே வரும் கீதம்
   2. பிருந்தாவனத்தில் கண்ணன்
9. இங்கிலாந்திலும் ஐநா அவையிலும் எம் எஸ் சுப்புலட்சுமி எப்போது பாடினார்?
   1. இங்கிலாந்து-1963
   2. ஐநா அவை-1966
10. எம் எஸ் சுப்புலட்சுமியின் குரல் எப்போது எவ்வடிவில் திருப்பதியில் ஒலித்தது?
    1. 1966
    2. வெங்கடேச சுப்ரபாதம்
11. பரதநாட்டியத்திற்கு உலகளாவிய புகழைப் பெற்று தந்தது எது?
    • டோக்கியோவில் உள்ள 'கிழக்கு மேற்கு சந்திப்பு' நிகழ்வில் இந்தியாவின் சார்பாக பாலசரஸ்வதி கலந்து கொண்டு சிறப்பாக நடனம் ஆடினார். இந்நிகழ்வு பரதநாட்டியத்திற்கு உலகளாவிய புகழைப் பெற்றுத் தந்தது.
12. நடன கலைஞர் பாலசரஸ்வதி அவர்களின் தொடக்க கால நடன அரங்கேற்றம் பற்றிக் கூறுக.
    1. காஞ்சிபுரத்தில் ஏழு வயதாக இருக்கும்போது முதன் முதலில் மேடை ஏறினார்
    2. 15 வயதில் சென்னையில் உள்ள சங்கீத சமாஜம் என்னும் அரங்கில் நடனமாடினார்
    3. பால சரஸ்வதியின் நடன நிகழ்ச்சியைப் பார்த்த பிறகே பலரும் மரபுசார் நாட்டியத்தை வரவேற்கத் தொடங்கினார்கள்.
13. பால சரஸ்வதிக்குப் பல வாய்ப்புகள் வரக் காரணம் யாது?
    1. சென்னையில் பால சரஸ்வதியின் கச்சேரியைப் பார்த்த பண்டிட் ரவி சங்கர் மிகவும் பாராட்டினார்
    2. பண்டிட் ரவிசங்கரின் தம்பியின் மூலமாக வட இந்தியாவின் பல இடங்களில் நடனமாடும் வாய்ப்பைப் பெற்றார்
14. பால சரஸ்வதியின் 'ஜனகணமன' பாடலுக்கு நடனமாடிய நிகழ்வு யாது?
    1. பாலசரஸ்வதி கல்கத்தாவிலும் காசியிலும் நடந்த அனைத்திந்திய இசை மாநாட்டிலும், சென்னையில் நடந்த இந்தியத் தேசிய காங்கிரஸ் கண்காட்சியிலும் நம் நாட்டுப் பண்ணாகிய 'ஜனகணமன' பாடலுக்கு மெய்ப்பாடுகளோடு ஆடியுள்ளார்.
    2. அதுவே அவர், நாட்டுப் பண்ணுக்கு நடனமாடிய முதலும் இறுதியுமான நிகழ்வாகும்
15. ராஜம் கிருஷ்ணனின் புதினங்கள் யாவை?
    1. பாஞ்சாலி சபதம் பாடிய பாரதி
    2. கரிப்பு மணிகள்
    3. அலைவாய்க் கரையில்
    4. சேற்றில் மனிதர்கள்
    5. வேருக்கு நீர்
    6. கூட்டுக் குஞ்சுகள்
    7. மண்ணகத்துத் பூந்துளிகள்
    8. குறிஞ்சித் தேன்
16. ராஜம் கிருஷ்ணனின் எழுத்துக்களின் தனித்துவம் யாது?
    • சமூகச் சிக்கல்களை எழுதும் முன்பு அந்த மக்கள் வாழும் பகுதிக்குச் சென்று களப்பணி ஆற்றி, கதைகளாக உருவாக்குவார்.
17. ராஜம் கிருஷ்ணன் எழுதிய இலக்கிய வடிவங்கள் எவை?
    1. புதினங்கள்
    2. சிறுகதைகள்
    3. கட்டுரைகள்
    4. குறுநாவல்
    5. குழந்தை இலக்கியம்
    6. வரலாற்று நூல்
18. அமைப்புசாரா வேளாண் தொழிலாளர்களின் உழைப்பு சுரண்டப்படுவதைச் சுட்டிக்காட்டும் புதினங்கள் எவை?
    1. சேற்றில் மனிதர்கள்
    2. வேருக்கு நீர்
19. கூட்டுக் குஞ்சுகள் புதினம் எதைப் பற்றியது?
    • குழந்தைகள் தீப்பெட்டித் தொழிலில் முடங்கி, தீக்குச்சிகளை அந்தப் பெட்டியில் அடைப்பதைப் போன்று குழந்தைகளின் உடலையும் மனத்தையும் நொறுக்கும் அவல உலகைக் 'கூட்டுக் குஞ்சுகள்' புதினமாகக் காட்டுகிறது
20. 'மண்ணகத்துப் பூந்துளிகள்' புதினத்தின் கதைக் களம் யாது?
    • பெண்குழந்தைக் கொலைக்கான காரணங்களை ஆராய்ந்து எழுதியதே 'மண்ணகத்துப் பூந்துளிகள்'
21. ராஜம் கிருஷ்ணனின் வேண்டுகோள் யாது? எழுத்துக்களில் நேர்மையான சினம், அறச்சீற்றம் இருக்க வேண்டும்
22. குறிஞ்சித்தேன் புதினத்தின் கதைக்களம் யாது? நீலகிரி, படுகர் இன மக்களின் வாழ்வியல் மாற்றங்கள் குறித்து ராஜம் கிருஷ்ணன் பதிவு செய்ததே 'குறிஞ்சித்தேன்' புதினமாகும்.
23. கரிப்பு மணிகள் புதினம் யாருடைய வாழ்க்கை பற்றியது? தூத்துக்குடியில் வாழும் உப்பளத் தொழிலாளர்களின் உவர்ப்பு வாழ்க்கையை 'கரிப்பு மணிகள்' புதினம் வெளிச்சமிட்டுக் காட்டுகிறது.
24. கிருஷ்ணம்மாள் ஜெகந்நாதன் பெற்ற விருதுகள் யாவை?
    1. இந்திய அரசின் தாமரைத் திரு விருது
    2. ஸ்வீடன் அரசின் வாழ்வுரிமை விருது
    3. சுவிட்சர்லாந்து அரசின் காந்தி அமைதி விருது
25. கிருஷ்ணம்மாள் ஜெகநாதன் ஈடுபட்ட விடுதலைப் போராட்டங்கள் எவை?
    1. ஒத்துழையாமை இயக்கம்
    2. சட்டமறுப்பு இயக்கம்
    3. வெள்ளையனே வெளியேறு இயக்கம்
26. இந்திய விடுதலைக்குப் பின்பு கிருஷ்ணம்மாள் ஜெகநாதன் செய்த சேவை யாது?
    1. கணவருடன் இணைந்து பூதான இயக்கத்தில் பணிபுரிந்தார்
    2. 'உழுபவருக்கே நில உரிமை இயக்கம்' தொடங்கி வேளாண்மை இல்லாத காலத்திலும் உழவருக்கு வேறு பணிகள் மூலம் வருமானம் வர ஏற்பாடு செய்தார்
27. கிருஷ்ணம்மாள் ஜெகந்நாதன் சொல்ல விரும்பும் செய்தி யாது?
    • உங்களுடைய ஆற்றலை நீங்கள் உணருங்கள். உங்களால் எதையும் சாதிக்க இயலும்.
28. மதுரை சின்னப்பிள்ளை தொடங்கிய 'களஞ்சியம்' பற்றி எழுதுக.
    • பத்து பேரோடு ஆரம்பித்த மகளிர் குழு, இன்று பல மாநிலங்களில் கிளைவிட்டுப் பல லட்சம் பேருடன் இயங்கி வருகிறது. 30 ஆண்டுகளாக முகம் சுளிக்காமல் சின்னப்பிள்ளை பணியாற்றி வருகிறார்.
29. மதுரை சின்னப்பிள்ளை பெற்ற விருதுகள் யாவை?
    1. பெண் ஆற்றல் விருது
    2. ஔவை விருது
    3. பொதிகை விருது
    4. தாமரைத்திரு விருது
30. மதுரை சின்ன பிள்ளையின் மகளிர் குழு செய்த பணி யாது?
    1. பெண்களெல்லாம் குழுவாக சேர்ந்தனர்
    2. விவசாய நிலத்தைக் குத்தகைக்கு எடுத்தனர்
    3. நடவு, களையெடுப்பு, அறுவடை போன்ற வேலைகளைச் செய்தனர்.
    4. வருகிற கூலியைச் சரிசமமாகப் பிரித்தனர்
    5. இதில் வயதானவர்களையும் மாற்றுத்திறனாளிகளையும் சேர்த்து வேலை கொடுத்தனர்
    6. அவர்கள் குடும்பத்திற்கும் உதவியாக இருந்தனர்.
31. மதுரை சின்னப்பிள்ளை இந்தியாவின் முதன்மை அமைச்சரிடம் விருது பெற்ற நிகழ்வைக் கூறுக
    • டெல்லியில் விருது வழங்கும் நிகழ்வின்போது, இந்தியாவின் முதன்மை அமைச்சராக இருந்த மாண்புமிகு. வாஜ்பாய் அவர்கள் சின்னப் பிள்ளையின் காலில் விழுந்தார். இதைச் சற்றும் எதிர்பார்க்காத சின்னப்பிள்ளையின் உடல் நடுங்கி, கண்களில் இருந்து கண்ணீர் வழிந்தது.

மங்கையராய்ப் பிறப்பதற்கே 1 மதிப்பெண் வினாக்கள்

1. தமிழரின் பெருமையை உலக அரங்கான ஐநா அவையில் பரப்பும் வகையில் அங்கு தமிழ்நாட்டின் செவ்வியல் இசையைப் பாடியவர் யார்? எம்எஸ் சுப்புலட்சுமி
2. 'காற்றினிலே வரும் கீதமாய்' மக்கள் மனத்தில் நீங்கா இடம் பிடித்தவர் யார்? எம் எஸ் சுப்புலட்சுமி
3. இசைப் பேரரசி என்று நேரு பெருமகனாரால் அழைக்கப்பட்டவர் யார்? எம்எஸ் சுப்புலட்சுமி
4. எம் எஸ் சுப்புலட்சுமி பெயர் விரிவாக்கம் தருக. மதுரை சண்முகவடிவு சுப்புலட்சுமி
5. எம் எஸ் சுப்புலட்சுமிக்கு முதல் குரு யார்? எம் எஸ் சுப்புலட்சுமியின் தாயார்
6. எம் எஸ் சுப்புலட்சுமியின் தாயார் எவ்வகை இசைக் கலைஞர்? வீணை
7. எம் எஸ் சுப்புலட்சுமி எந்த வகுப்பு வரை கல்வி கற்றார்? ஐந்தாம் வகுப்பு
8. எம்எஸ் சுப்புலட்சுமி எந்த வயதில் சென்னை மியூசிக் அகடமியில் கச்சேரி செய்தார்? 17
9. எம் எஸ் சுப்புலட்சுமிக்கு மிகப்பெரிய வெற்றியைத் தந்த திரைப்படம் எது? மீரா
10. எம் எஸ் சுப்புலட்சுமியின் கடைசி திரைப்படம் எது? மீரா
11. எம் எஸ் சுப்புலட்சுமிக்கு மிகப்பெரிய வரவேற்பு கிடைத்த பாடல்கள் எவை? காற்றினிலே வரும் கீதம், பிருந்தாவனத்தில் கண்ணன்
12. எம் எஸ் சுப்புலட்சுமி எதைப் பெருமையாக கருதினார்? ஜவர்கலால் நேரு, சரோஜினி நாயுடு போன்ற பெரியவர் பாராட்டியதை...
13. எம் எஸ் சுப்புலட்சுமி பாடிய பாடல்களில் எந்தப் பாடலை காந்தியடிகள் பாராட்டினார்? ரகுபதி ராகவ ராஜாராம்
14. காந்தியடிகள் எம்எஸ்சுப்புலட்சுமியிடம் எந்தப் பாடலைப் பாடுமாறு கேட்டுக் கொண்டார்? ஹரி தும் ஹரோ
15. ஹரி தும் ஹரோ பாடல் சென்னை வானொலியில் எந்த ஆண்டு ஒளிபரப்பானது? 1947 காந்தி அடிகள் பிறந்த நாள் அன்று.
16. எந்த ஆண்டு எம்எஸ் சப்புலட்சுமி தாமரையணி விருது பெற்றார்? 1954
17. எந்த ஆண்டு எம்எஸ்சுப்புலட்சுமி ஹெலன் கெல்லரால் பாராட்டு பெற்றார்?1963
18. எந்த ஆண்டு எம்எஸ் சப்புலட்சுமி ஐநா சபையில் பாடினார்? 1966
19. எந்த ஆண்டு முதல் எம்எஸ் சுப்புலட்சுமியின் குரல் திருப்பதியில் ஒலித்தது? 1966
20. எந்த ஆண்டு எம்எஸ்சுப்புலட்சுமிக்கு மகசேசே விருது வழங்கப்பட்டது? 1974
21. மகசேசே விருது பெற்ற முதல் இசைக்கலைஞர் யார்? எம்எஸ் சுப்புலட்சுமி
22. இந்திய மாமணி விருது  எம் எஸ் சுப்புலட்சுமிக்கு வழங்கப்பட்ட ஆண்டு எது? 1998
23. இந்தியாவின் மிக உயரிய விருது எது? இந்திய மாமணி
24. பொதுவெளியில் ஆடுவது தண்டனைக்குரிய குற்றம் எனும் சட்டம் இயற்றப்பட்டு இருந்த காலத்தில் நடன வாழ்வைத் தொடங்கியவர் யார்? பாலசரஸ்வதி
25. பாலசரஸ்வதி இந்திய அரசு வழங்கிய விருது எது? தாமரைச் செவ்வணி
26. சென்னையில் உள்ள சங்கீத சமாஜம் என்னும் அரங்கில் நடன நிகழ்ச்சியைப் பாலசரஸ்வதி தொடங்கியபோது வயது என்ன? 15
27. மரபுசார் நாட்டியத்தை பலரும் தீவிரமாக வரவேற்கக் காரணமாக இருந்தவர் யார்? பாலசரஸ்வதி
28. 'ஜன கண மன' பாடலை பாலசரஸ்வதி மெய்ப்பாடுகளுடன் எங்கெங்கு நடனமாடியுள்ளார்? கல்கத்தாவிலும் காசியிலும் நடந்த அனைத்திந்திய இசை மாநாடு மற்றும் சென்னையில் நடந்த இந்தியத் தேசியக் காங்கிரஸ் கண்காட்சி.
29. பரத நாட்டியத்திற்கு உலகளாவிய புகழைப் பெற்றுத் தந்தவர் யார்? பாலசரஸ்வதி
30. எந்தக் கலையை முறையாக அணுகினால் ஆன்மீகப் பட்டறிவை நடனத்தால் வழங்க முடியும்? பரதநாட்டியக் கலை
31. தமிழகத்தின் பெருமைக்குரிய கலைகளில் ஒன்றாகச் செவ்வியல் நடனம் திகழக் காரணமாக இருந்தவர் யார்? பாலசரஸ்வதி
32. தமிழில் எழுதிய பெண்களில் முதல் முதலில் களத்திற்குச் சென்று மக்களிடம் செய்திகளைத் திரட்டி கதைகள் எழுதியவர் யார்? ராஜம் கிருஷ்ணன்
33. ராஜம் கிருஷ்ணனின் சாகித்திய அகாதமி விருது பெற்ற நூல் எது? வேருக்கு நீர்
34. ராஜம் கிருஷ்ணன் எழுதிய பாரதியின் வரலாற்று புதினம் எது? பாஞ்சாலி சபதம் பாடிய பாரதி
35. தூத்துக்குடி உப்பளத் தொழிலாளர்களின் உவர்ப்பு வாழ்க்கையைச் சொல்லும் புதினம் எது? கரிப்பு மணிகள்
36. நீலகிரி படுகர் இன மக்களின் வாழ்வியல் மாற்றங்கள் குறித்து பதிவு செய்த புதினம் எது? குறிஞ்சித் தேன்
37. கடலோர மீனவர் வாழ்வின் சிக்கல்களை பேசும் புதினம் எது? அலைவாய்க் கரையில்
38. அமைப்புசாரா வேளாண் தொழிலாளர்களின் உழைப்பு சுரண்டப்படுவதைச் சுட்டிக்காட்டும் புதினங்கள் எவை? சேற்றில் மனிதர்கள், வேருக்கு நீர்
39. தீப்பெட்டித் தொழிலில் ஈடுபடும் குழந்தைத் தொழிலாளர்கள் பற்றிய புதினம் எது? கூட்டுக் குஞ்சுகள்
40. பெண் குழந்தைக் கொலைக்கான காரணங்களை ஆராய்ந்து எழுதப்பட்ட புதினம் எது? மண்ணகத்துப் பூந்துளிகள்
41. ராஜம் கிருஷ்ணனின் வேண்டுகோள் யாது? எழுத்துக்களில் நேர்மையான சினம், அறச்சீற்றம் இருக்க வேண்டும்.
42. மதுரையின் முதல் பட்டதாரி பெண் யார்? கிருஷ்ணம்மாள் ஜெகந்நாதன்
43. சுவீடன் அரசின் வாழ்வுரிமை விருது பெற்றவர் யார்? கிருஷ்ணம்மாள் ஜெகந்நாதன்
44. சுவிட்சர்லாந்து அரசின் காந்தி அமைதி விருது பெற்றவர் யார்? கிருஷ்ணம்மாள் ஜெகந்நாதன்
45. நாட்டின் விடுதலைக்கு முன்பு கல்வி மறுக்கப்பட்ட காலத்தில் போராடிக் கல்வி கற்றவர் யார்? கிருஷ்ணம்மாள் ஜெகந்நாதன்
46. உழுபவனுக்கே நிலம் உரிமை இயக்கம் தொடங்கியவர் யார்? கிருஷ்ணம்மாள் ஜெகந்நாதன்
47. "உங்களுடைய ஆற்றலை நீங்கள் உணருங்கள். உங்களால் எதையும் சாதிக்க இயலும்" என்பது யாருடைய கூற்று? கிருஷ்ணம்மாள் ஜெகந்நாதன்
48. காந்திய சிந்தனைகளால் ஈர்கப்பட்டு கணவருடன் பூதான இயக்கத்தில் இணைந்து பணிபுரிந்தவர் யார்? கிருஷ்ணம்மாள் ஜெகந்நாதன்
49. களஞ்சியம் என்பது யாது? மகளிர் சுய உதவிக் குழு
50. 2018இல் தமிழக அரசின் ஔவை விருது பெற்றவர் யார்? சின்னப்பிள்ளை
51. சின்னப்பிள்ளை இந்திய நாட்டின் முதன்மை அமைச்சரிடம் இருந்து பெற்ற விருது யாது? பெண் ஆற்றல் விருது

சங்க இலக்கியத்தில் அறம் 2 மதிப்பெண் வினாக்கள்

1. வெட்சித் திணை என்றால் என்ன?
   • மக்கள் சிறு சிறு குழுக்களாக வாழ்ந்த காலத்தில் ஆநிரைகளைச் சொத்தாக கருதினர்
   • ஒரு குழுவினரிடமிருந்து மற்றொரு குழுவினர் ஆநிரைகளைக் கவர்தல் வழக்கமாக இருந்தது
   • ஆநிரை கவர்ந்து வர வெட்சிப் பூவைச்சூடிக் கொண்டு செல்வர்
   • எனவே, ஆநிரை கவர்தல் வெட்சித்திணை எனப்பட்டது.
2. கரந்தைத் திணை என்றால் என்ன?
   1. கவர்ந்து செல்லப்பட்ட தன் ஆநிரைகளை மீட்கச் செல்லும்போது கரந்தைப் பூவைச் சூடிக்கொள்வர்
   2. அதனால் கரந்தைத்திணை என்று பெயர் பெற்றது
3. வஞ்சித் திணை என்றால் என்ன?
   1. மண் சொத்தாக மாறிய காலத்தில் மண்ணைக் கவர்தல் போராயிற்று
   2. மண்ணாசை காரணமாகப் பகைவர் நாட்டைக் கைப்பற்றக் கருதி வஞ்சிப் பூவைச் சூடிப் போருக்குச் செல்வது வஞ்சித் திணை ஆகும்.
4. காஞ்சித் திணை என்றால் என்ன?
   • தன் நாட்டைக் கைப்பற்ற வந்த மாற்றரசனோடு காஞ்சிப் பூவைச் சூடி எதிர்த்துப் போரிடல் காஞ்சித் திணை ஆகும்
5. நொச்சித் திணை என்றால் என்ன?
   • மண்ணைக் காக்க கோட்டைகள் கட்டப்பட்டன
   • கோட்டையைக் காத்தல் வேண்டி உள்ளிருந்தே முற்றுகையிட்ட பகை அரசனோடு நொச்சிப் பூவைச் சூடி உள்ளிருந்தே போரிடுவது நொச்சித் திணை
6. உழிஞைத் திணை என்றால் என்ன?
   • மாற்றார் அரசனின் கோட்டையைக் கைப்பற்ற உழிஞைப் பூவைச் சூடிய தன் வீரர்களுடன் அதனைச் சுற்றி வளைத்தல் உழிஞைத் திணையாகும்
7. தும்பைத் திணை என்றால் என்ன?
   1. பகை வேந்தர் இருவரும் வலிமையே பெரிது என்பதை நிலைநாட்ட தன் வீரர்களுடன் தும்பைப் பூவைச் சூடிப் போர்க்களத்தில் ஒருவரோடு ஒருவர் போரிடுவது தும்பைத்திணை
   2. போர்புரிகின்ற அரசர்கள் இருவரும் தும்பைப்பூ மாலையையே சூடி இருப்பார்கள்
8. வாகைத் திணை என்றால் என்ன?
   • போரிலே வெற்றி பெற்ற மன்னன் வாகைப் பூவைச் சூடி மகிழ்வது வாகைத் திணை
9. பாடாண் திணை என்றால் என்ன?
   • பாடுவதற்குத் தகுதி உடைய ஓர் ஆளுமையாளரின் கல்வி, வீரம், செல்வம், புகழ், கருணை முதலியவற்றைப் போற்றிப் பாடுவது பாடாண் திணை
10. பொதுவியல் திணை என்றால் என்ன?
    • வெட்சி முதல் பாடாண் வரை உள்ள புறத்திணைகளுள் பொதுவானவைப் பற்றியும் அவற்றுள் கூறப்படாதனவற்றையும் கூறுவது பொதுவியல் திணையாகும்.
11. பெருந்திணை என்றால் என்ன? பொருந்தாக் காமத்தைக் குறிப்பது பெருந்திணை ஆகும்
12. கைக்கிளை என்றால் என்ன? கைக்கிளை என்பது ஒருதலைக் காமம்.
13. வெட்சிப்பூ குறிப்பு வரைக
    1. அழகுச் செடியாக வீட்டுத் தோட்டங்களிலும் பூங்காக்களிலும் வளர்க்கப்படுகின்ற சிவந்த நிறமுடையது வெட்சிப் பூ
    2. இது இட்லிப்பூ என்று அழைக்கப்படுகிறது
14. கரந்தைப் பூ குறிப்பு வரைக
    1. சிறிய முட்டை வடிவில் கொத்தாகப் பூக்கக்கூடிய கரந்தை ஒரு சிறிய செடி
    2. இது செம்மை, நீலம், இளஞ்சிவப்பு, நீலம் கலந்த சிவப்பு ஆகிய நிறங்களில் பூக்கின்றது
    3. இதனைக் கொட்டைக்கரந்தை என்றும் கூறுவர்
15. வஞ்சிப் பூ குறிப்பு வரைக
    • பளபளப்பான மெல்லிய பூவின் இதழ்களில் வெள்ளிய பஞ்சு போன்ற நுண்மயிர் அடர்ந்து உள்ளது
16. காஞ்சிப் பூ குறிப்பு வரைக
    1. கொத்துக் கொத்தாகப் பூக்கும் நீல நிற மலர்கள் கொண்ட அழகான மணமுள்ள பூ
    2. இது ஒருவகைக் குறுமரம்
17. நொச்சிப் பூ குறிப்பு வரைக
    1. மருத நிலத்துக்குரிய நொச்சி கொத்து கொத்தான நீலநிற பூக்கள் கொண்டது
    2. இது மணி நொச்சி, கரு நொச்சி, மலை நொச்சி, வெள்ளை நொச்சி எனப் பல வகைகள் உள்ளன
18. உழிஞைப்பூ குறிப்பு வரைக
    1. வேலிகளில் ஏறிப் படரும் நீண்ட கொடி உழிஞைக்கொடி
    2. இதன் கூட்டிலைகளும் மலர்களும் சிறியவை
    3. மலர்கள் மஞ்சள் நிறத்தில் காணப்படும்
    4. இதனை முடக்கத்தான் எனக் கூறுகின்றனர்
19. தும்பைப்பூ குறிப்பு வரைக
    • எல்லா இடங்களிலும் வளரக்கூடிய தூய வெள்ளை நிற மலர்களைக் கொண்ட சிறிய செடி தும்பை.
20. வாகைப்பூ குறிப்பு வரைக
    1. மங்கிய வெள்ளை நிற நறுமணம் கொண்ட கொத்துக் கொத்தாக மலரும் பூ

சங்க இலக்கியத்தில் அறம் 2 மதிப்பெண் வினாக்கள்

1. மனிதன் அறத்தோடு வாழ வேண்டும்? ஏன்?
   1. மனிதன் தனியானவன் அல்லன்
   2. அவன் சமூகக் கடலின் ஒரு துளி
   3. அவனுக்குள்ளே சமூகம்- சமூகத்துக்குள்ளே அவன்
   4. மனிதன் எல்லாரோடும் எல்லாவற்றோடும் எவ்வளவுக்கெவ்வளவு தன்னை இணைத்துக் கொள்கிறானோ அவ்வளவுக்கவ்வளவு அவனுடைய மகிழ்ச்சி பெருகுகிறது
   5. இந்த மகிழ்ச்சிப் பெருக்கில் திளைக்க வேண்டும் என்றால் அனைத்தையும் ஊடுருவிச் செல்லும் பொதுவிதியான அறத்தை மனிதன் ஏற்க வேண்டும்.
2. அறநெறிக் காலம் என்றால் என்ன?
   1. சங்க காலத்திற்குப் பிந்தைய அற இலக்கியங்களின் காலத்தை அறநெறிக் காலம் என்பர்
   2. அறநெறிக் கால அறங்கள் சமயம் சார்ந்தவை
3. சங்க இலக்கிய அறங்கள் பற்றி எழுதுக
   1. சங்க இலக்கிய அறங்கள் இயல்பானவை
   2. சங்ககால வாழ்க்கையில் இருந்து உருவான அறங்களே சங்க இலக்கியத்தில் பதிவு பெற்றுள்ளன
   3. சங்க அறங்கள் சமயங்களிடமிருந்து இரவல் பெறப்பட்டவை அல்ல
4. அறத்தில் வணிக நோக்கம் கொள்ளாமை குறித்து எழுதுக
   1. அறம் செய்வதில் வணிக நோக்கம் இருக்கக் கூடாது என்பது சங்ககால மக்களின் கருத்து
   2. இப்பிறப்பில் அறம் செய்தால் அதன் பயனை மறுபிறப்பில் பெறலாம் என்ற வணிக நோக்கு கூடாது என்று கூறப்பட்டது
   3. "இம்மைச் செய்தது மறுமைக்கு ஆம் எனும் அறவிலை வணிகன் ஆஅய் அல்லன்" எனச் சங்ககால வள்ளல்களில் ஒருவரான ஆய் பற்றி ஏணிச்சேரி முடமோசியார் குறிப்பிட்டுள்ளார்
5. அரசியல் அறம் பற்றி எழுதுக
   1. அறநெறி முதற்றே அரசின் கொற்றம், அறநெறி பிழையாத் திறனறி மன்னர் என்பவை மன்னர்கள் அறநெறியின் அடிப்படையில் ஆட்சி செலுத்த வேண்டும் என்பதைக் குறிப்பிடுகின்றன.
   2. நீர்நிலை பெருக்கி நிலவளம் கண்டு உணவுப்பெருக்கம் காண்பதும் அதனை அனைவருக்கும் கிடைக்கச் செய்வதும் அரசனின் கடமை என்று சொல்லப்பட்டது.
   3. அறத்தின் அடிப்படையில் ஆராய்ந்து தண்டனை வழங்க வேண்டும் என்கிறார் ஊன்பொதிப் பசுங்குடையார்
6. அறங்கூறு அவையம் பற்றிக் கூறுக
   • "அறம் அறக்கண்ட நெறிமான் அவையம்" என்கிறது புறநானூறு
   • அறம் கூறும் மன்றங்கள் அரசனின் அறநெறி ஆட்சிக்குத் துணைபுரிந்தன
   • உறையூரில் இருந்த அற அவையம் தனிச்சிறப்புப் பெற்றது
   • மதுரையில் இருந்த அற அவையம் துலாக்கோல் போல நடுநிலை மிக்கது
7. சங்க இலக்கியத்தில் போர் அறம் பற்றி எழுதுக
   1. போர் அறம் என்பது வீரமற்றோர், புறமுதுகிட்டோர், சிறார், முதியோர் ஆகியோரை எதிர்த்துப் போர் செய்யாமையைக் குறிக்கிறது
   2. போரின் கொடுமையிலிருந்து பசு, பார்ப்பனர், பெண்கள், நோயாளர், புதல்வரைப் பெறாதவர் ஆகியோருக்குத் துன்பம் வராமல் போர் புரிய வேண்டும்
   3. தன்னை விட வலிமை குறைந்தாரோடு போர் செய்வது கூடாது
8. கொடைச் சிறப்பைப் பாடும் இலக்கியங்கள் எவை?
   1. சிறுபாணாற்றுப்படை
   2. பதிற்றுப்பத்து
   3. புறநானூறு
9. கொடைப் பெருமைகளாகப் பேசப்படுவன எவை?
   1. அரியன என்று கருதாது தயங்காது கொடுத்தல்
   2. ஈதலால் வரும் இழப்புக்கு வருந்தாமை
   3. நாள்தோறும் கொடுத்தல்
10. எவையேனும் 4 வள்ளல்களின் சிறப்பை எழுது
    1. வழங்குவதற்குப் பொருள் உள்ளதா? என்று கூடப் பார்க்காமல் கொடுப்பவன் பிடவூர்க் கிழான் மகன் பெருஞ்சாத்தன்
    2. உலகமே வறுமையுற்றாலும் கொடுப்பவன் அதியன்
    3. இரவலர் வராவிட்டாலும் அவர்களைத் தேடி வரவழைப்பவன் ஆடுகோட்பாட்டுச் சேரலாதன்
    4. மறுமை நோக்கி கொடுக்காதவன் பேகன்
    5. தன்னை நாடி வந்த பரிசிலன் பொருள் பெறாமல் திரும்புவது தன் நாட்டை இழந்த துன்பத்தை விடப் பெருந்துன்பம் தருவதாகக் கூறியவன் குமணன்
    6. எல்லாவற்றையும் கொடுப்பவன் மலையமான் திருமுடிக்காரி.
11. ஈதல் பற்றிக் கலித்தொகை கூறும் செய்தி யாது?
    1. ஈயாமை இழிவு
    2. இரப்போர்க்கு ஈயாது வாழ்வதைவிட உயிரை விட்டுவிடுதல் மேலானது
12. ஈதல் பற்றி நக்கீரர் கூறுவது யாது?
    • செல்வத்துப் பயனே ஈதல் துய்ப்பேம் எனினே தப்புந பலவே
13. பிறருக்கு உதவுதல் பற்றிச் சங்க இலக்கியங்கள் கூறுவன யாவை?
    1. "பிறர் நோயும் தம் நோய் போல் போற்றி அறன் அறிதல் சான்றவர்க்கு எல்லாம் கடன்" என்று கலித்தொகை கூறுகிறது
    2. உண்மையான செல்வம் என்பது பிறர் துன்பம் தீர்ப்பது தான் என்கிறது நற்றிணை
    3. 'உறவினர் கெட வாழ்பவனின் பொலிவு அழியும்' என்று பெருங்கடுங்கோ குறிப்பிடுகிறார்
14. வாய்மை பற்றிச் சங்க இலக்கியங்கள் கூறுவன யாவை?
    1. பொய்யாச் செந்நா, பொய்படுபறியா வயங்கு செந்நா என்று சங்க இலக்கியங்கள் கூறுகின்றன
    2. 'பிழையா நன்மொழி' என்று நற்றிணை குறிப்பிடுகிறது
    3. நிலம் புடை பெயர்ந்தாலும் பொய் சொல்லக்கூடாது என்று கூறுகிறது
    4. பொய்ச் சான்று கூறாமையும் வலியுறுத்தப்பட்டுள்ளது
15. சங்க இலக்கிய அறங்களின் தரம் எத்தகையது?
    1. இயல்பாக அறியும் அறம் முதல் தரமானது
    2. சங்க இலக்கியங்கள் அறங்கள் இயல்பான முதல்தரமான அறங்கள்
16. போதிதர்மர் குறிப்பு வரைக
    1. கிபி 6ஆம் நூற்றாண்டின் தொடக்கத்தில் காஞ்சி மாநகரத்துச் சிற்றரசர் ஒருவர் போதிதர்மர் என்னும் சமயப் பெயர் பூண்டு சீனாவுக்குச் சென்றார்
    2. பௌத்த சமயத் தத்துவத்தின் ஒரு பிரிவைப் போதித்தார். அதிலிருந்து உருவானதே ஜென் தத்துவம்
    3. இது பின்னர் ஜப்பான் முதலிய நாடுகளுக்கும் பரவிச் செழித்து விளங்கியது
    4. போதி தர்மருக்குச் சீனர்கள் கோவில் கட்டிச் சிலை வைத்து இன்றளவும் வணங்கி வருகின்றனர்

சங்க இலக்கியத்தில் அறம் ஒரு மதிப்பெண் வினாக்கள்

1. தமிழர்கள் இல்வாழ்க்கையை_________ஆகக் கொண்டனர்(அற வாழ்க்கை)
2. தமிழர் பொருள் ஈட்டி_______ செய்து இன்புற்றனர் (அறம்)
3. சங்ககாலத்தில் எதை மனித உறவின் மையமாக கொண்டிருந்தனர்?. (அறம்)
4. உலகே பரிசாகக் கிடைத்தாலும் எச்செயல்களைச் செய்ய மறுத்தவர், தமிழர்? பழி தரும் செயல்களை....
5. சமயக் கலப்பில்லாத மானிட அறம் இயல்பாக நிலவிய காலம் எது? சங்க காலம்
6. மனிதன் தனியானவன் அல்லன். அவன் சமூகக் கடலின் ஒரு _______(துளி)
7. மனிதன் எல்லாரோடும் எல்லாவற்றோடும் எவ்வளவுக்கெவ்வளவு தன்னை இணைத்துக் கொள்கிறானோ அவ்வளவுக்கவ்வளவு அவனுடைய______  பெருகுகிறது(மகிழ்ச்சி)
8. மனிதன் மகிழ்ச்சிப் பெருக்கில் திளைக்க வேண்டும் என்றால் அனைத்தையும் ஊடுருவிச் செல்லும் பொதுவிதியான _______ஐ மனிதன் ஏற்க வேண்டும்.(அறத்தை)
9. அனைத்தையும் ஊடுருவிச் செல்லும் பொது விதி எது? அறம்
10. அறநெறிக் காலம் என்பது எது? சங்க காலத்திற்குப் பிந்தைய அற இலக்கியங்களின் காலத்தை அறநெறிக் காலம் என்பர்.
11. அறநெறிக் கால அறங்கள் சமயம் சார்ந்தவை. ஆனால், சங்க இலக்கிய அறங்கள்______(இயல்பானவை)
12. "கவிதை வாழ்க்கையின் திறனாய்வு" என்று கூறியவர் யார்? திறனாய்வாளர் ஆர்னால்டு
13. சங்க அறங்கள் __________களிடமிருந்து இரவல் பெறப்பட்டவை அல்ல(சமயங்கள்)
14. அறம் செய்வதில்________ நோக்கம் இருக்கக் கூடாது(வணிக)
15. அறம் செய்வதில் வணிக நோக்கம் இருக்கக் கூடாது என்பது _______ மக்களின் கருத்தாக இருந்தது(சங்ககால)
16. இப்பிறப்பில் அறம் செய்தால் அதன் பயனை மறுபிறப்பில் பெறலாம் என்ற _______ நோக்கு கூடாது என்று கூறப்பட்டது.(வணிக)
17. "இம்மைச் செய்தது மறுமைக்கு ஆம் எனும் அறவிலை வணிகன் ஆஅய் அல்லன்"-என்று குறிப்பிடும் இலக்கியம் எது? புறநானூறு
18. "இம்மைச் செய்தது மறுமைக்கு ஆம் எனும் அறவிலை வணிகன் ஆஅய் அல்லன்"-என்று பாடியவர் யார்? ஏணிச்சேரி முடமோசியார்
19. "இம்மைச் செய்தது மறுமைக்கு ஆம் எனும் அறவிலை வணிகன் ஆஅய் அல்லன்"-என்ற பாடல் வரிகள் உணர்த்தும் கருத்து யாது? நோக்கம் இன்றி அறம் செய்வதே மேன்மை தரும்
20. மன்னர்களிடம் உள்ள செங்கோலும் வெண்கொற்றக் குடையும் எதன் குறியீடாகப் போற்றப்பட்டன? அறத்தின் குறியீடாகப் போற்றப்பட்டன
21. 'அறநெறி முதற்றே அரசின் கொற்றம்', 'அறநெறி பிழையாத் திறனறி மன்னர்' என்ற பாடல் வரிகள் எதனைச் சுட்டுகின்றன? மன்னர்களுடைய செங்கோலும் வெண்கொற்றக்குடையும் அறத்தின் குறியீடுகளாகப் போற்றப்பட்டன என்பதைக் காட்டுகின்றன.
22. அரசன் எதைப்போன்று நேரிய ஆட்சியை மேற்கொள்ளவேண்டும்? செங்கோல்
23. அரசனின் கடமை யாது? நீர்நிலை பெருக்கி நில வளம் கண்டு உணவுப்பெருக்கம் காண்பதும் அதனை அனைவருக்கும் கிடைக்கச் செய்வதும் அரசனின் கடமையாகச் சொல்லப்பட்டது.
24. எதன் அடிப்படையில் தண்டனை வழங்க வேண்டும்? அறத்தின் அடிப்படையில் ஆராய்ந்து தண்டனை வழங்க வேண்டும்
25. அறத்தின் அடிப்படையில் ஆராய்ந்து தண்டனை வழங்க வேண்டும் என்று பாடிய புலவர் யார்? ஊன்பொதிப் பசுங்குடையார்
26. நன்றும் தீதும் ஆய்தலும் அன்பும் அறனும் காத்தலும் அமைச்சர் கடமை என்று கூறும் இலக்கியம் எது? மதுரைக்காஞ்சி
27. "செம்மை சான்ற காவிதி மாக்கள்" என்று அமைச்சர்களைப் பாடுபவர் யார்? மாங்குடி மருதனார்
28. அரசனின் அறநெறி ஆட்சிக்குத் துணை புரிந்தவை எவை?அறம் கூறும் மன்றங்கள்
29. அறம் கூறு அவையம் பற்றி "அறம் அறக்கண்ட நெறிமான் அவையம்" என்று பாடும் இலக்கியம் எது? புறநானூறு
30. மதுரையில் இருந்த அற அவையம் பற்றிக் குறிப்பிடும் நூல் எது? மதுரைக்காஞ்சி
31. தனிச்சிறப்பு பெற்ற அற அவையம் எது? உறையூர் அற அவையம்
32. துலாக்கோல் போல நடுநிலை மிக்க அற அவையம் எது? மதுரை அற அவையம்
33. போர் அறம் என்பது யாது? வீரமற்றோர், புறமுதுகிட்டோர், சிறார், முதியோர் ஆகியோரை எதிர்த்துப் போர் செய்யாமையே போர் அறம் ஆகும்
34. போரின் கொடுமையிலிருந்து பசு, பார்ப்பனர், பெண்கள், நோயாளர், புதல்வரைப் பெறாதவர் ஆகியோருக்குத் தீங்கு வராமல் போர்புரிய வேண்டும் என்று கூறும் நூல் எது? புறநானூறு
35. தம்மை விட வலிமை குறைந்தாரோடு போர் செய்வது கூடாது என்று பாடியவர் யார்? ஆவூர் மூலங்கிழார்
36. "எறியார் எறிதல் யாவணது எறிந்தோர் எதிர்சென்று எறிதலும் செல்லான்" என்று பாடும் இலக்கியம் எது? புறநானூறு
37. எறியார் எறிதல் யாவணது எறிந்தோர் எதிர்சென்று எறிதலும் செல்லான்" என்று பாடிய புலவர் யார்? ஆவூர் மூலங்கிழார்
38. உண்மையான மகிழ்ச்சி எது? தன்னுடைய மகிழ்ச்சியை மறந்து மற்றவர் மகிழ்ச்சியை நாடுவதுதான் உண்மையான மகிழ்ச்சி.
39. ___________யை மறப்பது தான் மகிழ்ச்சி (தன் மகிழ்ச்சி)
40. "செல்வத்துப் பயனே ஈதல் துய்ப்பேம் எனினே தப்புந பலவே" என்று பாடிய புலவர் யார்? மதுரைக் கணக்காயனார் மகனார் நக்கீரனார்
41. "செல்வத்துப் பயனே ஈதல் துய்ப்பேம் எனினே தப்புந பலவே" என்று பாடும் என்ன நூல் எது? புறநானூறு
42. கொடையின் சிறப்பால் போற்றப்படும் வள்ளல்கள் எத்தனை பேர்? 7
43. வள்ளல்களின் கொடைப் பெருமையைப் பாடும் இலக்கியங்கள் எவை? சிறுபாணாற்றுப்படை, பெருஞ்சித்திரனார் பாடல்
44. ஆற்றுப்படை இலக்கியங்கள் _________இலக்கியங்களாகவே உள்ளன(கொடை)
45. பதிற்றுப்பத்து_______ அரசர்களில் கொடைப் பதிவாகவே உள்ளது (சேர)
46. "இல்லோர் ஒக்கல் தலைவன், பசிப்பிணி மருத்துவன்" என்று போற்றப்படுபவர் யாவர்? வள்ளல்கள்
47. வழங்குவதற்குப் பொருள் உள்ளதா என்று கூடப் பார்க்காமல் கொடுக்கும் வள்ளல் யார்? பிடவூர்க்கிழான் மகன் பெருஞ்சாத்தன்
48. பிடவூர்க் கிழான் மகன் பெருஞ்சாத்தனைப் பாராட்டுபவர் யார்? நக்கீரர்
49. "வள்ளலின் பொருள் இரவலனின் பொருள். வள்ளலின் வறுமை இரவலனின் வறுமை" என்று குறிப்பிடுவர் யார்? பெரும்பதுமனார்
50. உலகமே வறுமையுற்றாலும் கொடுப்பவன் யார்? அதியமான்
51. "உலகமே வறுமையுற்றாலும் கொடுப்பவன் அதியன்" என்று பாடியவர் யார்? அவ்வையார்
52. இரவலர் தேடி வராவிட்டாலும் அவர்களைத் தேடி வரவழைத்தல் யாருடைய இயல்பு? ஆடுகோட்பாட்டுச் சேரலாதன்
53. ஆடுகோட்பாட்டுச் சேரலாதனைப் பாடிய புலவர் யார்? நச்செள்ளையார்
54. மறுமை நோக்கிக் கொடுக்காதவன் யார்? பேகன்
55. "மறுமையை நோக்கிக் கொடுக்காதவன் பேகன்" என்று பாடியவர் யார்? பரணர்
56. "தன்னை நாடி வந்த பரிசிலன் பொருள் பெறாமல் திருப்புவது தன் நாட்டை இழந்த துன்பத்தை விட பெருந்துன்பம் தருகிறது" என்று வருந்தியவர் யார்? பெருந்தலைச் சாத்தனார்
57. பெருந்தலைச் சாத்தனாரைப் பாடிய புலவர் யார்? குமணன்
58. எல்லாவற்றையும் கொடுப்பவன் யார்?மலையமான் திருமுடிக்காரி
59. "எல்லாவற்றையும் கொடுப்பவன் மலையமான் திருமுடிக்காரி" என்று பாடிய புலவர் யார்? கபிலர்
60. "ஈயாமை இழிவு, இரப்போர்க்கு ஈயாது வாழ்தலை விட உயிரை விட்டு விடுதல் மேலானது" என்று பாடும் நூல் எது? கலித்தொகை
61. தாம் பெற்றதைப் பிறருக்கு வழங்கிய புலவர் யார்? பெருஞ்சித்திரனார்
62. தாம் பெற்றதைப் பிறருக்கு வழங்கும் பெருஞ்சித்திரனாரின் பேருள்ளத்தைப் பலப்படுத்தும் இலக்கியம் எது? புறநானூறு
63. உதவி செய்தலை ஈழத்துப் பூதன்தேவனார் எவ்வாறு குறிப்பிடுகிறார்? உதவியாண்மை
64. "பிறர் நோயும் தம் நோய் போல் போற்றி அறன் அறிதல் சான்றவர்க்கு எல்லாம் கடன்" என்று கூறும் இலக்கியம் எது? கலித்தொகை
65. கலித்தொகையை பாடியவர் யார்? நல்லந்துவனார்
66. "பிறர் நோயும் தம் நோய் போல் போற்றி அறன் அறிதல் சான்றவர்க்கு எல்லாம் கடன்" என்று பாடியவர் யார்? நல்லந்துவனார்
67. "உண்மையான செல்வம் என்பது பிறர் துன்பம் தீர்ப்பது தான்" என்று பாடியவர் யார்? நல்வேட்டனார்
68. சான்றோர் செல்வம் என்பது சேர்ந்தோர் புன்கண் அஞ்சும் பண்பின் மென்கண் செல்வஞ் செல்வமென் பதுவே என்று பாடும் இலக்கியம் எது? நற்றிணை
69. "உறவினர் கெட வாழ்பவனின் பொலிவு அழியும்" என்று பாடியவர் யார்? பெருங்கடுங்கோ
70. செல்வம் என்பது சிந்தையின் நிறைவு___________(நிறைவு)
71. நிறைவடைகிறவனே செல்வன் என்று கூறுவது எது? சீன நாட்டுத் தாவோவியம்
72. பிறருக்கு உதவாமல் மனிதத்திற்குக் கொடும்பாவி கட்டுவது _____காலத்தில் இல்லை.(சங்க)
73. ______________ சிறந்த அறமாகச் சங்க இலக்கியங்கள் பேசுகின்றன. (வாய்மையை)
74. வாய்மை பேசும் நாவே உண்மையான நா என்ற கருத்தை வலியுறுத்தும் வரிகள் யாவை? பொய்யா செந்நா, பொய்படுபறியா வயங்கு செந்நா
75. _______ ஓர் அதிசயத் திறவுகோல் என்பார்கள்(நாக்கு)
76. இன்பத்தின் கதவைத் திறப்பதும் துன்பத்தின் கதவைத் திறப்பதும் எது? நாக்கு
77. ______ பேசும் நா மனிதனை உயர்த்துகிறது. (மெய்)
78. ______ பேசும் நா மனிதனைத் தாழ்த்துகிறது(பொய்)
79. 'பிழையா நன்மொழி' என்று வாய்மை பற்றிக் குறிப்பிடும் நூல் எது? நற்றிணை
80. நிலம் புடை பெயர்ந்தாலும் ____ சொல்லக்கூடாது(பொய்)
81. தாம் சிந்திக்காமல் பிறர் சொல்ல அறியும் அறம்  _______தரமானது(மூன்றாம்)
82. சிந்தித்து அறிந்து கொள்ளும் அறம்  _______தரமானது (இரண்டாம்)
83. இயல்பாக அறியும் அறம்  ______தரமானது (முதல்)
84. சங்க இலக்கியங்கள் காட்டும் அறங்கள் இயல்பான _______ தரமான அறங்கள்.(முதல்)
85. போதிதர்மர் எந்த நூற்றாண்டில் சீனாவிற்குச் சென்றார்? 6
86. போதிதர்மர் சீனாவில் எந்தத் தத்துவத்தைப் போதித்தார்? பவுத்த சமயத் தத்துவத்தின் ஒரு பிரிவு
87. ஜென் தத்துவம் உருவாகக் காரணமானவர் யார்? போதிதர்மர்
88. போதிதர்மர் யார்? கிபி ஆறாம் நூற்றாண்டில் வாழ்ந்த காஞ்சி மாநகரத்துச் சிற்றரசர்
89. போதி தர்மருக்கு சீனர்கள் செய்த கைம்மாறு என்ன? போதி தர்மருக்குச் சீனர்கள் கோவில் கட்டிச் சிலை வைத்து இன்றளவும் வணங்கி வருகின்றனர்.
90. ஜென் தத்துவம் எதிலிருந்து உருவானது? போதி தர்மரின் தத்துவப் போதனையில் இருந்து...

புறப்பொருள் இலக்கணம் 1 mark

புறப்பொருள் இலக்கணம் ஒரு மதிப்பெண் வினாக்கள்

1. வெட்சி என்பது யாது? ஆநிரை கவர்தல்
2. கரந்தை என்பது யாது? ஆநிரை மீட்டல்
3. வஞ்சி என்பது யாது? மண்ணாசை கருதிப் போருக்குச் செல்வது
4. காஞ்சி என்பது யாது? மாற்று அரசனோடு எதிர்த்து போரிடுவது
5. நொச்சி என்பது யாது? மதில் காத்தல்
6. உழிஞை என்பது யாது? கோட்டையை சுற்றி வளைத்தல்
7. தும்பை என்பது யாது? வீரர்கள் ஒருவரோடு ஒருவர் போரிடுவது
8. வாகை என்பது யாது? வெற்றி பெற்ற மன்னன் வாகைப் பூவைச் சூடி மகிழ்வது
9. பாடாண்திணை என்பது யாது? ஆண்மகனைப் புகழ்ந்து பாடுவது
10. பொதுவியல்திணை என்பது யாது? வெட்சி முதல் பாடாண்திணை வரை சொல்லாத செய்திகளைப் பொதுவாகக் கூறுவது
11. கைக்கிளை என்பது யாது? ஒருதலைக் காமம்
12. பெருந்திணை என்பது யாது? பொருந்தாக் காமம்
13. இட்லிப் பூ எனப்படுவது எது? வெட்சிப் பூ
14. கரந்தையின் வேறு பெயர் என்ன? கொட்டைக்கரந்தை
15. பஞ்சு போன்ற நுண்மயிர் உடைய பூ எது? வஞ்சி
16. முடக்கத்தான் பூ என்பது எது? உழிஞை
17. வெண்ணிற மலர்களைக் கொண்ட சிறிய செடி எது? தும்பை
18. கொத்துக் கொத்தாகப் பூக்கும் நீல நிற, மணம் உள்ள பூ எது? காஞ்சிப் பூ
19. கொத்துக் கொத்தாகப் பூக்கும் நீல நிற மருதநிலப் பூ எது? நொச்சி
20. கொத்துக் கொத்தாகப்பூக்கும் மங்கிய வெள்ளை நிறப் பூ எது? வாகை