- சாகும்போதும் தமிழ்படித்துச் சாகவேண்டும் எந்தன் சாம்பலும் தமிழ் மணந்து வேகவேண்டும் என்று பாடியவர் சச்சிதானந்தன்
- கனிச்சாறு பாடியவர் பாவலரேறு பெருஞ்சித்திரனார்
- பாவலரேறு பெருஞ்சித்திரனார் எழுதிய இதழ்கள் தென்மொழி தமிழ்ச்சிட்டு
- பாவலரேறு பெருஞ்சித்திரனாரின் இயற்பெயர் துரை. மாணிக்கம்
- உலகியல் நூறு என்னும் நூலை எழுதியவர் பாவலரேறு பெருஞ்சித்திரனார்
- பாவியக் கொத்து என்னும் நூலை எழுதியவர் பாவலரேறு பெருஞ்சித்திரனார்
- நூறாசிரியம் எனும் நூலை எழுதியவர் பாவலரேறு பெருஞ்சித்திரனார்
- எண்சுவை எண்பது என்ற நூலை எழுதியவர் பாவலரேறு பெருஞ்சித்திரனார்
- மகபுகுவஞ்சி என்னும் நூலை எழுதியவர் பாவலரேறு பெருஞ்சித்திரனார்
- பள்ளிப்பறவைகள் என்னும் நூலை எழுதியவர் பாவலரேறு பெருஞ்சித்திரனார்
- திருவள்ளுவர் தவச்சாலை அமைத்தவர் தமிழ்த்திரு ரா இளங்குமரனார்
- இமைகளை மூடியபடியே எழுதும் ஆற்றலை கற்றுக் கொண்டவர் இளங்குமரனார்
- தமிழ்வழி திருமணங்களை நடத்தி வருபவர் இளங்குமரனார்
- திருவள்ளுவர் தவச்சாலை அமைந்துள்ள இடம் திருச்சிக்கு அருகிலுள்ள அல்லூர்
- சொல் ஆராய்ச்சியில் பாவாணர் வியந்த பெருமகனார் இளங்குமரனார்
- இலக்கண வரலாறு என்னும் நூலை எழுதியவர் இளங்குமரனார்
- தமிழிசை இயக்கம் என்னும் நூலை எழுதியவர் இளங்குமரனார்
- தனித்தமிழ் இயக்கம் என்னும் நூலை எழுதியவர் இளங்குமரனார்
- பாவாணர் வரலாறு என்னும் நூலை எழுதியவர் இளங்குமரனார்
- குண்டலகேசி உரை என்னும் நூலை எழுதியவர் இளங்குமரனார்
- யாப்பருங்கலம் உரை என்னும் நூலை எழுதியவர் இளங்குமரனார்
- புறத்திரட்டு உரை நூலை எழுதியவர் இளங்குமரனார்
- திருக்குறள் தமிழ் மரபுரை எழுதியவர் இளங்குமரனார்
- காக்கைபாடினியம் உரை எழுதியவர் இளங்குமரனார்
- தேவநேயம் என்னும் நூலை எழுதியவர் இளங்குமரனார்
- உலகத்திலேயே ஒரு மொழிக்காக உலக மாநாடு நடத்திய நாடு மலேசியா
- மொழி ஞாயிறு எனப்படுபவர் தேவநேயப்பவாணர்
- செந்தமிழ் சொற்பிறப்பியல் அகரமுதலித் திட்ட இயக்குனராக பணியாற்றியவர் தேவநேயப்பவாணர்
- உலகத் தமிழ் கழகத்தை நிறுவியவர் தேவநேயப் பாவாணர்
- கடல் கடந்து அச்சேறிய முதல் இந்திய மொழி தமிழ்
- கடல் கடந்து அச்சேறிய முதல் தமிழ் நூல் கார்டிலா
- கார்டிலா அச்சேறிய ஆண்டு 1554
- கார்டிலா எந்த நாட்டில் மொழிபெயர்க்கப்பட்டது? போர்ச்சுக்கல்
- சந்தக்கவிமணி தமிழழகனாரின் இயற்பெயர் சண்முகசுந்தரம்
- முதல் தமிழ் கணினி வெளிவந்த நாள் 1983 செப்டம்பர்
- முதல் தமிழ் கணினியின் பெயர் திருவள்ளுவர்
- உவமையும் பொருளும் வேற்றுமை அறிவித்து ஒன்றென மாட்டின் அது உருவகம் ஆகும் என்று எழுதியவர் தண்டி
- குறிஞ்சி மலர் எழுதியவர் நா பார்த்தசாரதி
- எடுத்துக்காட்டு உவமை அணியை உரைநடையில் பயன்படுத்துவது இணை ஒப்பு
- மழையும் புயலும் எழுதியவர் ராமசாமி
- தமிழ்தென்றல் எனப்படுபவர் thiru.vi.ka
- சொல்லின் செல்வர் ரா பி சேதுப்பிள்ளை
- உண்மையில் முரண்படாத மெய்மைகளைச் செல்வது முரண்படு மெய்மை
- எதிரும் புதிரும் முரண்படும் கருத்துகளை சொல்வது எதிரிணை இசைவு
- புதிய உரைநடை என்னும் நூலை எழுதியவர் எழில்முதல்வன்
- எழில் முதல்வனின் இயற்பெயர் இராமலிங்கம்
- எழில் முதல்வன் எழுதி சாகித்திய அகடமி விருது பெற்ற நூல் புதிய உரைநடை
- தென்னவன் சிறுமலை எங்கு உள்ளது? திண்டுக்கல் மாவட்டத்தின் சிறுமலை
- மரமது மரத்தில் ஏறி மரம் அதைத் தோளில் வைத்து என்னும் கவிதை பாடியவர் சுந்தர கவிராயர்
- தேனிலே ஊறிய செந்தமிழின் சுவை தேறும் சிலப்பதிகாரம் எனும் பாடலை பாடியவர் கவிமணி தேசிய விநாயகம்
- தேனினும் இனிய நற் செந்தமிழ் மொழியே என்று பாடியவர் நமச்சிவாயர்
- நாம் ஏன் தமிழ் கற்க வேண்டும் என்னும் நூலை எழுதியவர் முனைவர் சேதுமணி மணியன்
- தவறின்றித் தமிழ் எழுதுவோம் எனும் நூலை எழுதியவர் மா நன்னன்
- பச்சை நிழல் எனும் நூலை எழுதியவர் உதயசங்கர்.
- வாயுதாரணை என்னும் அதிகாரம் எழுதியவர் அவ்வையார்
- கிழக்கு என்பதன் பெயர் குணக்கு
- கிழக்கிலிருந்து வீசும் காற்று கொண்டல்
- மேற்கு என்பதன் பெயர் குடக்கு
- கிழக்கிலிருந்து வீசும் காற்று மழையைத் தரும்
- மேற்கிலிருந்து வீசும் காற்று வெப்பத்தை தரும்
- வடக்கிலிருந்து வீசும் காற்று வாடைக்காற்று
- தெற்கில் இருந்து வீசும் காற்று தென்றல் கற்று
- ஊதைக்காற்று எனப்படுவது வடக்கிலிருந்து வீசும் காற்று
- வண்டொடு புக்க மணவாய்த் தென்றல் என்று பாடும் இலக்கியம் சிலப்பதிகாரம்
- நந்தமிழும் தண்பொருநை நன்னதியும் சேர் பொருப்பில்-என்று பாடியவர் பலபட்டடைச் சொக்கநாதப் புலவர்
- பத்மகிரி நாதர் தென்றல் விடு தூது பாடியவர் பலபட்டடைச் சொக்கநாதப் புலவர்
- நளியிரு முந்நீர் நாவாய் ஓட்டி வளிதொழில் ஆண்ட உரவோன் மருக என்று பாடும் நூல் புறநானூறு
- வளிதொழில் ஆண்ட உரவோன் கரிகாலச்சோழன்
- ஹிப்பாலஸ் என்பவர் கிரேக்க மாலுமி
- ஹிப்பாலஸ் அவர்களின் காலம் முதலாம் நூற்றாண்டு
- வளிதொழில் ஆண்டவன் கரிகாலன் என்று பாடியவர் வெண்ணிக் குயத்தியார்
- வளி மிகின் வலி இல்லை என்று பாடியவர் ஐயூர் முடவனார்
- காற்று மாசுபடுவதால் குழந்தைகளின் மூளை வளர்ச்சியை குறைவதாக அறிவித்துள்ள நிறுவனம் ஐக்கிய நாடுகளின் சிறுவர் நிதியம்
- உலக காற்று நாள் ஜூன் 15
- குளோரோ புளோரோ கார்பன் ஒரு மூலக்கூறு ஒரு லட்சம் ஓசோன் மூலக்கூறுகளை சிதைத்துவிடும்
- மென் துகிலாய் உடல் வருடி வாஞ்சையுடன் மனம் வருடி- என்று பாடியவர் தேவகோட்டை மூர்த்தி
- தாய்லாந்து மன்னரின் முடிசூட்டு விழாவில் பாடப்படும் பாடல்கள் திருவெம்பாவை திருப்பாவை
- நீடுதுயில் நீக்கப் பாடிவந்த நிலா பாரதியார்
- சிந்துக்கு தந்தை பாரதியார்
- எட்டயபுரத்து ஏந்தல் பாரதியார்
- பாரதியார் இந்தியா சுதேசமித்திரன் முதலிய இதழ்களின் ஆசிரியராக பணியாற்றியவர்
- முல்லைப்பாட்டு பாடியவர் நப்பூதனார்
- முல்லைப் பாட்டில் உள்ள பாடல் அடிகள் 103
- பத்துப்பாட்டில் குறைந்த அடிகளை உடைய நூல் முல்லைப்பாட்டு
- புயலுக்கு பெயர் வைக்கும் நடைமுறை உருவான ஆண்டு 2000
- கஜா என்ற பெயரை தந்த நாடு இலங்கை
- பெய்ட்டி என்ற பெயர் தந்த நாடு தாய்லாந்து
- கொரியாலிஸ் விளைவை கண்டறிந்தவர் காஸ்பார்ட் குஸ்டாவ்
- கொரியாலிஸ் விளைவு கண்டுபிடிக்கப்பட்ட ஆண்டு 1835
- ஆஸ்திரேலியாவின் கிழக்குக் கரை ஹவாய் தீவுகளை தாக்கும் புயல்கள் வலம்புரி புயல்கள்
- அமெரிக்காவை ஜப்பானை சீனாவை தாக்கும் புயல்கள் இடம்புரி புயல்கள்
- வங்க கடலில் வீசும் புயல்கள் இடம்புரி புயல்கள்
- புலம்பெயர்ந்த தமிழர்கள் பற்றிய முதல் புதினம் புயலிலே ஒரு தோணி
- புயலிலே ஒரு தோணி என்னும் புதினம் எழுதியவர் சிங்காரம்
- சிங்காரம் பிறந்த ஊர் சிவகங்கை மாவட்டம் சிங்கம்புணரி
- பல் பழப் பலவின் பயங்கெழு கொல்லி என்ற பாடல் வரிகள் இடம்பற்றுள்ள நூல் அகநானூறு
- அதோ அந்த பறவை போல என்ற நூலை எழுதியவர் முகமது அலி
- உலகின் மிகச்சிறிய தவளை என்ற நூலை எழுதியவர் எஸ் ராமகிருஷ்ணன்
- தொல்லோர் சிறப்பின் விருந்தெதிர் கோடலும் இழந்த என்னை என்ற பாடல் வரிகள் இடம் பெற்றுள்ள நூல் சிலப்பதிகாரம்
- உண்டால் அம்ம இவ்வுலகம் இந்திரர் அமிழ்தம் இயைவதாயினும் என்ற பாடல் இடம்பெற்றுள்ள நூல் புறநானூறு
- உண்டால் அம்ம இவ்வுலகம் என்னும் பாடலை பாடியவர் கடலுள் மாய்ந்த இளம்பெருவழுதி
- பொருந்து செல்வமும் கல்வியும் பூத்தலால் என்ற பாடல் வரிகள் இடம் பெற்றுள்ள நூல் கம்பராமாயணம்
- விருந்தினரும் வறியவரும் நெருங்கி யுண்ண மேன்மேலும் முகம் மலரும் மலர் போல என்ற பாடல் வரிகள் இடம் பெற்றுள்ள நூல் கலிங்கத்துப் பரணி
- அல்லில் ஆயினும் விருந்து வரின் உவக்கும் என்னும் பாடல் இடம்பெற்றுள்ள நூல் நற்றிணை
- ஏழடி நடந்து சென்று வழி அனுப்பும் செய்தி இடம் பெற்றுள்ள நூல் பொருநராற்றுப்படை
- குரல் உணங்கு விதை திணை உரல் வாய்ப்பெய்து என்னும் பாடல் இடம்பெற்றுள்ள நூல் புறநானூறு
- நெருநை வந்த விருந்திற்கு மற்றுத் தன் இரும்புடைப் பழவாள் வைத்தனன் என்ற பாடல் இடம்பெற்றுள்ள நூல் புறநானூறு
- விதைத்து விட்டு வந்த நெல்லை அரித்து சமைத்து விருந்து படைத்தவர் இளையான்குடி மாறநாயனார்
- நெய்தல் நிலத்தை வருபவர்களை வரவேற்று குழல் மீன் கறியும் பிறவும் கொடுத்தனர் என்று பாடும் நூல் சிறுபாணாற்றுப்படை
- காலின் ஏடிப் பின்சென்று என்ற பாடும் நூல் பொருநராற்றுப்படை
- மறுக்க மறுக்க பரிமாறப்பட்ட கூடுதல் இட்லியில் நீண்டு கொண்டிருந்தது பிரியங்களின் என்று பாடியவர் அம்சப்ரியா
- பலர் புகு வாயில் அடைப்பக் கடவுநர் உளீரோ என்று பாடும் நூல் குறுந்தொகை
- மருந்தே ஆயினும் விருந்தோடு உண் என்று பாடும் நூல் கொன்றை வேந்தன்
- வரகரிசிச் சோறும் வழுதுணங்காய் வாட்டும் என்று பாடியவர் அவ்வையார்
- வாழை இலை விருந்து விழா கொண்டாடப்படும் இடம் அமெரிக்காவின் மினசோட்டா
- இட்டதோர் தாமரைப் பூ இதழ் விரித்திருத்தல் போல என்று பாடியவர் பாரதிதாசன்
- காசிக்காண்டம் பாடியவர் அதிவீரராம பாண்டியர்
- அதிவீரராம பாண்டியர் கொற்கையின் அரசர்
- அதிவீரராம பாண்டியர் பாடிய மற்றொரு நூல் வெற்றிவேற்கை
- அதிவீரராம பாண்டியரின் வேறு பெயர் சீவல மாறன்
- நைடதம் பாடியவர் அதிவீரராம பாண்டியர்
- லிங்க புராணம் பாடியவர் அதிவீரராம பாண்டியர்
- திருக்கருவை அந்தாதி பாடியவர் அதிவீரராம பாண்டியர்
- வாயுசம்கிதை பாடியவர் அதிவீரராம பாண்டியர்
- கூர்ம புராணம் பாடியவர் அதிவீரராம பாண்டியர்
- ஒப்புடன் முகம் மலர்ந்தே உபசரித்து உண்மை பேசி என்ற பாடல் இடம்பெறும் நூல் விவேக சிந்தாமணி
- மலைபடுகடாம் என்ற நூலின் வேறுபெயர் கூத்தர்ஆற்றுப்படை
- மலைபடுகடாம் நூலில் இடம்பெற்றுள்ள பாடலடிகள் 583
- மலைபடுகடாம் நன்னனை பற்றிப் பாடுகிறது
- மலைபடுகடாமைப் பாடியவர் இரணிய முட்டத்துப் பெருங்குன்றூர்ப் பெருங்கௌசிகனார்
- கி ராஜநாராயணனுக்கு முன்பு எழுத தொடங்கியவர் அழகிரிசாமி
- கரிசல் இலக்கியத்தை நிலைநிறுத்தியவர் ராஜநாராயணன்
- கோபல்லபுரத்து மக்கள் சாகித்ய அகாடமி விருது பெற்ற ஆண்டு 1991
- கறங்கு இசை விழவின் உறந்தை என்று பாடும் நூல் அகநானூறு
- கி ராஜநாராயணனின் ஊர் கோவில்பட்டி இடைசெவல்
- சிறுவர் நாடோடிக் கதைகள் எழுதியவர் கி ராஜநாராயணன்
- ஆறாம்திணை எழுதியவர் மருத்துவர் கு சிவராமன்
- செயற்கை நுண்ணறிவு கணினி வாட்சன் வெளியானஆண்டு 2016
- இலா ஒரு உரையாடு மென்பொருள்
- இலா பாரத் ஸ்டேட் வங்கியின் உரையாடும் மென்பொருள்
- பெப்பர் சாப்ட் வங்கி உருவாக்கிய இயந்திர மனிதன்
- வித்துவக்கோட்டு இறைவன் உய்யவந்த பெருமாள்
- வித்துவக்கோடு கேரள மாநிலத்தின் பாலக்காடு மாவட்டத்தில் உள்ளது
- பெருமாள் திருமொழி பாடியவர் குலசேகர ஆழ்வார்
- பெருமாள் திருமொழியில் 150 பாடல்கள் உள்ளன
- பெருமாள் திருமொழியில் நாலாயிரத் திவ்வியப் பிரபந்தத்தில் முதல் ஆயிரத்தில் உள்ளது
- குலசேகர ஆழ்வாரின் காலம் ஐந்தாம் நூற்றாண்டு
- பெருமாள் திருமொழி நாலாயிர திவ்ய பிரபந்தத்தில் ஐந்தாம் திருமொழியாக உள்ளது
- அண்டப் பகுதியின் உண்டைப் பிறக்கம் என்று பாடியவர் மாணிக்கவாசகர்
- பரிபாடலில் 70 பாடல்கள் உள்ளன
- பரிபாடலில் 24 பாடல்கள் மட்டுமே கிடைக்கப் பெற்றுள்ளன
- பெரியார் அறிவியல் தொழில்நுட்ப கழகம் நிறுவப்பட்ட ஆண்டு 1988
- பெரியர் அறிவியல் தொழில்நுட்ப கழக கோளரங்கத்தில் 360 பாகை அரைவட்ட வானத்திரை அமைக்கப்பட்ட ஆண்டு 2009
- தற்காலத்தின் ஐன்ஸ்டைன் ஸ்டீபன் ஹாக்கிங்
- ஸ்டீபன் ஹாக்கிங் பிரபஞ்சத்தை இயக்கும் ஆற்றலாக கடவுள் என்ற ஒருவரை கட்டமைக்க வேண்டியதில்லை என்றார்
- கருந்துளை கோட்பாட்டை உருவாக்கியவர் ஜான் வீலர்
- உல்ஃப் விருது பெற்றவர் ஸ்டீபன் ஹாக்கிங்
- காப்ளி பதக்கம் பெற்றவர் ஸ்டீபன் ஹாக்கிங்
- கலிலியோவின் நினைவுநாளில் பிறந்து ஐன்ஸ்டைனின் பிறந்தநாளில் இறந்தவர் ஸ்டீபன் ஹாக்கிங்
- தலைவிதியை நம்புபவர்களை பார்த்தால் எனக்கு சிரிப்புதான் வருகிறது என்றவர் ஸ்டீபன் ஹாக்கிங்
- 2012 ஒலிம்பிக் விளையாட்டுப் போட்டியின் தொடக்க விழா நாயகர் ஸ்டீபன் ஹாக்கிங்
- 60வது பிறந்தநாளை போயிங் 727 விமானத்தில் கொண்டாடியவர் ஸ்டீபன் ஹாக்கிங்
- காலத்தின் சுருக்கமான வரலாறு 40 மொழிகளில் மொழிபெயர்க்கப்பட்டது
- காலத்தின் சுருக்கமான வரலாறு வெளிவந்த ஆண்டு 1988
- அறிவை விட மிக முக்கியமானது கற்பனைத்திறன் என்றவர் ஐன்ஸ்டைன்
- கடும்பகட்டு யானை நெடுந்தேர்க் கோதை திருமா வியல் நகர் கருவூர் முன்துறை என்ற பாடல் இடம்பெறும் நூல் அகநானூறு
- பஞ்ச பூதங்களின் அறிவியல் கதைகள் எழுதியவர் நீலமணி
- அன்றாட வாழ்வில் அறிவியல் எனும் நூலை எழுதியவர் தமிழ்ச்செல்வன்
- உன் மொழியில் உணர்த்தப்பட்டதை வேறு ஒரு மொழியில் வெளியிடுவது மொழிபெயர்ப்பு என்றவர் மணவை முஸ்தபா
- உலக நாகரிக வளர்ச்சிக்கும் பொருளியல் மேம்பாட்டிறகும் மொழிபெயர்ப்பு ஒரு காரணமாகும் என்றவர் ஜகந்நாதராஜா
- சங்க காலத்தில் மொழிபெயர்ப்பு இருந்ததற்கான சான்று சின்னமனூர்ச் செப்பேடு
- மொழிபெயர்த்தல் என்ற தொடர் தொல்காப்பியத்தில் காணப்படுகிறது
- மொகு சாஸ்ட்டு என்ற தொடரின் பொருள் விடை தர அவகாசம் வேண்டும்
- வால்காவிலிருந்து கங்கை வரை என்ற நூலை எழுதியவர் ராகுல் சாங்கிருத்தியாயன்
- வால்காவிலிருந்து கங்கை வரை என்ற நூல் எழுதப்பட்ட ஆண்டு 1942
- வால்காவிலிருந்து கங்கை வரை என்ற நூலை கணமுத்தையா தமிழில் மொழிபெயர்த்த ஆண்டு 1949
- வால்காவிலிருந்து கங்கை வரை என்ற நூலை டாக்டர் என் ஸ்ரீதர் மொழிபெயர்த்த ஆண்டு 2016
- முத்து மீனாட்சி வால்காவிலிருந்து கங்கை வரை என்ற நூலை 2016 ஆண்டு மொழிபெயர்த்தார்
- 2018 ஆம் ஆண்டு வால்காவிலிருந்து கங்கை வரை என்ற நூலை மொழி பெயர்த்தவர் யூமா வாசுகி
- காசினியில் இன்று வரை அறிவின் மன்னர் கண்டுள்ள கலைகள் எல்லாம் தமிழில் எண்ணி பேசி மகிழ வேண்டும் என்று குறிப்பிடுபவர் குலோத்துங்கன்
- மாணிக்கவாசகர் பிள்ளைத்தமிழ் ஓலைச்சுவடி இருக்கும் இடம் பிரான்சு தேசிய நூற்கூடம்
- செய்கு தம்பி பாவலர் சதாவதானி பட்டம் பெற்ற இடம் சென்னை விக்டோரியா அரங்கம்
- செய்குத்தம்பி பாவலர் சதாவதானி பட்டம் பெற்ற நாள் 1907 மார்ச் 10
- செய்கு தம்பிப் பாவலரின் ஊர் கன்னியாகுமரி மாவட்டம் இடலாக்குடி
- திருவிளையாடல் புராணத்தில் 3 காண்டங்கள் 64 படலங்கள் உடையது
- பரஞ்சோதி முனிவரின் காலம் கிபி பதினேழாம் நூற்றாண்டு
- பரஞ்சோதி முனிவர் வேதாரண்ய புராணம் பாடியுள்ளார்
- திருவிளையாடல் போற்றிக் கலிவெண்பா பாடியவர் பரஞ்சோதி முனிவர்
- மதுரை பதிற்றுப்பத்தந்தாதி பாடியவர் பரஞ்சோதி முனிவர்
- மோசிகீரனாருக்கு கவரி வீசிய மன்னர் தகடூர் எறிந்த பெருஞ்சேரல் இரும்பொறை
- உனக்குப் படிக்கத் தெரியாது என்ற நூலைப் படைத்தவர் கமலாலயன்
- கமலாலயனின் இயற்பெயர் குணசேகரன்
- கொற்கைக் கோமான் கொற்கை அம் பெருந்துறை என்ற பாடல் இடம்பெற்றுள்ள நூல் ஐங்குறுநூறு
- ஒடுக்கப்பட்ட கல்வி மறுக்கப்பட்ட சமூகங்களின் குரலாக இருந்த அமெரிக்க கருப்பின பெண்மணி மேரி மெக்லியோட் பெத்யூன்
- சிறந்த சிறுகதைகள் பதின்மூன்று என்ற நூலை எழுதியவர் வல்லிக்கண்ணன்
- குட்டி இளவரசன் என்ற நூலை எழுதியவர் ஸ்ரீராம்
- ஆசிரியரின் டைரி என்ற நூலை எழுதியவர் அகிலா
- தேவர் ஆட்டத்தில் 13 கலைஞர்கள் ஆடுவர்
- தெருக்கூத்தை தமிழ் கலையின் முக்கிய அடையாளம் ஆக்கியவர் முத்துச்சாமி
- கலை ஞாயிறு என்று அழைக்கப்படுபவர் முத்துசாமி
- நாடகக் கலையை மீட்டெடுப்பது தமது குறிக்கோள் என்றவர் முத்துசாமி
- ராஜ சோழன் தெரு உள்ள ஊர் மலேசிய தலைநகர் கோலாலம்பூர்
- கவிஞர் உமா மகேஸ்வரி மதுரை மாவட்டத்தில் பிறந்தவர்
- நட்சத்திரங்களின் நடுவே என்ற நூலை எழுதியவர் உமா மகேஸ்வரி
- வெறும் பொழுது என்ற நூலை எழுதியவர் உமா மகேஸ்வரி
- கற்பாவை என்ற கவிதை நூலை எழுதியவர் உமா மகேஸ்வரி
- குமரகுருபரரின் காலம் கிபி பதினேழாம் நூற்றாண்டு
- கந்தர் கலிவெண்பா பாடியவர் குமரகுருபரர்
- மீனாட்சி அம்மைப் பிள்ளைத் தமிழைப் பாடியவர் குமரகுருபரர்
- மதுரைக் கலம்பகம் பாடியவர் குமரகுருபரர்
- சகலகலாவல்லிமாலை பாடியவர் குமரகுருபரர்
- நீதிநெறி விளக்கம் பாடியவர் குமரகுருபரர்
- திருவாரூர் மும்மணிக்கோவை பாடியவர் குமரகுருபரர்
- தக்கையின் மீது நான்கு கண்கள் என்ற சிறுகதைத் தொகுப்பை எழுதியவர் கந்தசாமி
- சாயாவனம் எழுதியவர் கந்தசாமி
- விசாரணைக் கமிஷன் என்ற நூலுக்கு சாகித்ய அகாடமி விருது பெற்றவர் கந்தசாமி
- சுடுமண் சிலைகள் என்ற குறும்படத்திற்கு அனைத்துலக விருது வென்றவர் கந்தசாமி
- தொலைந்து போனவர்கள் எழுதியவர் கந்தசாமி
- சூரியவம்சம் எழுதியவர் கந்தசாமி
- சாந்தகுமாரி எழுதியவர் கந்தசாமி
- ஓங்கு இரும் பரப்பின் வங்க ஈட்டத்து தொண்டியோர் என்ற பாடல் வரிகள் இடம் பெற்றுள்ள நூல் சிலப்பதிகாரம்
- சிறு நண்டு மணல் மீது படம் ஒன்று கீறும் என்று பாடியவர் மகாகவி
- திருக்குறள் நீதி இலக்கியம் பாடியவர் திருநாவுக்கரசு
- நாட்டார் கலைகள் எழுதியவர் பெருமாள்
- ம பொ சி பிறந்த ஆண்டு 1906
- படாஸ்கர் ஆணையம் திருத்தணி வரை உள்ள நிலத்தை மீட்டது
- பணிக்கர் ஆணையம் சித்தூரை ஆந்திராவுக்கு வழங்கியது
- வள்ளலார் கண்ட ஒருமைப்பாடு சாகித்திய அகாடெமி விருதை வென்ற ஆண்டு 1966
- கு ப ராஜகோபாலன் பிறந்த ஊர் கும்பகோணம்
- அகலிகை என்ற நூலை எழுதியவர் குப ராஜகோபாலன்
- ஆத்ம சிந்தனை என்ற நூலை எழுதியவர் கூபா ராஜகோபாலன்
Sunday, May 15, 2022
பொதுத்தமிழ்
Wednesday, April 27, 2022
மெல்லக் கற்போருக்கான நெடுவினாக்கள்
தமிழின் சொல்வளம்பற்றியும் புதிய சொல்லாக்கத்திற்கான தேவை குறித்தும் தமிழ் மன்றத்தில் பேசுவதற்கான உரைக்குறிப்புகளை எழுதுக.
- தமிழ் சொல் வளம் உடையது.
- அடி வகையில் மட்டும் தாள், தண்டு, கோல், தூறு, தட்டை, கழி, கழை, அடி என்ற சொற்கள் உள்ளன.
- இதேபோன்று கிளைப்பிரிவுகள், இலை வகைகள், கொழுந்து வகைகள், பூவின் நிலைகள், பிஞ்சு வகைகள், குலை வகைகள், கெட்டுப்போன காய்கனி வகைகள், மணி வகை, இளம் பயிர் வகை என்று ஏராளமான தமிழ்ச் சொற்கள் உள்ளன.
- தமிழ் மொழி வளர்ந்து வரும் மொழியாகும்.
- புதுமையான கண்டுபிடிப்புகளுக்கு நிகரான தமிழ்ச் சொற்கள் உருவாக்கப்பட வேண்டும். இல்லையெனில் காலப்போக்கில் தமிழ் மொழி வழக்கொழிந்து விடும்.
அன்னமய்யா என்னும் பெயருக்கும் அவரின் செயலுக்கும் உள்ள பொருத்தப்பாட்டினை 'கோபல்லபுரத்து மக்கள்' கதைப் பகுதி கொண்டு விவரிக்க.
- அன்னமய்யா சன்னியாசி ஒருவன் தடுமாறி வருவதைக் கவனிக்கிறான்.
- அவன் அருகில் சென்று நீ யார் எனக் கேட்கிறான். அவன் குடிக்கத் தண்ணீர் கேட்டதும் அவனை அழைத்து வருகிறான்.
- அவனுக்கு நீச்சுத் தண்ணியைக் கலயத்தில் ஊற்றிக் கொடுக்கிறான். சன்னியாசி அதை வாங்கிக் குடித்துவிட்டுத் தூங்கி விடுகிறான்.
- அன்னமய்யா அவனை, "ஒரு தாய் குழந்தையைப் பார்ப்பது போல" பார்க்கிறான்.
- கண் விழித்த சன்னியாசி "உனது பெயர் என்ன?" என்று கேட்கிறான். அன்னமிட்டவனின் பெயர் 'அன்னமய்யா' என்பதை அறிந்து பெயர்ப் பொருத்தத்தை எண்ணி வியக்கிறான்.
'சந்தக் கவிதையில் சிறக்கும் கம்பன்' என்ற தலைப்பில் இலக்கிய உரை எழுதுக. அன்பும் பண்பும் குணச்சித்திரம் கொண்ட தலைவர் அவர்களே! தேர்ந்தெடுத்த பூக்கடை போன்று வரிசை தொடுத்து அமர்ந்திருக்கும் சான்றோர்களே! அறிஞர் பெருமக்களே! வணக்கம். இயற்கை கொலுவீற்றிருக்கும் காட்சியைப் பெரிய கலை நிகழ்வே நடப்பதான தோற்றமாகக் கம்பன் கவி காட்டுகிறது. தண்டலை மயில்கள் ஆட....
இவ்வுரையைத் தொடர்க!
- கல்வியில் உயர் கம்பன், கம்பன் வீட்டுக் கட்டுத்தறியும் கவிபடும் என்பார்கள்.
- மேகங்கள் மத்தளம் வாசிக்க,
- மயில்கள் ஆட,
- வண்டுகள் பாட,
- தாமரை மலர்கள் விளக்குகள் ஏந்த,
- குவளை மலர்கள் கண்விழித்துப் பார்க்க,
- இக்காட்சியை அங்குள்ள நீர்நிலைகள் படம் பிடித்துக் காட்டுகின்றன.
- இராமனுடன் இலக்குவன் மற்றும் சீதை நடந்து செல்கின்றனர்.
- இராமனின் மேனியிலிருந்து வரும் ஒளியில் கதிரவனின் ஒளி மங்குகிறது.
- அவனை "மை, மரகதம், மறிகடல், மழைமுகில்" என்றெல்லாம் பாராட்டி இறுதியில் "ஐயோ! இவன் வடிவு என்பது அழியா அழகு!" என்று நிறைவு செய்கிறார் கம்பர்.
பாடப் பகுதியில் இடம் பெற்றுள்ள மெய்க்கீர்த்திப் பாடலில் நயத்தை விளக்குக.
- ஒன்றின் இருப்பால் மற்றொன்று இல்லை என்னும் படியாக, மெய்கீர்த்திப் பாடல் பின்வரும் கருத்துக்களை விளக்குகிறது.
- யானைகள் மட்டுமே பிணிக்கப்படுகின்றன. மக்கள் பிணிக்கப்படுவதில்லை.
- கால்சிலம்புகளே புலம்புகின்றன. மக்கள் புலம்புவதில்லை.
- ஓடைகள் மட்டுமே கலங்குகின்றன. மக்கள் கலங்குவதில்லை.
- ஆற்றுநீரே அடைக்கப்படுகின்றது. மக்கள் சிறையில் அடைக்கப் படுவதில்லை.
- மாங்காய்கள் மட்டுமே வடுப்படுகின்றன. மக்கள் வடுப்படுவதில்லை.
- மலர்கள் மட்டுமே பறிக்கப்படுகின்றன. மக்களின் உரிமைகள் பறிக்கப்படுவது இல்லை.
- காடுகள் மட்டுமே கொடிகளை உடையனவாய் உள்ளன. மக்களில் கொடியவர் எவரும் இல்லை.
- வண்டுகள் மட்டுமே கள் உண்கின்றன. மக்கள் கள் உண்பதில்லை.
- மலை மூங்கில்களில் மட்டுமே வெறுமை உள்ளது. மக்களிடம் வறுமை இல்லை.
- வயலில் நெற்கதிர்கள் மட்டுமே போராக எழுகின்றன. நாட்டில் போர் இல்லை.
- மலைகளில் மட்டுமே இருள் சூழ்ந்து இருக்கின்றது. மக்களிடம் வெறுமை இல்லை.
- இளம் மான்களின் கண்கள் மட்டுமே மருள்கின்றன. மக்கள் மருள்வதில்லை.
- குளத்து மீன்கள் மட்டுமே பிறழ்ந்து செல்கின்றன. மக்கள் நெறிதவறி நடப்பதில்லை.
- செவிலித்தாயரே சினம் காட்டுவர். வேறு யாரும் சினம் கொள்வதில்லை.
- புலவர் பாட்டில் மட்டுமே பொருள் மறைந்து இருக்கும். மக்கள் யாரும் பொருளை மறைத்து வைப்பதில்லை.
- இசைப்பாணரே தெருவில் கூடி ஆடிப் பாடுவர். தேவையற்று வேறு யாரும் ஆடிப் பாடுவதில்லை. இராசராசன் நாட்டின் இயல்பு இது.
குறிப்புகளைக் கொண்டு ஒரு பக்க அளவில் நாடகம் எழுதுக.
மாணவன் - கொக்கைப் போல, கோழியைப் போல - உப்பைப் போல - இருக்க வேண்டும் கொக்கு காத்திருந்து கிடைக்கும் வாய்ப்பைப் பயன்படுத்திக்கொள்ளும் - குப்பையைக் கிளறினாலும் தனது உணவை மட்டுமே எடுத்துக்கொள்ளும் கோழி - கண்ணுக்குத் தெரியாவிட்டாலும் உப்பின் சுவையை உணர முடியும் - ஆசிரியர் விளக்கம் - மாணவன் மகிழ்ச்சி.
நாடகம்:மாணவன் எப்படி இருக்க வேண்டும்?
கதைக்களம்: தத்துவமேதை சாக்ரடீஸ் அவர்களின் வீடு
கதைமாந்தர்கள்: சாக்ரடீஸ், அவரது மாணவர்
(சாக்ரடீஸிடம், அவருடைய மாணவன் ஒருவன் வந்தான்).
மாணவன்: ஐயா, மாணவன் எப்படி இருக்க வேண்டும்?
சாக்ரடீஸ்: மாணவன் என்பவன், கொக்கைப்போல இருக்க வேண்டும். கோழியைப் போல இருக்க வேண்டும். உப்பைப் போல இருக்க வேண்டும். உன்னைப்போல இருக்க வேண்டும்.
மாணவன்: ஒன்றும் புரியவில்லை ஐயா. கொஞ்சம் விளக்கமாகச் சொல்லுங்கள் ஐயா.
சாக்ரடீஸ்: கொக்கு, ஒற்றைக் காலில் நீண்டநேரம் பொறுமையாக நிற்கும். மீன்கள் வந்தவுடன் விரைந்து செயல்பட்டுப் பிடித்துவிடும். அதுபோல, ஒரு மாணவன் சரியான வாய்ப்புக் கிடைக்கும்போது அதைப் பயன்படுத்தி, அரிய செயல்களைச் செய்ய வேண்டும்.
மாணவன்: கோழியைப்போல இருக்க வேண்டும் என்றீர்களே அதற்கு என்ன அர்த்தம்?
சாக்ரடீஸ்: கோழி என்ன செய்யும்? குப்பையைக் கிளறும். ஆனால், அந்தக் குப்பைகளை விட்டுவிட்டு தனக்குத் தேவையான உணவை மட்டும் எடுத்துக்கொள்ளும்.
அதுபோல, மாணவர்கள் தாம் சந்திக்கும் தீமைகளைத் தூரம் தள்ளி விட்டு, நன்மைகளை மட்டும் எடுத்துக்கொள்ள வேண்டும்.
மாணவன்: அடுத்தது, உப்பைப்போல இருக்க வேண்டும் என்றீர்களே…
சாக்ரடீஸ்: ஆமாம். உப்பை எந்த உணவோடு கலக்கினாலும், அது இருக்கிறது என்று கூற முடியும். ஆனால், கலக்கிய உணவில் உப்பு கண்ணுக்குத் தெரியாது. அதன் சுவையை மட்டுமே உணர முடியும்.
அதுபோல, மாணவர்கள் எந்தத் துறையில் இறங்கினாலும் அதில் சிறப்பான தனித்தன்மையை வெளிப்படுத்தி, தனது மறைவுக்குப் பின்னும் அதை இவர்தான் செய்தார் என்று கூறும்படி விளங்க வேண்டும்.
மாணவன்: எல்லாம் சரி, உன்னைப் போல இருக்க வேண்டும் என்றீர்களே… அதற்கு என்ன அர்த்தம்?
சாக்ரடீஸ்: மாணவன் என்பவன் தனக்குள் எழக்கூடிய சந்தேகங்களை, எந்தவிதத் தயக்கமும் இல்லாமல் ஆசிரியரிடம் கேட்டுத் தெளிவு பெற வேண்டும். அதற்காகத்தான் உன்னைப்போல இருக்க வேண்டும் எனச் சொன்னேன்.(புன்னகை பூக்கிறார்)
(அந்த மாணவன் மகிழ்ச்சியுடன் அவரை வணங்கினான்.)
கிரேக்க தத்துவமேதையான சாக்ரடீஸ் கூறிய 'மாணவன் எப்படி இருக்க வேண்டும்?' என்பதை அறிந்து கொண்டீர்களா? அவருடைய அறிவுரைகளைப் பின்பற்றி நடந்து கொள்ளுங்கள்
மொழியை ஆள்வோம் அனைத்து இயல்களும்
மொழியை ஆள்வோம்
சந்தக் கவிதையில் வந்த பிழைகளைத் திருத்துக.
"தேணிலே ஊரிய செந்தமிழின் - சுவை
தேரும் சிலப்பதி காறமதை
ஊனிலே எம்முயிர் உல்லலவும் - நிதம்
ஓதி யுனர்ந்தின் புருவோமே"
திருத்தம்:
"தேனிலே ஊறிய செந்தமிழின் - சுவைதேறும் சிலப்பதி காரமதைஊனிலே எம்முயிர் உள்ளளவும் - நிதம்ஓதி யுணர்ந்தின் புறுவோமே"
கீழ்க்காணும் சொற்களின் கூட்டப்பெயர்களைக் கண்டுபிடித்து எழுதுக.
(குவியல், குலை, மந்தை, கட்டு)
1) சொல்: கல்
கூட்டப்பெயர்: குவியல்
2) சொல்:புல்
கூட்டப்பெயர்:கட்டு
3) சொல்: பழம்
கூட்டப்பெயர்: குலை
வினைமுற்றை வினையாலணையும் பெயராக மாற்றித் தொடர்களை இணைத்து எழுதுக.
1. கலையரங்கத்தில் எனக்காகக் காத்திருக்கிறார். அவரை அழைத்து வாருங்கள்.
கலையரங்கத்தில் எனக்காகக் காத்திருக்கிறவரை அழைத்து வாருங்கள்
2. ஊட்டமிகு உணவு உண்டார். அவர் நீண்ட வாழ்நாள் பெற்றார்.
ஊட்டமிகு உணவு உண்டவர் நீண்ட வாழ்நாள் பெற்றார்
3. நேற்று என்னைச் சந்தித்தார். அவர் என் நண்பர்.
நேற்று என்னைச் சந்தித்தவர் என் நண்பர்
4. பொது அறிவு நூல்களைத் தேடிப் படித்தார். போட்டித் தேர்வில் வென்றார்.
பொது அறிவு நூல்களைத் தேடிப் படித்தவர் போட்டித் தேர்வில் வென்றார்.
தொடர்களில் உள்ள வண்ணச் சொற்களுக்குப் பதிலாக அதே பொருளுடைய வேறுசொற்களைப் பயன்படுத்தித் தொடர்களை மீள எழுதுக.
1. உலகில் வாழும் மக்களில் சிலர் கனியிருக்கக் காய் புசித்தலைப்போல, இன்சொல் இருக்க வன்சொல் பேசி இன்னற்படுகின்றனர்.
ஞாலத்தில் வாழும் மாந்தர்களில் சிலர் பழமிருக்கக் காய் உண்ணுதலைப்போல, இன்சொல் இருக்க வன்சொல் பேசி இன்னற்படுகின்றனர்.
2. வள்ளல் குமணன் வறுமையால் வாடிவந்த புலவனுக்குத் தனது தலையைக் கொடுத்து மங்காப்புகழ் பெற்றான்.
வள்ளல் குமணன் இன்மையால் வாடிவந்த பாவலனுக்குத் தனது தலையை அளித்து மங்கா இசை பெற்றான்
3. நளனும் அவனது துணைவியும் நிடதநாட்டுக்கு வந்ததைக் கண்டு, அந்நாட்டு மக்கள் மழைமுகில் கண்ட மஞ்ஞை போலக் களி கொண்டனர்.
நளனும் அவனது மனைவியும் நிடதநாட்டுக்கு வந்ததைக் கண்டு, அந்நாட்டு மக்கள் மழைமேகம் கண்ட மயில் போலக் மகிழ்ச்சி கொண்டனர்.
4. சோலையிற் பூத்த மணமலர்களில் சுரும்புகள் மொய்த்துப் பண்பாடி மதுவுண்டன.
பூங்காவில் பூத்த மணமலர்களில் வண்டுகள் மொய்த்துப் பண்பாடி தேனுண்டன
5. பசுப்போல் சாந்தமும் புலிபோல் தீரமும் யானை போல உழைப்பும் மனிதனுக்கு வேண்டும்.
ஆ போல் அமைதியும் வேங்கைபோல் வலிமையும் களிறு போல உழைப்பும் மனிதனுக்கு வேண்டும்
மொழியை ஆள்வோம்! இயல் 2
பக்கம் 45
சொற்களில் மறைந்துள்ள தொகைகளை அடையாளம் கண்டு தொடரில் அமைக்க
இன்சொல், எழுகதிர், கீரி பாம்பு, பூங்குழல் வந்தாள், மலை வாழ்வார், முத்துப்பல்
எ.கா. இன்சொல்-பண்புத்தொகை-இனிமையான சொல் கூறுதல் சான்றோர்க்கு அழகு
1) எழுகதிர்- வினைத்தொகை
எழுந்த கதிர், எழுகின்ற கதிர், எழும் கதிர்- காலம் கரந்த பெயரெச்சம்- ஆதலின் இது வினைத்தொகை ஆயிற்று.
எழு- ஏவல் வினை
தொடர்: எழுகதிரைத் தொழுதெழ இன்பங்கூடுமடி பாப்பா!
2) கீரிபாம்பு- உம்மைத்தொகை
கீரியும் பாம்பும்- இதில் ‘உம்’ மறைந்து வந்துள்ளதால் உம்மைத்தொகை ஆயிற்று.
கீரியும் பாம்பும் சண்டையிட்டுக் கொண்டன.
3) பூங்குழல் வந்தாள்- அன்மொழித்தொகை
பூப்போன்ற கூந்தலை உடைய பெண் ஒருத்தி வந்தாள்- இதில் போன்ற, உடைய பெண் ஒருத்தி ஆகிய சொற்கள் மறைந்து வந்துள்ளன. இத்தொடரில் அல்லாத சொற்கள் மறைந்து வந்துள்ளதால் இது அன்மொழித்தொகை ஆயிற்று.
தொடர்: பூப்போன்ற குழலை உடைய பெண் வந்தாள்
4) மலை வாழ்வார்- ஏழாம் வேற்றுமைத்தொகை
மலையின்கண் வாழ்வார்- ஏழாம் வேற்றுமை உருபு மறைந்து வந்துள்ளதால் இது ஏழாம் வேற்றுமைத் தொகை ஆகும்.
தொடர்: மலையின்கண் வாழும் மலைவாழ் மக்கள் இயற்கையோடு இயைந்த வாழ்க்கை நடத்தினர்.
5) முத்துப்பல்- உவமைத்தொகை
முத்து போன்ற பல்- இதழ் ‘போன்ற’ என்னும் உவம உருபு மறைந்து வந்துள்ளது. எனவே இது உவமைத்தொகை ஆயிற்று.
தொடர்: முருகப்பெருமானின் முத்துப்பல் ஒளி வீசியது.
பக்கம் 46
செய்திகளைப் படித்து வினாக்களுக்கு விடை எழுது
பூக்களைப் பற்றிய அரிய இலக்கியச் செய்திகள்
பூ உண்டு. ஆனால் கண்ணிற்குக் காட்சி தராமல் காண்டற்கு அரியனவாய் இருக்கும் மலர்கள்: மாலைமலர்; பலா மலர்.
மலர் உண்டு; பெயரும் உண்டு; ஆனால் இது தான் அது என்று உறுதியாக அறிய இயலாதுள்ள நிலையில் இருக்கும் மலர்கள்: சுள்ளி மலர், பாங்கர் மலர்.
அகவிதழ் முதலிய உறுப்புகளில் இருந்து அவை புறத்தே காட்சிப்படாமல் உள்ளேயே பொதிந்திருக்கும் மலர்கள்: அத்தி, ஆலம், கொழிஞ்சி, பலா.
பயன்பாடு, நாற்றம், மக்களது விருப்பில் இடம் பெறாமை, பொதுவில் ஒதுக்கப்பட்டமை கொண்டு மலரில் சில எளியவை ஆகின்றன. அவையாவன: நெருஞ்சி, எருக்கு, பூளை, குரீஇப்பூளை, வேளை, ஊமத்தம், கள்ளி, முருங்கை.
இலுப்பைப் பூக்கள் இனிப்பானவை. கரடிகள் மரத்தின் மீதேறி அவற்றைப் பறித்து உண்ணும். பாதிரிப் பூக்கள் குடிநீருக்குத் தன் மணத்தை ஏற்றும். மூங்கில் பூவில் காய் தோன்றிக் கனியாகி அதிலிருந்து ஒரு வகை அரிசி தோன்றும். இது மூங்கில் அரிசி எனப்படும்.
1) மலர் உண்டு; பெயரும் உண்டு- இரண்டு தொடர்களையும் ஒரு தொடராகக்குக.
விடை: மலரும், மலருக்குப் பெயரும் உண்டு
2) அரும்பாகி மொட்டாகிப் பூவாகி…. என்பதை ஒத்து அமைந்துள்ள தொடரை கண்டறிக.
விடை: காய் தோன்றிக் கனியாகி….
3) நீங்கள் அறிந்த இழப்புக்களின் பெயர்களையும் பயன்களையும் எழுதுக.
- பாதிரிப்பூ குடிநீருக்குத் தன் மணத்தை ஏற்றும்.
- கள்ளிப்பூ இறைவழிபாட்டிற்கு உரியது.
4) அரிய மலர்- இலக்கணக் குறிப்புத் தருக.
குறிப்புப் பெயரெச்சம்
5) தொடரில் பொருந்தாப் பொருள்தரும் மயங்கொலி எழுத்துக்களைத் திருத்துக.
இலுப்பைப் பூக்கள் இனிப்பானவை. கரடிகள் மறத்தின் மீதேறி அவற்றைப் பரித்து உண்ணும். பாதிரிப்பூ குடிநீருக்குத் தன் மனத்தை ஏற்றும்.
விடை:
இலுப்பைப் பூக்கள் இனிப்பானவை. கரடிகள் மரத்தின் மீதேறி அவற்றைப் பறித்து உண்ணும். பாதிரிப்பூ குடிநீருக்குத் தன் மணத்தை ஏற்றும்.
மொழியை ஆள்வோம் இயல் 4
பக்கம் 95
வல்லின ஒற்றை இட்டும் நீக்கியும் எழுதுக
காகத்திற்கு காது உண்டா? அதற்கு காது கேட்குமா?
எல்லா பறவைகளுக்கும் காது உண்டு. செவி துளைகள் இறகுகளால் மூடி இருக்கும். மற்றப்படி பாலூட்டிகளில் உள்ளது போல் புறசெவிமடல் இருக்காது. காகத்திற்கு காது உண்டு. காதுக் கேட்கும்.
பறவைகளுக்கு பார்த்தல் கேட்டல் உணர்வு நன்றாக வளர்ச்சிப் பெற்று இருக்கும். சுவைத்தல் உணர்வுக் குறைவாகவும் நுகர்தல் உணர்வு இல்லையென்றேக் கூறலாம்.
யுரேகா! யுரேகா! – அறிவியல் வெளியீடு
திருத்தம்
- காகத்திற்குக் காது உண்டா? அதற்குக் காது கேட்குமா?
- எல்லாப் பறவைகளுக்கும் காது உண்டு. செவித்துளைகள் இறகுகளால் மூடியிருக்கும். மற்ற(ப்)படி பாலூட்டிகளில் உள்ளதுபோல் புறச்செவிமடல் இருக்காது. காகத்திற்குக் காது உண்டு. காது(க்) கேட்கும்.
- பறவைகளுக்குப் பார்த்தல், கேட்டல் உணர்வு நன்றாக வளர்ச்சி(ப்) பெற்று இருக்கும். சுவைத்தல் உணர்வு(க்) குறைவாகவும் நுகர்தல் உணர்வு இல்லையென்றே(க்) கூறலாம்.
அடைப்புக் குறிக்குள் உள்ளவற்றை நீக்க வேண்டும். புரிதலுக்காக அடைப்புக் குறிக்குள் நீக்கப்பட வேண்டிய எழுத்துக்கள் தனியாகக் காட்டப்பட்டுள்ள
பக்கம் 9
கொடுக்கப்பட்டுள்ள இரு சொற்களைப் பயன்படுத்தி ஒரு தொடர் அமைக்க
அ) இயற்கை- செயற்கை
பாதை தெரியாத இயற்கைக் காடுகளில் பயணிக்கச் செயற்கைக் கருவிகள் பயன்படுகின்றன
ஆ) கொடு- கோடு
கோடு போட உன்னுடைய அளவுகோலைக் கொடு.
இ) கொள்- கோள்
பூமிக்கோள் மட்டுமே உயிரினங்கள் வாழ ஏற்ற சூழலைக் கொண்டிருக்கின்றது
ஈ) சிறு- சீறு
சீறும் பாம்பைக் கண்டதும் சிறுவன் நடுங்கினான்.
உ) தான்-தாம்
அவர்கள் தாமே செய்ய வேண்டிய செயல்களைக் கூட என்னிடம்தான் ஒப்படைத்தார்கள்.
ஊ) விதி- வீதி
விதியை நொந்து வீதியில் அலையாதே!
பத்தியைப் படித்துப் பதில் தருக.
பருப்பொருள்கள் சிதறும்படியாகப் பல ஊழிக்காலங்கள் கடந்து சென்றன. புவி உருவானபோது நெருப்புப் பந்துபோல் விளங்கிய ஊழிக்காலம் தோன்றியது. பின்னர்ப் பூமி குளிரும்படியாகத் தொடர்ந்து மழை பொழிந்த ஊழிக் காலம் கடந்தது. அவ்வாறு தொடர்ந்து பெய்த மழையால் புவி வெள்ளத்தில் மூழ்கியது. இப்படி மீண்டும் மீண்டும் சிறப்பாகியஆற்றல் மிகுந்து செறிந்து திரண்டு இப்படியாக (வெள்ளத்தில் மூழ்குதல்) நடந்த இந்தப் பெரிய உலகத்தில் உயிர்கள் வாழ்வதற்கு ஏற்ற சூழலாகிய உள்ளீடு தோன்றியது. உயிர்கள் தோன்றி நிலைபெறும்படியாக இப்பெரிய புவியில் ஊழிக் காலம் கடந்தது
1) பத்தியில் உள்ள அடுக்கு தொடர்களை எடுத்து எழுதுக.
விடை: மீண்டும் மீண்டும்
2) புவி ஏன் வெள்ளத்தில் மூழ்கியது?
தொடர்ந்து பெய்த மழையால் பூமி வெள்ளத்தில் மூழ்கியது.
3) பெய்த மழை- இத்தொடரை வினைத்தொகையாக மாற்றுக.
பெய்மழை
4) இப்பத்தி உணர்த்தும் அறிவியல் கொள்கை யாது?
பெருவெடிப்புக் கொள்கை
5) உயிர்கள் வாழ்வதற்கு ஏற்ற சூழலாக நீவீர் கருதுவன யாவை?
நிலம், நீர், காற்று, நெருப்பு, ஆகாயம் ஆகியவை அடங்கிய சூழலே உயிர்கள் வாழ்வதற்கு ஏற்றதாகும்.
பழமொழிகளை நிறைவு செய்க
1. உப்பில்லாப்______________
பண்டம் குப்பையிலே!
2. ஒரு பானை _______________
சோற்றுக்கு ஒரு சோறு பதம்.
3) உப்பிட்டவரை ______________
உள்ளளவும் நினை.
4) விருந்தும் ___________
மருந்தும் மூன்று நாளைக்குத்தான்.
5) அளவுக்கு___________
மீறினால் அமிர்தமும் நஞ்சு.
பத்தியைப் படித்துக் கருத்தை சுருக்கி எழுதுக
பழைய சோறு
பச்சை நெல் வயலைக் கண்கள் முழுவதும் சுமந்து, இள நெல்லை நுகர்ந்து, அதன் பாலை ருசித்து, நீராவியில் அந்த நெல் அவியும் கதகதப்பான புழுங்கல் மணம் வரை சுவைத்தவள் நான்.
அவித்து, காய்ந்து, குத்திய அந்தப் புழுங்கல் அரிசியை, அதன் வழவழப்பை, கடுப்பு மணத்தை, சோறாக்கும் முன் கை நிறைய அள்ளி வாயில் போட்டு நெரித்து மென்றவள் சொல்கிறேன். பகலெல்லாம் உச்சி வெயிலுக்கு அது சுடச்சுடப் புழுங்கல் அரிசிச் சோறு. இரவு முழுவதும் அந்தச் சோறு நீரில் ஊறும். விடிந்த இந்தக் காலையில் அதன் பெயர் பழைய சோறு அல்லது பழையது. காத்திருந்து, சின்ன வெங்காயம், பச்சைமிளகாய், கடித்து நீராகாரம் போல் குடிப்பது ஒருவகை. வாழை இலையில் அந்தப் பழைய சோற்றைப் பிழிந்து போட்டால், வடுமாங்காய் அல்லது உப்பு நாரத்தங்காய் அதனுடன் சேர்ந்து கொள்ள துடிப்பது இன்னொரு வகை. சுண்ட வைத்த முதல் நாள் குழம்பு இன்னும் உச்சம்! நல்லது பழையது மாம்பழ வாசம் வீசுமாம். பழையசோறு – அது கிராமத்தின் உன்னதம்.
“… மைக்கடல் முத்துக்கு ஈடாய் மிக்க நெல் முத்து…”. – முக்கூடற்பள்ளு
சுருங்கிய வடிவம்
பச்சை நெல்லை நீராவியில் அவித்து, காயவைத்து, குத்தி, பகலில் சமைத்த புழுங்கலரிசிச் சோற்றை இரவு முழுவதும் ஊறவைத்தால் அது பழைய சோறு. அதனுடன் வெங்காயம், பச்சைமிளகாய் கடித்துக் குடிப்பது ஒரு வகை. வடுமாங்காய் அல்லது உப்பு நாரத்தங்காயுடன் சேர்த்துச் சாப்பிடுவது இன்னொரு வகை. சுண்ட வைத்த முதல்நாள் குழம்புடன் சேர்த்துக்கொள்வது மற்றொரு வகை. பழைய சோறு – அது கிராமத்து உன்னதம்.
“மைக்கடல் முத்துக்கு ஈடாய் மிக்க நெல் முத்து” …… முக்கூடற்பள்ளு
மொழியை ஆள்வோம் இயல் 5
அட்டவணையில் விடுபட்டதை எழுதுக
ஓடு- வேர்ச்சொல்
- எழுவாய்த் தொடர்- அருணா ஓடினாள்
- பெயரெச்சத் தொடர்- ஓடிய அருணா
- வினையெச்சத் தொடர்- ஓடி வந்தாள்
- விளித்தொடர்- அருணா ஓடாதே
- வேற்றுமைத் தொடர்- அருணாவிற்காக ஓடினாள்
வேர்ச்சொல்- சொல்
- எழுவாய்த் தொடர்- அம்மா சொன்னார்
- பெயரெச்சத் தொடர்- சொன்ன அம்ம
- வினையெச்சத் தொடர்- சொல்லிச் சென்றார்.
- விளித்தொடர்- அம்மா, சொல்!
- வேற்றுமைத் தொடர்- கதையைச் சொன்னார்
வேர்ச்சொல்- தா
- எழுவாய்த் தொடர்- அரசர் தந்தார்
- பெயரெச்சத் தொடர்- அந்த அரசர்
- வினையெச்சத் தொடர்- தந்து சென்றார்
- விளித் தொடர்- அரசே தருக!
- வேற்றுமைத் தொடர்- பரிசைத் தந்தார்
வேர்ச்சொல்- பார்
- எழுவாய்த் தொடர்- துளிர் பார்த்தாள்
- பெயரெச்சத் தொடர்– பார்த்த துளிர்
- வினையெச்சத் தொடர்– பார்த்துச் சிரித்தாள்
- விளித் தொடர்- துளிர் பார்!
- வேற்றுமைத் தொடர்– துளிருடன் பார்த்தேன்
வேர்ச்சொல்- வா
- எழுவாய்த்தொடர்- குழந்தை வந்தது
- பெயரெச்சத் தொடர்- வந்த குழந்தை
- வினையெச்சத் தொடர்– தவழ்ந்து வந்தது
- விளித்தொடர்- குழந்தாய் வா!
- வேற்றுமைத் தொடர்- குழந்தைக்குத் தாலாட்டு
தொடர்களில் உள்ள எழுவாயைச் செழுமை செய்க
கடம்பவனத்தைவிட்டு இறைவன் நீங்கினான்.
எ.கா. அழகிய குளிர்ந்த கடம்ப வனத்தை விட்டு இறைவன் நீங்கினான்.
1) மரத்தை வளர்ப்பது நன்மை பயக்கும்.
நிழலையும் காய்கனிகளையும் ஒருங்கே தரும் மரத்தை வளர்ப்பது நன்மை பயக்கும்
2) வாழ்க்கைப்பயணமே வேறுபட்ட பாடங்களை கற்றுத் தருகிறது.
நீண்ட நெடிய வாழ்க்கைப்பயணமே வேறுபட்ட பாடங்களை கற்றுத் தருகிறது.
3) கல்வியே வருவதற்கு உயர்வு தரும்.
என்றும் அழியாத கல்வியே ஒருவருக்கு உயர்வு தரும்.
4) குழந்தைகள் தனித்தனியே எழுதித் தரவேண்டும்.
சுட்டித்தனம் செய்யும் குழந்தைகள் தனித்தனியே எழுதித் தரவேண்டும்.
மொழியை ஆள்வோம்
தொடர்களை அடைப்புக்குறிக்குள் குறிப்பிட்டுள்ளவாறு மாற்றுக
எ.கா.
அழைப்பு மணி ஒலித்தது. கயல்விழி கதவைத் திறந்தார்.
(தனிச் சொற்றொடர்களை கலவைச் சொற்றொடர்களாக மாற்றுக)
அழைப்பு மணி ஒலித்ததால், கயல்விழி கதவைத் திறந்தார்.
1) இன்னாசியார் புத்தகங்களை வரிசைப்படுத்தினார். அவற்றைப் புத்தக அடுக்ககங்களில் அடுக்கி வைத்தார். புத்தகங்களைக் கேட்டவர்களுக்கு எடுத்துக் கொடுத்தார்.
(தொடர் சொற்றொடராக மாற்றுக)
இன்னாசியார் புத்தகங்களை வரிசைப்படுத்தி, புத்தகங்களில் அடுக்கி, கேட்டவர்களுக்கு எடுத்துக் கொடுத்தார்.
2) ஒயிலாட்டத்தில் குழுவினர் ஒரே நிறத் துணியை முண்டாசு போலக் கட்டிக்கொண்டு, காலில் சலங்கை அணிந்து கொண்டு, கையில் ஒரு சிறு துணியை இசைக்கேற்ப வீசியும் ஆடுவர்.
(தனிச் சொற்றொடர்களாக மாற்றுக)
ஒயிலாட்டத்தில் குழுவினர் ஒரே நிறத் துணியை முண்டாசு போலக் கட்டிக் கொண்டனர். அவர்கள் காலில் சலங்கை அணிந்து கொண்டனர். அவர்கள் கையில் ஒரு சிறு துணியை இசைக்கேற்ப வீசி ஆடுவர்.
3) கூத்துக்கலைஞர் பாடத் தொடங்கினார். கூடியிருந்த மக்கள் அமைதியாயினர்.
(கலவைச் சொற்றொடராக மாற்றுக)
கூத்துக்கலைஞர் பாடத் தொடங்கியதும் கூடியிருந்த மக்கள் அமைதியாயினர்.
4) ஓடிக் கொண்டிருந்த மின்விசிறி சட்டென நின்றவுடன் அறையில் உள்ளவர்கள் பேச்சு தடைபட்டது.
(தனிச் சொற்றொடர்களாக மாற்றுக)
ஓடிக் கொண்டிருந்த மின்விசிறியை சட்டென நின்றது. அதனால் அறையில் உள்ளவர்களின் பேச்சு தடைபட்டது.
பிறமொழிச் சொற்களைத் தமிழ்ச் சொற்களாக மாற்றி எழுதுக
புதிர்
உங்களிடம் ஏழு கோல்டு பிஸ்கட் உள்ளது. அதில் ஒன்று மட்டும் எடை குறைவானது. உங்களிடம் உள்ள ஒரு தராசை இரு முறைகள் மட்டுமே யூஸ் பண்ணி வெயிட் குறைந்த கோல்ட் பிஸ்கட்டைக் கண்டுபிடிக்கவும்.
விடை
தராசின் இரண்டு தட்டுகளிலும் மூன்று மூன்று கோல்டு பிஸ்கட்டுகளை வையுங்கள். இரண்டு தட்டுகளும் ஈக்வலாக இருந்தால் கையில் மிச்சம் உள்ள பிஸ்கட்டே வெயிட் குறைவானது. பட் ஆனால் ஒரு பக்கத் தராசுத் தட்டு உயர்ந்தால் அதில் உள்ள மூன்று பிஸ்கட்களில் ஒன்று வெயிட் குறைவானது. அந்த மூன்று பிஸ்கட்டுகளை மட்டும் எடுத்து வைத்துக்கொள்ளுங்கள். இரண்டு தட்டுகளிலும் ஒரு ஒரு பிஸ்கட்டை போட்டு இதே எக்ஸ்பெரிமெண்ட்டை ரிப்பீட் செய்து ஆன்சரைக் கண்டுபிடியுங்கள்! ஆல் தி பெஸ்ட்!
பக்கம் 151
நாட்டுப்புறப் பாடலுக்கேற்ற சூழலை எழுதுக.
பாடல்
ஆத்துக்கு அந்தண்டையே அண்ணன் வச்ச தென்னம்புள்ளே!
அண்ணன் புள்ள வாடினாலும் யம்மாடி! யம்மாடி!
தென்னம்புள்ளை வாடலாமோ? யம்மாடி! யம்மாடி!
வாய்க்காலுக்கு மேற்குப்புறம் வஞ்சி வெச்ச வாழைமரம்
வஞ்சி மனம் வாடினாலும் யம்மாடி! யம்மாடி!
வாழைமரம் வாடலாமோ யம்மாடி! யம்மாடி!
பாடல் எழுந்த சூழல்
அண்ணன் நட்டுவைத்த தென்னம்பிள்ளைக்கு நீர் பாய்ச்ச, தோப்புக்கு வரும் பெண்ணொருத்தி குழந்தையை இடுப்பில் இருந்து இறக்கி விடுகிறாள். தென்னம்பிள்ளைக்கு நீரூற்றுகிறாள்; குழந்தை அழுகிறது; பாடலைப் பாடியவாறே குழந்தையின் அழுகையை நிறுத்தி நீரூற்றுதலைத் தொடர்கிறாள்.
பாடல்
பாடறியேன் படிப்பறியேன் -நான்தான்
பள்ளிக்கூடம் தானறியேன்
ஏடறியேன் எழுத்தறியேன்- நான்தான்
எழுத்துவகை தானறியேன்
படிக்க நல்லா தெரிஞ்சிருந்தா-நான்தான்
பங்காளிய ஏன் தேடுறேன்
எழுத நல்லா தெரிஞ்சிருந்தா- நான் தான்
எதிராளிய ஏன் தேடுறேன்.
நாலெழுத்து படிச்சிருந்தா- நான்தான்
நாலு தேசம் போய் வருவேன்
நாலு பக்கம் வரப்புக்குள்ளே தெனமும்
நான் பாடுறேன் தெம்மாங்கு தான்.
பாடல் எழுந்த சூழல்
படிக்காத ஒருவன், தான் படிக்காத நிலையை எண்ணி வருந்துகிறான். தனக்கு எழுத்துக்கள் தெரியாததனால் உதவிக்குப் பங்காளியைத் தேட வேண்டிய நிலை வந்ததையும் எண்ணுகிறான். படிப்பறிவு இல்லாததால் எதிரியிடமும் உதவி கேட்க வேண்டிய இழிநிலை வந்ததையும் எண்ணி வருந்துகிறான். படித்திருந்தால் நான்கு நாடுகளுக்குச் சென்று பணம் சம்பாதித்து வந்திருக்கலாம் என்று நினைத்துப் பார்க்கிறான். படிப்பறிவு இல்லாததால் வயல்வெளியில் நான்கு வரப்புக்குள்ளே தினமும் தெம்மாங்குப் பாடல் பாடுகிறான்.
மனிதனுக்கும் மலருக்குமான மணம் வீசும் இந்த நயவுரையைத் தொடர்க.
வண்டுகளை ஈர்க்கும் வாசனையில்
பூக்களிடம் வசப்படுவது மனிதர்களே!
பூச்சியைக் கவரும் வண்ணங்களில்
பூக்களிடம் விழுவது மனிதர்களே!
மாலையில் மாலைசூடும் மங்கையரே!
மலர்தூவி இறைதொழுது மனம்குளிர்வீர்!.
மொழியை ஆள்வோம்
பின்வரும் தொடர்களை கொண்டு பொருத்தமான தொடரமைக்க
வரப் போகிறேன், இல்லாமல் இருக்கிறது, கொஞ்சம் அதிகம், முன்னுக்குப் பின், மறக்க நினைக்கிறேன்.
எ.கா.
இன்னும் சிறிது நேரத்தில் வரப்போகிறேன்.
- நம் நாட்டில் ஒற்றுமை இல்லாமல் இருக்கிறது
- இந்தியர்களுக்கு தேசப்பற்று கொஞ்சம் அதிகம்.
- திருடன் முன்னுக்குப்பின் முரணாகப் பதில் அளித்தான்.
- பிறர் செய்த தீங்கை மறக்க நினைக்கிறேன்.
தொகைச் சொற்களைப் பிரித்து எழுதித் தமிழ் எண்ணுரு தருக.
மூவேந்தர்களால் நாற்றிசையும் போற்றி வளர்க்கப்பட்ட முத்தமிழே, உலக மொழிகளில் உயர்ந்ததென்று செம்மாந்த கூற்றிற்குத் தமிழ் இலக்கியங்களில் அமைந்துள்ள இருதிணை அமைப்பே காரணமாகும். முப்பாலை முழுமையாகத் தந்த தமிழின் சிறப்பினை ஐந்திணைகளில் அழகுற விளக்குவதை சங்க இலக்கியங்கள். நானிலத்தில் பசித்தவர்க்கு அறுசுவை உணவுபோல் பத்துப்பாட்டும் எட்டுத்தொகையும் படிப்பவர்க்கு மனதிற்கினிமை ஈந்து தமிழ்ப் பெருமை சாற்றுகிறது.
- மூவேந்தர்கள்=மூன்று+வேந்தர்கள் ங
- நாற்றிசை =நான்கு+திசை ச
- முத்தமிழ் =மூன்று+தமிழ் ங
- இருதிணை =இரண்டு+திணை உ
- முப்பால் =மூன்று+பால் ங
- ஐந்திணை =ஐந்து+திணை ரு
- நானிலம் =நான்கு+நிலம் ச
- அறுசுவை=ஆறு+சுவை சா
- பத்துப்பாட்டு =பத்து+பாட்டு க0
- எட்டுத்தொகை=எட்டு+தொகை அ
பக்கம் 181
கவிதையை உரையாடலாக மாற்றுக
மகள் சொல்கிறாள்:
அம்மா என் காதுக்கு ஒரு தோடு -நீ அவசியம் வாங்கி வந்து போடு! சும்மா இருக்க முடியாது -நான் இப்போது சொல்லிவிட்டேன் உனக்கு இப்போது!
தாய் சொல்லுகிறாள்:
காதுக்கு கம்மல் அழகன்று -நான் கழறுவதைக் கவனி நன்று நீதர் மொழியை வெகு பணிவாய் நிதம் நீ கேட்டு வந்து காதில் அணிவாய்!
மகள் மேலும் சொல்லுகிறாள்:
கைக்கு இரண்டு வளையல் வீதம்- நீ கடன்பட்டுப் போட்டிடினும் போதும்! பக்கி என்று என்னை எல்லோரும் என் பாடசாலையில் சொல்ல நேரும்!
தாய் சொல்லும் சமாதானம்:
வாரா விருந்து வந்த களையில் -அவர் மகிழ உபசரித்தல் வளையல்! ஆராவமுதே மதி துலங்கு பெண்ணே அவர் சொல்வது உன் கைக்கு விலங்கு!
பின்னும் மகள்:
ஆபரணங்கள் இல்லையானால் என்னை யார் மதிப்பார் தெருவில் போனால்? கோபமோ அம்மா இதைச் சொன்னால் என் குறை தவிர்க்க முடியும்
அதற்குத் தாய்:
கற்பது பெண்களுக்கு ஆபரணம்- கெம்புக்கல் வைத்த நகை தீராத ரணம்! கற்ற பெண்களை இந்த நாடு தன் கண்களில் ஒற்றிக் கொள்ளும் அன்போடு
-பாரதிதாசன்
உரையாடல்
மகள்: அம்மா! என் காதுகள் வெறும் காதுகளாக உள்ளன. என் காதுக்கு ஒரு தோடு, நீ அவசியம் வாங்கி வந்து போட வேண்டும்.
அம்மா: மகளே! நான் சொல்வதைக் கவனமாக் கேள். காதுக்கு கம்மல் அழகு அன்று. சான்றோர் கூறும் சொற்களே காதுக்கு அழகு தரும். எனவே, சான்றோர் கூறும் சொற்களைப் பணிந்து கேட்பாயாக!
மகள்: அதெல்லாம் முடியாதம்மா! நீ கடன் வாங்கியாவது என் கைக்கு இரண்டு வளையல் போட வேண்டும். பாடசாலையில் என்னை எல்லோரும் ஏளனமாகப் பேசுகின்றனர்.
அம்மா: மகளே! இதற்கு முன் வராத விருந்தினர் வந்த பொழுது அவர் மகிழுமாறு உபசரிப்பதே வளையல். அமுதம் போன்றவளே! அறிவு மிகுந்த பெண்ணே! அவர்கள் கூறுவது உன் கைகளுக்கு விலங்காகும்.
மகள்: அம்மா, அணிகலன்கள் எதுவும் அணியாமல் நான் தெருவில் போனால் என்னை யார் மதிப்பார்கள்? இதைச் சொன்னால் உங்களுக்கு கோபமோ, அம்மா? எனக்கு வளையல் வாங்கித் தந்து என் குறையைத் தவிர்க்க வேண்டும், அம்மா.
அம்மா: மகளே! கற்பதே பெண்களுக்கு ஆபரணம். கல் வைத்த நகை, தீராத துன்பத்தைத் தரும். கற்ற பெண்களை இந்த நாடு அன்போடு கண்ணைப் போல் பாதுகாக்கும்.
மரபுத் தொடருக்கான பொருளறிந்து தொடரில் அமைத்து எழுதுக
- மனக்கோட்டை-தொண்டர் ஒருவர், தனக்குத் தலைவர் பதவி கிடைக்கும் என மனக்கோட்டை கட்டினார்
- கண்ணும் கருத்தும்-இளம் வயதிலேயே மாணவர்கள் கண்ணும் கருத்துமாய்ப் படித்தால் உயர்ந்த நிலையை அடையலாம்.
- அள்ளி இறைத்தல்-தலைவர் தேர்தலில் வென்ற மகிழ்ச்சியில், பணத்தை அள்ளி இறைத்தார்
- ஆறப்போடுதல்-முருகன் தனது இருசக்கர வாகனத்தைப் பழுது நீக்கும் பணியை இரண்டு நாட்களுக்கு ஆறப்போட்டான்
பின்வரும் உரையாடலில் உள்ள பேச்சு வழக்கினை எழுத்து வழக்காக மாற்றுக
“தம்பீ? எங்க நிக்கிறே?”
“நீங்க சொன்ன எடத்திலதாண்ணே! எதிர்த்தாப்புல ஒரு டீ ஸ்டால் இருக்குது.”
“அங்ஙனக்குள்ளயே டீ சாப்டுட்டு பேப்பரப் படிச்சிக்கிட்டு இரு… நான் வெரசா வந்துருவேன்”
“அண்ணே! சம்முவத்தையும் கூட்டிக்கிட்டு வாங்கண்ணே! அவனெப் பாத்தே ரொம்ப நாளாச்சு!”
“அவம்பாட்டியோட வெளியூர் போயிருக்கான். உங்கூருக்கே அவனெக் கூட்டிக்கிட்டு வர்றேன்.”
” ரொம்பச் சின்ன வயசுல பார்த்ததுண்ணே! அப்பம் அவனுக்கு மூணு வயசு இருக்கும்!”
“இப்போ ஒசரமா வளந்துட்டான்! ஒனக்கு அடையாளமே தெரியாது! ஊருக்கு எங்கூட வருவாம் பாரேன்! சரி, போன வையி. நாங் கெளம்பிட்டேன்…”
” சரிங்கண்ணே”
எழுத்து வழக்கு:
“தம்பி! எங்கே நிற்கிறாய்?”
“நீங்க கூறிய இடத்தில் தான் நிற்கிறேன். எதிர்ப்புறம் ஒரு தேநீர்க்கடை இருக்கிறது.”
“அங்கேயே தேநீர் அருந்தி விட்டு, செய்தித்தாள் படித்து கொண்டிரு. நான் விரைவில் வந்து விடுவேன்”
“அண்ணா! சண்முகத்தையும் அழைத்துக் கொண்டு வாருங்கள். அவனைப் பார்த்து வெகு நாட்கள் ஆயிற்று.”
” அவன் பாட்டியுடன் வெளியூர் சென்று இருக்கிறான். உங்கள் ஊருக்கு அவனை அழைத்துக்கொண்டு வருகிறேன்.”
” மிகவும் சின்ன வயதில் பார்த்தது. அப்போது அவனுக்கு மூன்று வயது இருக்கும்.”
” இப்போது உயரமாக வளர்ந்து விட்டான். உனக்கு அடையாளமே தெரியாது! ஊருக்கு என்னுடன் வருவான், பார்! சரி. தொலைபேசியை வை. நான் கிளம்பிவிட்டேன்.”
“சரி அண்ணா”
Tuesday, April 26, 2022
மொழியோடு விளையாடு அனைத்து இயல்களும்
சொற்களை இணைத்துப் புதிய சொற்களை உருவாக்குக.
(தேன், விளக்கு, மழை, விண், மணி, விலங்கு, செய், மேகலை, வான், பொன், பூ)
எ.கா. பூமணி
- மணிமேகலை
- தேன் மழை
- பூமழை
- வான்மழை
- பொன்மழை
- செய்விளக்கு
- பொன்செய்
- செய்மணி
- செய்தேன்
- வான்விளக்கு
- பொன்மணி
- பூந்தேன்
- பூத்தேன்
குறிப்புகளைக் கொண்டு வினாவிலேயே விடை இருப்பது போன்று வினாத்தொடர்கள் அமைக்க
(குறளின்பம், சுவைக்காத இளநீர், காப்பியச் சுவை, மனிதகுல மேன்மை, விடுமுறைநாள்)
எ.கா. குறளின்பத்தில் திளைக்காத புலவர் உண்டோ?
- சுவை தராத இளநீர் உண்டோ?
- காப்பியச் சுவை அறியாத தமிழ்ப்புலவர் உண்டோ?
- அறிவியல் கண்டுபிடிப்புகள் யாவும் மனித குல மேன்மையே அன்றி வேறெதுவும் உண்டோ?
- பாடும் பறவைகளுக்கு விடுமுறை நாள் உண்டோ?
எண்ணுப்பெயர்களைக் கண்டு, தமிழ் எண்களில் எழுதுக.
- நாற்றிசையும் செல்லாத நாடில்லை: நான்கு - ச
- எறும்புந்தன் கையால் எண்சாண்: எட்டு - அ
- ஐந்துசால்பு ஊன்றிய தூண்: ஐந்து- ரு
- நாலும் இரண்டும் சொல்லுக்கு உறுதி: நான்கு, இரண்டு- ச, உ
- ஆனை ஆயிரம் அமரிடை வென்ற மானவனுக்கு வகுப்பது பரணி: ஆயிரம் - க000
அகராதியில் காண்க
- அடவி-மரங்கள் அடர்ந்த நிலப்பகுதி, காடு , சோலை
- அவல்(அகன்ற பள்ளம்)-பள்ளம், விளைநிலம், குளம், வயல்
- சுவல்-மேட்டு நிலம், பிடரி, முதுகு, குதிரையின் கழுத்து மயிர், தொல்லை.
- செறு(சேறு நிறைந்த நிலம்)-வயல், பாத்தி, செய்
- பழனம்-பொய்கை, மருத நிலம், நீர்நிலச்சேறு, பொது நிலம், வயல்
- புறவு-காடு, முல்லை நிலம், புறம்பு, புறா, முல்லைக்கொடி.
தலைப்பு : கல்வி
புத்தகம் வாசித்திடு; புதிதாய்ச் சுவாசித்திடுதீமை துரத்திடும்; தூய்மை ஆக்கிடும்வறுமை ஓட்டிடும்; வளமை கூட்டிடும்விதியை விலக்கிடும்; விழியைத் திறந்திடும்மதியை வளர்த்திடும்; மதிப்பை உயர்த்திடும்அற்றம் காத்திடும்; நம் சுற்றம் காத்திடும்உளியாய்ச் செதுக்கிடும்; பழியை அகற்றிடும்இன்பம் ஊட்டிடும்; வீட்டைக் காட்டிடும்.
இயல் 2
சொல்லைக் கண்டுபிடித்துப் புதிரை விடுவிக்க.
1) முதல் இரண்டை நீக்கினாலும் வாசனை தரும்; நீக்காவிட்டாலும் வாசனை தரும்.
விடை: நறுமணம்
2) பழமைக்கு எதிரானது- எழுதுகோலில் பயன்படும்.
விடை: புதுமை
3) இருக்கும்பொழுது உருவமில்லை- இல்லாமல் உயிரினம் இல்லை.
விடை: காற்று
4) நாலெழுத்தில் கண் சிமிட்டும்- கடையிரண்டில் நீந்திச் செல்லும்
விடை: விண்மீன்
5) ஓரெழுத்தில் சோலை- இரண்டு எழுத்தில் வனம்.
விடை: காடு
நயமிகு தொடர்களைப் படித்து ஏற்ற தலைப்புகளை எடுத்து எழுதுக.
1) கொளுத்தும் வெயில் சட்டெனத் தணிந்தது. வானம் இருண்டது. வாடைக் காற்று வீசியது.
தலைப்பு: காற்றின் பாடல்
2) புவி சிலிர்த்து, மண்ணில் இருந்து சின்னஞ்சிறு மொட்டு முகிழ்த்தது; அச்செடியை வரவேற்கும் விதமாக பக்கத்துச் செடிகள் தலையாட்டி மகிழ்கின்றன.
தலைப்பு: மொட்டின் வருகை
3) சோலைக்குள் சத்தமில்லாமல் வீசியது தென்றல்; பூக்கள் அதன் வருகையை உணர்ந்து நறுமணத்துடன் வரவேற்கின்றன. பூ வாசம் கலந்த தென்றலில் வண்டுகள் மிதந்து சென்று மலர்களில் அமர்கின்றன.
தலைப்பு: மிதக்கும் வாசம்
4) இரவின் இருள் அமைதியில் இரைச்சலாய்ச் சில சுவர்க்கோழிகள். வறண்ட வானத்தின் இருண்ட புழுக்கம்; மழைக்கு ஏங்கும் புவி வெப்பப் பெருமூச்சு விடும். கசகசத்த உயிரினங்கள்.
தலைப்பு: உயிர்ப்பின் ஏக்கம்
5) நின்றுவிட்ட மழை தரும் குளிர். சொட்டுச் சொட்டாக விளிம்புகளிலிருந்தும் மரங்களிலிருந்தும் விழும் மழைநீர் பட்டுச் சிலிர்க்கும் உயிரினம்.
தலைப்பு: நீரின் சிலிர்ப்பு
6) குயில்களின் கூவலிசை. புள்ளினங்களின் மேய்ச்சலும் பாய்ச்சலும். இலைகளின் அசைவுகள், சூறைக் காற்றின் ஆலோலம்.
தலைப்பு: வனத்தின் நடனம்
இயல் 2
- அகன்சுடர்-உயர்ந்த தீபம்(அகன்ற சுடர், பெரிய சுடர், உயர்ந்த சுடர்) கதிரவன்
- ஆர்கலி- கடல்(ஆர்ப்பரிக்கும் கடல்), மழை(ஆரவாரத்துடன் பெய்யும் மழை), பறவை ம்ம்
- கட்புள்-விழித்திருக்கும் பறவை(கண் விழித்திருக்கும் பறவை)கண்+புள்(பறவை)
- திருவில்-வானவில்(பெரிய வில், அழகான வில்)
- திரு-அழகு, செல்வம்
- கொடுவாய் - வாள் முதலிய வற்றின் வளைந்த வாய், குறளை, பழிச்சொல், ஒருவகை மீன், புலி வகை, வாயில் இருந்து வடியும் நீர்;கொடு- வளைந்த, கொடுமையான
தலைப்பு: மரம் வளர்த்திடு
ஆறறிவு படைத்த மானிடா!புல்லறிவு கொண்டது ஏனடா?!சூழல் கெடுத்து சூனியம் வைத்தாய்!முற்றும் மறந்து உற்றவை அழித்தாய்!ஓரறிவு கொண்டது தானடா!உலகிற்கு உயிரென்று ஆனதடா!மழை தந்து வாழ வைக்கும்!மன்னுயிர்க் கெல்லாம் உரமாய் நிற்கும்!தவமிருந்து மரங்கள் வளர்த்திடு!தலைமுறை தனைக் காத்திடு!
விடுபட்ட எழுத்துக்களை நிரப்பி அந்த எழுத்துக்களை மட்டும் இணைத்து ஒளிந்துள்ள ஒரு நூலின் பெயரைக் கண்டுபிடிக்க.
இ_கு (பறவையிடம் இருப்பது)கு_தி (சிவப்பு நிறத்தில் இருக்கும்)வா_ (மன்னரிடம் இருப்பது)அ_கா (தங்கைக்கு மூத்தவள்)ம_ (அறிவின் மறுபெயர்)பட_ (நீரில் செல்வது)
இறகு, குருதி, வாள், அக்கா, மதி, படகு. (தி-ரு-க்-கு-ற-ள்)
நூலின் பெயர்: திருக்குறள்
இரு சொற்களையும் ஒரே தொடரில் அமைத்து எழுதுக
சிலை- சீலை
சிலையைத் திரைச்சீலையால் மறைத்திருக்கிறார்கள்.
தொடு-தோடு
காதில் தொங்கிய தோடு, தோளைத் தொட்டுக் கொண்டிருந்தது.
மடு-மாடு
மடுவில் மாடு குளித்தது. (மடு-குளம்)
மலை-மாலை
மாலையில் மலைமீது ஏறினார்.
வளி-வாளி
வாளியில் வளியே நிறைந்திருக்கிறது
விடு-வீடு
வீடுபேறு அடைய தீய செயல்களைக் கைவிட வேண்டும்
இயல் 3
- ஊன்-இறைச்சி
- ஊண்-உணவு
- திணை-ஒழுக்கம், பிரிவு; உயர்+திணை=உயர்திணை (கடவுள்,மனிதர்);அல்+திணை=அஃறிணை;(விலங்குகள் மற்றும் உயிரற்ற பொருள்கள்)
- தினை-ஒருவகை தானியம்
- அன்னம்(அன்னப்பறவை, சோறு)
- அண்ணம்- வாயின் மேற்பகுதி
- வெல்லம்- சருக்கரை, இனிப்புக் கட்டி
- வெள்ளம்-நீர்
தலைப்பு: அன்பு
ஓலைக் குடிசையில் வாழ்ந்தாலும்...ஒருவேளைக் கூழே உண்டாலும்...உள்ளம் நிறைய அன்புடனே...ஒருகை நீயும் அளித்தாயே!கசங்கிய உடையை அணிந்தாலும்...கலங்கா உள்ளம் படைத்தாயே!இல்லா நிலையை அடைந்தாலும்...இரங்கிய உள்ளம் படைத்தாயே!உன்போல் ஒருவரைக் கண்டாலே...ஊக்கத்தால் உள்ளம் துளிர்த்திடுமே!!
தொடரைப் படித்து விடையைக் கண்டறிக
1) நூலின் பயன் படித்தல் எனில், கல்வியின் பயன் ________(கற்றல்)
2) விதைக்கு தேவை எரு எனில், கதைக்குத் தேவை_______(கரு)
3. கல் சிலை ஆகுமெனில், நெல் ______ஆகும். ( சோறு)
4) குரலில் இருந்து பேச்சு எனில், விரலில் இருந்து ______( எழுத்து)
5) மீன் இருப்பது நீரில்; தேன் இருப்பது_______(பூவில்)
இயல் 4
- அவிர்தல்-பிரகாசித்தல்,ஒளிர்தல் விளங்குதல்
- அழல்-நெருப்பு, கோபம், நஞ்சு
- உவா -முழுநிலவு, கடல், இளமை, யானை
- கங்குல்-இரவு
- கனலி-சூரியன், நெருப்பு
பக்கம் 97
குறிப்பைப் பயன்படுத்தி விடை தருக
குறிப்பு: எதிர்மறையான சொற்கள்
- மீளாத் துயர்- மீண்ட துயர்
- கொடுத்துச் சிவந்த- கொடாது சிவந்த
- மறைத்துக் காட்டு- மறையாது காட்டு
- அருகில் அமர்க- தொலைவில் அமர்க
- பெரியவரின் அமைதி- பெரியவரின் கூச்சல்
- புயலுக்கு பின்- புயலுக்கு முன்.
தலைப்பு: தொழில்நுட்ப அடிமை
கிரகாம்பெல் கண்ட அற்புத விளக்கு!மார்ட்டின் கூப்பரின் மந்திர விளக்கு!பேஜ் பிரினின் கூகுள் தேடல்...சூக்கர் பெர்கின் முகநூல் நட்பு...ஆக்டன்- கௌமின் புலனப் பார்வை ...ஆளை மயக்கும் ஆண்ட்ராய்டு பதிப்பு..!ஆட் கொண்டதில் இல்லையே வியப்பு..!ஆசை உறவை அலைபேசியில் கண்டாய்!படிப்பும் பணியும் கைபேசியில் முடித்தாய்!தொழில்நுட்பத் தொல்லையில் தொலைந்தேன் போனாய்?!தொடுதிரை உலகில் அடிமை ஆனாய்..!
புதிர்ப்பாடலைப் படித்து விடையைக் கண்டுபிடிக்க
தார்போன்ற நிறமுண்டு கரியும் இல்லைபார் முழுதும் பறந்து திரிவேன் மேகமும் இல்லைசேர்ந்து அமர்ந்து ஒலிப்பேன் பள்ளியும் இல்லைசோர்ந்து போகாமல் வீடு அமைப்பேன் பொறியாளரும் இல்லைவீட்டுக்கு வரும் முன்னே, வருவதை கூறுவேன்.
நான் யார்?
விடை: காகம்
தொழில் பெயர்களின் பொருளைப் புரிந்துகொண்டு தொடர்களை முழுமை செய்க.
1) நிலத்துக்கு அடியில் கிடைக்கும் புதையல் யாவும் அரசுக்கே சொந்தம். நெகிழிப் பொருட்களை மண்ணுக்கு அடியில் புதைத்தல் நிலத்தடி நீர்வளத்தைக் குன்றச் செய்யும்.
2) காட்டு விலங்குகளைச் சுடுதல் தடை செய்யப்பட்டுள்ளது. செய்த தவறுகளைச் சுட்டல் திருந்த உதவுகிறது.
3) காற்றின் மெல்லிய தொடுதல் பூக்களைத் தலையாட்ட வைக்கிறது. கைகளின் நேர்த்தியான தொடுத்தல் பூக்களை மாலை ஆக்குகிறது
4) பசுமையான காட்சியைக் காணுதல் கண்ணுக்கு நல்லது.
5) பொதுவாழ்வில் நடித்தல் கூடாது. நடிப்பில் அவரை மிஞ்ச ஆள் கிடையாது.
அகராதியில் காண்க
- மன்றல்- திருமணம்
- அகராதி- அகரமுதலி
- மருள்- மயக்கம், வியப்பு
- அடிச்சுவடு- காலடியின் அடையாளம்
- தூவல்- மழை, இறகு, பேனா, ஓவியம்
தலைப்பு: மரம் வளர்த்திடுக!
மரம் அழித்த மானிடர்..!வரம் இழந்து போயினர்..!சோலைகள் பாலைகள் ஆயின...சுவாசமும் சுவர்க்கமும் ஏகின...கரும்பலகையில் மரம் வரைந்துகற்பதில் ஏது பயன்?உணவும் உயிரும் தந்திடும்!உணர்வும் ஊக்கமும் தந்திடும்!உள்ளம் தெளிந்து,விருட்சம் வளர்த்து,பெறுக நற்பயன்!
தொடரில் விடுபட்ட வண்ணங்களை உங்களின் எண்ணங்களால் நிரப்புக
- வானம் கருக்கத் தொடங்கியது. மழை வரும் போலிருக்கிறது.
- அனைவரின் பாராட்டுக்களால், வெட்கத்தில் பாடகரின் முகம் சிவந்தது
- வெள்ளை மனம் உள்ளவரை அப்பாவி என்கிறோம்.
- கண்ணுக்குக் குளுமையாக இருக்கும் பசுமையான புல்வெளிகளில் கதிரவனின் மஞ்சள் வெயில் பரவிக்கிடக்கிறது
- வெயிலில் அலையாதே; உடல் கருக்கும்
பொருத்தமானவற்றைச் சொற்பெட்டியில் கண்டு எழுதுக
(தங்கும், மரம் வீடு, அவிழும், தயங்கும், மரவீடு, தோற்பாவை, விருது, தோற்பவை, கவிழும், விருந்து).
- விரட்டாதீர்கள்- பறவைக்கு மரம் வீடு. வெட்டாதீர்கள் -மனிதருக்கு அவை தரும் மரவீடு.
- காலை ஒளியினில் மலரிதழ் அவிழும். சோலைப்பூவினில் வண்டினம் கவிழும்.
- மலைமுகட்டில் மேகம் தங்கும்- அதைப் பார்க்கும் மனங்கள் செல்லத் தயங்கும்.
- வாழ்க்கையில் தோற்பவை மீண்டும் வெல்லும்-இதைத் தத்துவமாய்த் தோற்பாவைக்கூத்து சொல்லும்.
- தெருக்கூத்தில் நடிகருக்குக் கைதட்டலே விருது.- அதில் வரும் காசு குறைந்தாலும் அதுவேயவர் விருந்து.
இயல் 6
- தால்- நாக்கு(தாலாட்டு -நாவால் பாடப்படும் பாட்டு)
- அகவுதல்- அழைத்தல், ஒலித்தல், பாடுதல்
- அணிமை- அண்மை, அருகு, பக்கம்
- உழுவை- புலி
- ஏந்தொழில்- மிகுந்த அழகு(ஏந்து+எழில், ஏந்து-மிக)
தலைப்பு: ஒயிலாட்டம்
காலின் சலங்கையில் கனவுகள் நில்லும்!கைச்சிறு துணியில் காரியம் செல்லும்!இடுப்பின் கச்சையில் ஈரம் சிந்தும்!உருமியின் ஓசையில் உணர்ச்சிகள் உந்தும்!ஒய்யார ஆட்டத்தில் வீரமே முந்தும்!தாளத்தின் நீளத்தில் தாவலும் இருக்கும்!ஒத்த அசைவில் ஓர்மை ஒளிரும்!கலையின் நிறைவில் கண்கள் மிளிரும்!
ஊர்ப்பெயர்களின் மரூஉவை எழுதுக
- புதுக்கோட்டை- புதுகை
- திருச்சிராப்பள்ளி- திருச்சி
- உதகமண்டலம் -உதகை
- கோயம்புத்தூர் -கோவை
- நாகப்பட்டினம்- நாகை
- புதுச்சேரி -புதுவை
- கும்பகோணம் -குடந்தை
- திருநெல்வேலி -நெல்லை
- மன்னார்குடி-மன்னை
- மைலாப்பூர் -மயிலை
- சைதாப்பேட்டை- சைதை
படம் தரும் செய்தியைப் பத்தியாகத் தருக
இந்தப் படம் திருநெல்வேலி மாவட்டம் திருப்புடைமருதூரில் கண்டுபிடிக்கப்பட்ட 17ஆம் நூற்றாண்டின் சுவர் ஓவியம் ஆகும். இப்படம் போருக்குச் செல்லும் குதிரைப்படை, காலாட்படை, யானைப் படை வீரர்களைக் காட்சிப்படுத்துகிறது. போருக்குச் செல்லும் வீரர்கள் வாள், வேல், வில்- அம்பு முதலியவற்றை ஏந்திச் செல்வர். தமிழர்கள் வீரத்தைத் உயிராகக் கருதினர். போரில் விழுப்புண் பட்டு உயிர் விடுவதை பெருமையாகக் கருதினர்.
இயல்-7
- மிரியல்- மிளகு
- அதசி- சணல்
- வருத்தலை- பெருகுதல், தொழில்,சீவனம்
- துரிஞ்சில்- வௌவால் வகை, சீக்கி மரம்
தலைப்பு : உழவன்
ஏர்பிடித்து உழுபவன்...ஏற்றம்கட்டி இறைப்பவன்...இறைவனுக்கு அடுத்தவன்...இருதொழிலே தெரிந்தவன்...வள்ளலாரின் மூத்தவன்...வழுவாமல் காப்பவன்...பசிப்பிணி அறிந்தவன்...பயிர்களை ஆள்பவன்...பேரிடரைப் பொறுப்பவன்...பெருமைதான் சொல்லிடவோ..!
கண்டுபிடித்து எழுதுக
1 2 3 4 5 6 7 8 10 ஆகிய எண்ணுப்பெயர்கள் இடம்பெறும் திருக்குறள்களைக் கண்டுபிடித்து எழுதுக….
- பேராண்மை என்ப தறுகண்ஒன் றுற்றக்கால் ஊராண்மை மற்றதன் எஃகு
- கண்ணுடையர் என்பவர் கற்றோர் கல்லாதவர் முகத்திரண்டு புண்ணுடையர் கல்லா தவர்
- தூங்காமை கல்வி துணிவுடைமை இம்மூன்றும் நீங்கா நிலன்ஆள் பவர்க்கு
- அழுக்காறு அவாவெகுளி இன்னாச்சொல் நான்கும் இழுக்கா இயன்றது அறம்
- வன்கண் குடிகாத்தல் கற்றறிதல் ஆள்வினையோடு ஐந்துடன் மாண்டது அமைச்சு
- படைகுடி கூழ்அமைச்சு நட்பரண் ஆறும் உடையான் அரசருள் ஏறு
- ஒருமைக்கண் தான்கற்ற கல்வி ஒருவற்கு எழுமையும் ஏமாப் புடைத்து
- கோளில் பொறியில் குணமிலவே எண்குணத்தான் தாளை வணங்காத் தலை
- பல்லார் பகைகொளலிற் பத்தடுத்த தீமைத்தே நல்லார் தொடர்கை விடல்
சொற்களைப் பிரித்துப் பார்த்துப் பொருள் தருக
1. கானடை
கான் அடை-காட்டைச் சேர்கான்+நடை-காட்டுக்கு நடத்தல்கால் +நடை-காலால் நடத்தல்
2. வருந்தாமரை
வரும்+தாமரை-வருகின்ற தாமரைமலர்வருந்தா மரை-வருந்தாத மான்வரும் தா மரை-வருகின்ற தாவுகின்ற மான்
3. பிண்ணாக்கு-
எண்ணெய் எடுத்த கழிவுபிள்+நாக்கு-பிளவுபட்ட நாக்கு
4. பலகையொலி
பலகை ஒலி-பலகையின் ஓசைபல கையொலி-பலருடைய கை ஓசைபல கை ஒலி-பல்வேறு சிறிய ஓசைகள்
- ஆசுகவி- இன்னசொல் கொண்டு, இன்ன பொருள்படப் பாடுக என்றால் உடனே பாடுவது(கவி காளமேகப் புலவர் , பாடுக என்று சொன்னவுடனே பாடுவதில் வல்லவர்)
- மதுரகவி - சொற்களையும் பொருட்களையும் சுவை ததும்பப் பாடுவது (கம்பராமாயணம் போன்ற இனிமையான பாடல்கள்)
- சித்திரகவி -எழுத்தைச் சித்திராக வடிப்பது
- வித்தாரகவி - விரித்து பாடப்பெறும் பாட்டு, விரிவாகப் பாடும் நூல்(ஐம்பெருஙகாப்பியங்களை எடுத்துக்காட்டாகச் சொல்லலாம்)
தலைப்பு : ஈகை
அன்பே அகிலம் ஆள வேண்டும்ஆசை நிலவாய்த் தேய வேண்டும்இன்பம் கடலாய்ப் பெருக வேண்டும்ஈகை என்றும் நிலைக்க வேண்டும்உழைப்பை யாவரும் மதிக்க வேண்டும்ஊக்கம் கொண்டு உழைக்க வேண்டும்உள்ளம் குளம் போல் இருக்க வேண்டும்கைகள் கொடுத்துச் சிவக்க வேண்டும்தானம், தருமம் வளர வேண்டும்தடுப்போர் இல்லாமல் இருக்க வேண்டும்.
இயல்- 9
- குணதரன்- முனிவன், நற்குணமுடையவள்
- செவ்வை- நேர்மை, மிகுதி, வழி, சரியான நிலை
- நகல்- நட்பு, படி, ஏளனம், மகிழ்ச்சி(நகுதல்)
- பூட்கை- கொள்கை, மனவுறுதி, வலிமை, சிங்கம், யானை(உறுதி பூண்டார்)
இயல் 9 கவிதை
எல்லாம் இழந்த கணம்!ஈயென இரங்கும் மனம்!பணம் இடுவர் சிலர்!சினம் இடுவர் சிலர்!தன்பி எடுப்போரும் உளர்!!வாடும் உடலும் தினம்!வாழ்வும் சில்லறைப் பணம்!காட்சியில் மனிதம் பிணம்!காணும் என்மனம் கனம்!பெருக வேண்டும் தானம்!
விளம்பரத்தை நாளிதழுக்கான செய்தியாக மாற்றியமைக்க .
விருதுநகர் மாவட்டம் போக்குவரத்துக் காவல் துறை சார்பாக சாலைப் பாதுகாப்பு விழிப்புணர்வு நிகழ்ச்சி நடைபெற்றது. "சாலை பாதுகாப்பு தொடர் அன்று -அது தொடரும் வாழ்க்கை முறை" என்ற குறிக்கோளை மையமாகக் கொண்ட இந்நிகழ்ச்சியில் சாலைப் பாதுகாப்பு தொடர்பான குறியீடுகள் விளக்கிக் கூறப்பட்டன.
கீழ்க்காணும் நாட்காட்டியில் புதன்கிழமையை 1-ஆம் தேதியாகக் கொண்டு தமிழெண்களால் நிரப்புக.
மொழியோடு விளையாடு இயல் 5 பக்கம் 125
பக்கம் 125
மொழியோடு விளையாடு
புதிர்ப்பாடலைப் படித்து விடையைக் கண்டுபிடிக்க
தார்போன்ற நிறமுண்டு கரியும் இல்லை
பார் முழுதும் பறந்து திரிவேன் மேகமும் இல்லை
சேர்ந்து அமர்ந்து ஒலிப்பேன் பள்ளியும் இல்லை
சோர்ந்து போகாமல் வீடு அமைப்பேன் பொறியாளரும் இல்லை
வீட்டுக்கு வரும் முன்னே, வருவதை கூறுவேன்.
நான் யார்?
விடை: காகம்
தொழில் பெயர்களின் பொருளைப் புரிந்துகொண்டு தொடர்களை முழுமை செய்க.
1) நிலத்துக்கு அடியில் கிடைக்கும் புதையல் யாவும் அரசுக்கே சொந்தம். நெகிழிப் பொருட்களை மண்ணுக்கு அடியில் புதைத்தல் நிலத்தடி நீர்வளத்தைக் குன்றச் செய்யும்.
2) காட்டு விலங்குகளைச் சுடுதல் தடை செய்யப்பட்டுள்ளது. செய்த தவறுகளைச் சுட்டல் திருந்த உதவுகிறது.
3) காற்றின் மெல்லிய தொடுதல் பூக்களைத் தலையாட்ட வைக்கிறது. கைகளின் நேர்த்தியான தொடுத்தல் பூக்களை மாலை ஆக்குகிறது
4) பசுமையான காட்சியைக் காணுதல் கண்ணுக்கு நல்லது.
5) பொதுவாழ்வில் நடித்தல் கூடாது. நடிப்பில் அவரை மிஞ்ச ஆள் கிடையாது.
மொழியோடு விளையாடு இயல் 4 பக்கம் 96,97
தொடரைப் படித்து விடையைக் கண்டறிக
1) நூலின் பயன் படித்தல் எனில், கல்வியின் பயன் ________(கற்றல்)
2) விதைக்கு தேவை எரு எனில், கதைக்குத் தேவை_______(கரு)
3. கல் சிலை ஆகுமெனில், நெல் ______ஆகும். ( சோறு)
4) குரலில் இருந்து பேச்சு எனில், விரலில் இருந்து ______( எழுத்து)
5) மீன் இருப்பது நீரில்; தேன் இருப்பது_______(பூவில்)
பக்கம் 97
குறிப்பைப் பயன்படுத்தி விடை தருக
குறிப்பு: எதிர்மறையான சொற்கள்
- மீளாத் துயர்- மீண்ட இன்பம்
- கொடுத்துச் சிவந்த- கொடாது கறுத்த
- மறைத்துக் காட்டு- மறையாது காட்டு
- அருகில் அமர்க- தொலைவில் நிற்க
- பெரியவரின் அமைதி- சிறுவனின் கூச்சல்
- புயலுக்கு பின்- அமைதிக்கு முன்.
Subscribe to:
Posts (Atom)